ഡോ. സിറിയക് തോമസ് ഫൗണ്ടേഷൻ ട്രസ്റ്റിന്‍റെ ഉദ്ഘാടനം 21ന് : Deepika.com Kerala News |

Click here for detailed news of all items

ഡോ. സിറിയക് തോമസ് ഫൗണ്ടേഷൻ ട്രസ്റ്റിന്‍റെ ഉദ്ഘാടനം 21ന്

Thursday, October 17, 2019 11:36 PM IST

കോട്ടയം: ഡോ. സിറിയക് തോമസ് ഫൗണ്ടേഷൻ ട്രസ്റ്റിന്‍റെ ഉദ്ഘാടനവും ഫൗണ്ടേഷൻ ഏർപ്പെടുത്തിയ ക്രാന്തദർശി പുരസ്കാര സമർപ്പണവും 21നു വൈകുന്നേരം നാലിനു കോട്ടയം മാമ്മൻ മാപ്പിള ഹാളിൽ നടക്കും. ട്രസ്റ്റിന്‍റെ പ്രഥമ പുരസ്കാരത്തിന് ഇന്‍റർനാഷ്ണൻ ബിസിനസ് സർവീസ് സ്ഥാപക ചെയർമാനും ഡയറക്ടറുമായ വി.കെ. മാത്യൂസ് അർഹനായി. ഒരു ലക്ഷം രൂപയും ശിൽപവും അടങ്ങുന്ന അവാർഡ് യോഗത്തിൽ സമ്മാനിക്കും.

പി.ജെ. ജോസഫ് എംഎൽഎ അധ്യക്ഷതവഹിക്കുന്ന സമ്മേളനത്തിൽ മലങ്കര സുറിയാനി കത്തോലിക്ക സഭ മേജർ ആർച്ച് ബിഷപ് മാർ ബസേലിയോസ് ക്ലീമിസ് കാതോലിക്ക ബാവാ ട്രസ്റ്റ് ഉദ്ഘാടനം ചെയ്യും. ഉമ്മൻ ചാണ്ടി എംഎൽഎ വി.കെ. മാത്യൂസിനു പുരസ്കാരം സമർപ്പിക്കും. ട്രസ്റ്റ് ലോഗോ ജയകൃഷ്ണൻ മേനോൻ പ്രകാശനം ചെയ്യും. തിരുവഞ്ചൂർ രാധാകൃഷ്ണൻ എംഎൽഎ, സുരേഷ് കുറുപ്പ് എംഎൽഎ, ജി. രാമൻ നായർ, മിയാ ജോർജ്, ഡോ. സാബു ഡി. മാത്യു, ഡോ. ടി.വി. മുരളീവല്ലഭൻ, ഡോ. സ്റ്റാനി തോമസ്, ഡോ. സിറിയക് തോമസ് എന്നിവർ പ്രസംഗിക്കും.

ഡോ. സിറിയക് തോമസിന്‍റെ ശിക്ഷ്യരും സുഹൃത്തുക്കളും സഹപ്രവർത്തകരും ചേർന്നാണു ഡോ. സിറിയക് തോമസ് ഫൗണ്ടേഷൻ ട്രസ്റ്റ് രൂപീകരിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.