ഞായറാഴ്ച ശുചീകരണദിനം : Deepika.com Kerala News |

Click here for detailed news of all items

ഞായറാഴ്ച ശുചീകരണദിനം

Thursday, May 28, 2020 12:53 AM IST

തിരുവനന്തപുരം: ആരാധനാലയങ്ങൾ ഉടൻ തുറക്കാനാകില്ലെന്നു മുഖ്യമന്ത്രി പിണറായി വിജയൻ. ആരാധനാലയങ്ങൾ തുറന്നാൽ വിശ്വാസികളുടെ എണ്ണം നിയന്ത്രിക്കാൻ ബുദ്ധിമുട്ടാകും. സ്ഥിതിഗതികൾ മെച്ചപ്പെടുന്പോൾ ഇക്കാര്യം പരിഗണിക്കാമെന്നു മുഖ്യമന്ത്രി പറഞ്ഞു.

* ഞായറാഴ്ച സംസ്ഥാനത്ത് ശുചീകരണ ദിനമാക്കണം. മുഴുവൻ ആളുകളും വീടും പരിസരവും ശുചിയാക്കണം. പൊതുസ്ഥലങ്ങൾ ശുചിയാക്കുന്നതിന്‍റെ ഉത്തരവാദിത്വം തദ്ദേശസ്വയം ഭരണ സ്ഥാപനങ്ങൾക്കായിരിക്കും. കാലവർഷം വരുന്ന സാഹചര്യത്തിൽ മഴക്കാല രോഗങ്ങൾ തടയണം.

* വസ്ത്രവ്യാപാര ശാലകളിൽ റെഡിമെയ്ഡ് വസ്ത്രങ്ങൾ ട്രയൽ നോക്കാൻ പാടില്ല. സ്ഥാപന ഉടമകൾ ഇത് ഉറപ്പാക്കണം.

* ജീവനക്കാരുടെ റിട്ടയർമെന്‍റിനോട് അനുബന്ധിച്ച് ആളുകൾ കൂടുന്നതും പാർട്ടികൾ നടത്തുന്നതും ഒഴിവാക്കണം. ഈ മാസം 31ന് ധാരാളം ജീവനക്കാർ വിരമിക്കുന്ന പശ്ചാത്തലത്തിലാണ് ഈ നിർദേശം.

* എസ്എസ്എൽസി, പ്ലസ് ടു പരീക്ഷകൾ അവസാനിക്കുന്ന ദിവസം വിദ്യാർഥികൾ പതിവായി ചെയ്യുന്നതു പോലുള്ള ആഘോഷം പാടില്ല. പരീക്ഷ കഴിഞ്ഞാൽ വിദ്യാർഥികൾ നേരെ വീടുകളിലേക്കു പോകണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.