കോട്ടയം താഴത്തങ്ങാടി കൊലപാതകം: മോഷണം മാത്രമല്ല ലക്ഷ്യമെന്നു പോലീസ്
Wednesday, June 3, 2020 1:02 AM IST
കോ​​ട്ട​​യം: താ​​ഴ​​ത്ത​​ങ്ങാ​​ടി പാ​​റ​​പ്പാ​ട​ത്തു ദ​​ന്പ​​തി​​മാ​​രെ ആ​​ക്ര​​മി​​ച്ചു ഭാ​​ര്യ​​യെ കൊ​​ല​​പ്പെ​​ടു​​ത്തി​​യ​​തി​​ൽ ഇ​​രു​​വ​​രു​​ടെ​​യും ത​​ല​​യ്ക്കു മാ​​ര​​ക​​ക്ഷ​​ത​​മേ​​റ്റ​​താ​​യും മോ​​ഷ​​ണം മാ​​ത്ര​​മാ​​യി​​രു​​ന്നി​​ല്ല പ്ര​​തി​​യു​​ടെ ല​​ക്ഷ്യ​​മെ​​ന്നും അ​​ന്വേ​​ഷ​​ണ​​സം​​ഘം.

കൊ​​ല്ല​​പ്പെ​​ട്ട ഷീ​​ബ​​യു​​ടെ ത​​ല​​യ്ക്കു ഭാ​​ര​​മേ​​റി​​യ മൂ​​ർ​​ച്ച​​യി​​ല്ലാ​​ത്ത ആ​​യു​​ധം ഉ​​പ​​യോ​​ഗി​​ച്ചു മാ​​ര​​ക​​മാ​​യു​​ള്ള അ​​ടി​​യേ​​റ്റി​​ട്ടു​​ണ്ട്. പു​​റ​​മേ ച​​ത​​ഞ്ഞ്, ത​​ല​​യോ​​ട്ടി​പൊ​​ട്ടി ആ​​ന്ത​​രി​​ക ര​​ക്ത​​സ്രാ​​വം ഉ​​ണ്ടാ​​യ​​താ​​ണ് ഷീ​​ബ​​യു​​ടെ മ​​ര​​ണ​​ത്തി​​നു കാ​​ര​​ണ​​മെ​​ന്നാ​​ണു പോ​​സ്റ്റ്മോ​​ർ​​ട്ടം റി​​പ്പോ​​ർ​​ട്ട്. സം​​ഭ​​വ​​ത്തി​​നു പി​​ന്നി​​ൽ മോ​​ഷ​​ണം മാ​​ത്ര​​മാ​​യി​​രു​​ന്നി​​ല്ല ല​​ക്ഷ്യ​​മെ​​ന്നും, വീ​​ടു​​മാ​​യി അ​​ടു​​പ്പ​​മു​​ള്ള​​വ​​രാ​​ണു പി​​ന്നി​​ലെ​​ന്നും പോ​​ലീ​​സ് സം​​ശ​​യി​​ക്കു​​ന്നു. പോ​​സ്റ്റ്മോ​​ർ​​ട്ട​​ത്തി​​നു​​ശേ​​ഷം ഷീ​​ബ​​യു​​ടെ മൃ​​ത​​ദേ​​ഹം കോ​​ട്ട​​യം തി​​രു​​ന​​ക്ക​​ര താ​​ജ് ജു​​മാ​​മ​​സ്ജി​​ദി​​ൽ ക​​ബ​​റ​​ട​​ക്കി.

തി​​ങ്ക​​ളാ​​ഴ്ച വൈ​​കു​​ന്നേ​​രം നാ​​ല​​ര​​യോ​​ടെ​​യാ​​ണു പാ​​റ​​പ്പാ​​ടം ഷാ​​നി മ​​ൻ​​സി​​ലി​​ൽ മു​​ഹ​​മ്മ​​ദ് സാ​​ലി (65), ഷീ​​ബ (60) എ​​ന്നി​​വ​​രെ വീ​​ടി​​നു​​ള്ളി​​ൽ ആ​​ക്ര​​മി​​ക്ക​​പ്പെ​​ട്ട നി​​ല​​യി​​ൽ ക​​ണ്ടെ​​ത്തി​​യ​​ത്. മെ​​ഡി​​ക്ക​​ൽ കോ​​ള​​ജ് ആ​​ശു​​പ​​ത്രി​​യി​​ലേ​​ക്കു കൊ​​ണ്ടു പോ​​കു​​ന്ന​​തി​​നി​​ടെ ഷീ​​ബ മ​​രി​​ച്ചു. ത​​ല​​യ്ക്കു മാ​​ര​​ക​​മാ​​യി അ​​ടി​​യേ​​റ്റ് ഷീ​​ബ​​യു​​ടെ ത​​ല​​യോ​​ട്ടി പൊ​​ട്ടി​​യി​​ട്ടു​​ണ്ട്. സാ​​ലി​​യു​​ടെ ത​​ല​​യ്ക്കും സ​​മാ​​ന​​രീ​​തി​​യി​​ലു​​ള്ള അ​​ടി​​യേ​​റ്റി​​ട്ടു​​ണ്ട്. മൂ​​ക്കി​​ന്‍റെ പാ​​ല​​ത്തി​നും ത​​ല​​യോ​​ട്ടി​ക്കും പൊ​​ട്ട​​ൽ സം​​ഭ​​വി​​ച്ചി​​ട്ടു​​ണ്ട്. മെ​​ഡി​​ക്ക​​ൽ കോ​​ള​​ജ് ആ​​ശു​​പ​​ത്രി ട്രോ​​മ കെ​​യ​​ർ യൂ​​ണി​​റ്റി​​ലെ വെ​​ന്‍റി​​ലേ​​റ്റ​​റി​​ലാ​​ണ്.


തി​​ങ്ക​​ളാ​​ഴ്ച രാ​​വി​​ലെ ഒ​​ന്പ​​തി​​നും പ​​ത്തി​​നും ഇ​​ട​​യി​​ലാ​​ണ് ആ​ക്ര​മ​ണം ന​​ട​​ന്ന​​തെ​​ന്നാ​​ണു പോ​​ലീ​​സി​​ന്‍റെ പ്രാ​​ഥ​​മി​​ക നി​​ഗ​​മ​​നം. മോ​​ഷ​​ണം ന​​ട​​ന്ന കാ​​റു​​മാ​​യി പ്ര​​തി താ​​ഴ​​ത്ത​​ങ്ങാ​​ടി​​യി​​ലെ പ്ര​​ധാ​​ന റോ​​ഡി​​ലേ​​ക്കു ക​​യ​​റു​​ന്ന സി​​സി​​ടി​​വി കാ​​മ​​റാ​​ദൃ​​ശ്യം സ​​മീ​​പ​​ത്തെ വീ​​ട്ടി​​ൽ​​നി​​ന്നു പോ​​ലീ​​സി​​നു ല​​ഭി​​ച്ചി​​ട്ടു​​ണ്ട്. കാ​​ർ കു​​മ​​ര​​കം വ​​ഴി വൈ​​ക്കം ഭാ​​ഗ​​ത്ത് എ​​ത്തി.

ഷീ​​ബ​​യു​​ടെ​​യും സാ​​ലി​​യു​​ടെ​​യും മൊ​​ബൈ​​ൽ ഫോ​​ണു​​ക​​ൾ ന​​ഷ്ട​​മാ​​യ​​താ​​യും ഷീ​​ബ​​യു​​ടെ ശ​​രീ​​ര​​ത്തി​​ലു​​ണ്ടാ​​യി​​രു​​ന്ന ആ​​ഭ​​ര​​ണ​​ങ്ങ​​ൾ കാ​​ണാ​​താ​​യ​​താ​​യും ബ​​ന്ധു​​ക്ക​​ൾ അ​​റി​​യി​​ച്ചു. വീ​​ട്ടി​​ൽ​​നി​​ന്നും മ​​റ്റെ​​ന്തെ​​ങ്കി​​ലും മോ​​ഷ​​ണം പോ​​യി​​ട്ടു​​ണ്ടോ​​യെ​​ന്നാ​​ണ് പോ​​ലീ​​സ് പ​​രി​​ശോ​​ധി​​ക്കു​​ന്ന​​ത്. വീ​​ടു​​മാ​​യി അ​​ടു​​പ്പ​​മു​​ള്ള​​യാ​​ളാ​​ണു കൊ​​ല​​പാ​​ത​​ക​​ത്തി​​നു പി​​ന്നി​​ലെ​​ന്നാ​​ണ് പോ​​ലീ​​സി​​നു ല​​ഭി​​ക്കു​​ന്ന നി​​ർ​​ണാ​​യ​​ക സൂ​​ച​​ന.

ആ​ക്ര​മ​ണം ന​​ട​​ത്തി​​യ പ്ര​​തി കൂ​​ടു​​ത​​ൽ സ​​മ​​യം വീ​​ടി​​നു​​ള്ളി​​ൽ ചെ​​ല​​വ​​ഴി​​ച്ച​​താ​​യും സൂ​​ച​​ന​യു​ണ്ട്. തി​​ങ്ക​​ളാ​​ഴ്ച രാ​​വി​​ലെ ഭ​​ക്ഷ​​ണം പാ​​​​കം ചെ​​യ്യു​​ന്ന​​തി​​നി​​ടെ​​യാ​​ണു ആ​ക്ര​മ​ണ​മു​ണ്ടാ​യ​​ത്. അ​​ടു​​ക്ക​​ള​​യി​​ൽ ച​​പ്പാ​​ത്തി​​യും മു​​ട്ട​​യും പാ​​​​കം ചെ​​യ്തു വ​​ച്ച​​താ​​യി ക​​ണ്ടെ​​ത്തി​​യി​​ട്ടു​​ണ്ട്. കൊ​​ച്ചി റേ​​ഞ്ച് ഡി​​ഐ​​ജി കാ​​ളി​​രാ​​ജ് മ​​ഹേ​​ഷ് കു​​മാ​​റി​​ന്‍റെ​​യും ജി​​ല്ലാ പോ​​ലീ​​സ് ചീ​​ഫ് ജി. ​​ജ​​യ്ദേ​​വി​​ന്‍റെ​​യും നേ​​തൃ​​ത്വ​​ത്തി​​ൽ പ്ര​​ത്യേ​​ക അ​​ന്വേ​​ഷ​​ണ​​സം​​ഘം രൂ​​പീ​​ക​​രി​​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.