തിരുവനന്തപുരം: കേരളകൗമുദിയുടേയും കലാകൗമുദിയുടേയും ചീഫ് എഡിറ്ററായിരുന്ന എം.എസ്. മണി മാധ്യമപ്രവർത്തനത്തിനും സമൂഹത്തിനും അമൂല്യമായ സംഭാവനകൾ നൽകിയതായി മുഖ്യമന്ത്രി പിണറായി വിജയൻ അനുശോചന സന്ദേശത്തിൽ പറഞ്ഞു.
ധീരമായ സമീപനവും അധഃസ്ഥിതരുടെ ഉന്നമനത്തിനായുള്ള നിസ്വാർഥ താല്പര്യവുംകൊണ്ട് എം.എസ്. മണി മാധ്യമരംഗത്തെ സന്പുഷ്ടമാക്കിയതായി ഗവർണർ ആരിഫ് മുഹമ്മദ്ഖാൻ അനുശോചന സന്ദേശത്തിൽ പറഞ്ഞു.
സ്പീക്കർ പി. ശ്രീരാമകൃഷ്ണൻ, മന്ത്രിമാരായ ജി. സുധാകരൻ, കടകംപള്ളി സുരേന്ദ്രൻ, കടന്നപ്പള്ളി രാമചന്ദ്രൻ, ഇ. ചന്ദ്രശേഖരൻ, ടി.പി. രാമകൃഷ്ണൻ, ഡെപ്യൂട്ടി സ്പീക്കർ വി. ശശി. പ്രതിപക്ഷ നേതാവ് രമേശ് ചെന്നിത്തല, എംപിമാരായ ശശി തരൂർ, കെ. മുരളീധരൻ, അടൂർ പ്രകാശ്, വയലാർ രവി, മുൻ മുഖ്യ മന്ത്രി ഉമ്മൻചാണ്ടി, എംഎൽഎമാരായ പി.ജെ. ജോസഫ്, വി.കെ. പ്രശാന്ത്, വി.എസ്. ശിവകുമാർ, തിരുവഞ്ചൂർ രാധാകൃഷ്ണൻ, ഒ. രാജഗോപാൽ, മുല്ലക്കര രത്നാകരൻ, സി. ദിവാകരൻ, എം. മുകേഷ്, കെ.എസ്. ശബരിനാഥൻ, മോൻസ് ജോസഫ്, അനൂപ് ജേക്കബ്, മേയർ ശ്രീകുമാർ, ഡൽഹിയിലെ കേരളാ സർക്കാർ പ്രതിനിധി എ. സന്പത്ത്, ചെറിയാൻ ഫിലിപ്പ്, വക്കം പുരുഷോത്തമൻ, വി.എം. സുധീരൻ, സിപിഐ സംസ്ഥാന സെക്രട്ടറി കാനം രാജേന്ദ്രൻ, എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ തുടങ്ങിയവർ അന്ത്യോപചാരം അർപ്പിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.