തലശേരി: കേരളസർക്കാരിന്‍റെ കോവിഡ് നിർമാർജന പ്രവർത്തനങ്ങളോട് ഒപ്പംനിന്നു തലശേരി അതിരൂപതയിലെ കെസിവൈഎം പ്രവർത്തകർ നടത്തുന്ന പരിശ്രമങ്ങൾ സമൂഹത്തിന് മാതൃകയാണെന്ന് മുഖ്യമന്ത്രി പിണറായി വിജയൻ. റൂത്ത് 2020 ഓൺലൈൻ മഹായുവജനസംഗമം ഉദ്ഘാടനംചെയ്തു പ്രസംഗിക്കുകയായിരുന്നു മുഖ്യമന്ത്രി.
റൂത്ത് പോലുള്ള പ്രവർത്തനങ്ങൾവഴി യുവജനങ്ങളുടെ സർഗശേഷി ഫലപ്രദമായി വിനിയോഗിക്കുന്നത് അനുകരണീയമാണെന്ന് ചടങ്ങിൽ പ്രസംഗിച്ച ആരോഗ്യമന്ത്രി കെ.കെ. ശൈലജ പറഞ്ഞു.
വ്യവസായ മന്ത്രി ഇ.പി. ജയരാജൻ, സീറോമലബാർസഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി, സീറോമലങ്കരസഭ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാബാവ, കെസിബിസി യുവജനകമ്മീഷൻ ചെയർമാൻ ബിഷപ് ഡോ. ക്രിസ്തുദാസ്, തലശേരി ആർച്ച്ബിഷപ് മാർ ജോർജ് ഞരളക്കാട്ട്, സഹായമെത്രാൻ മാർ ജോസഫ് പാംപ്ലാനി, കെ.സുധാകരൻ എംപി, എംഎൽഎമാരായ കെ.സി. ജോസഫ്, സണ്ണി ജോസഫ്, കെപിസിസി പ്രസിഡന്‍റ് മുല്ലപ്പള്ളി രാമചന്ദ്രൻ, ഫാ. നോബിൾ തോമസ് പാറയ്ക്കൽ, ഫാ. ജോസഫ് പുത്തൻപുര എന്നിവർ യുവജനങ്ങളോട് സംവദിച്ചു .
കെസിവൈഎം തലശേരി അതിരൂപത പ്രസിഡന്‍റ് സിജോ കണ്ണേഴത്ത്, ഡയറക്‌ടർ ഫാ. സോണി വടശേരി, ജനറൽ സെക്രട്ടറി വിപിൻ ജോസഫ് മാറുകാട്ടുകുന്നേൽ, എബിൻ കുമ്പുക്കൽ, ജോയൽ തൊട്ടിയിൽ, ഡെൽന മരിയ, സിസ്റ്റർ പ്രീതി മരിയ സിഎംസി, ചിഞ്ചു വട്ടപ്പാറ, ബോണി ജോൺ, ജിതിൻ മുടപ്പാല, അനി ചാക്കോ, ടോമിൻ തോമസ് എന്നിവർ നേതൃത്വം നൽകി.
55 രാജ്യങ്ങളിൽനിന്ന് നൂറിലധികം യുവജനപ്രതിനിധികൾ പങ്കെടുത്ത ഓൺലൈൻ സംഗമത്തിൽ ഭാരത കത്തോലിക്കാസഭയിലെ വിവിധ രൂപതകളിൽനിന്ന് ഒരുലക്ഷത്തിലധികം യുവജനങ്ങൾ പങ്കെടുത്തു. കേരളസർക്കാരിന്‍റെ കോവിഡ് കാലഘട്ടത്തിലെ മാതൃകാപരമായ പ്രവർത്തനങ്ങൾക്ക് ലക്ഷം യുവജനാദരവും പരിപാടിയുടെ പ്രത്യേകതയായിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.