തിരുവനന്തപുരം: ബംഗാൾ ഉൾക്കടലിൽ രൂപംകൊണ്ട ന്യൂനമർദം ശക്തിപ്രാപിച്ച് ഗുജറാത്ത് മേഖലയിൽ എത്തിയതോടെ കേരളത്തിൽ അതിതീവ്രമഴയ്ക്ക് സാധ്യതയുള്ളതായി കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. ബംഗാൾ ഉൾക്കടലിൽ പുതിയൊരു ന്യൂനമർദം നാളെ രൂപപ്പെടും.
റെഡ് അലർട്ട്
ഇടുക്കി, തൃശൂർ, പാലക്കാട്, വയനാട് ജില്ലകളിൽ ഇന്ന് റെഡ് അലർട്ട്.
ഓറഞ്ച് അലർട്ട്
ഇന്ന് പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി,തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിലും നാളെ ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലും ഓറഞ്ച് അലർട്ട്.
യെലോ അലർട്ട്
തിരുവനന്തപുരം, കൊല്ലം ജില്ലകളിൽ ഇന്നും എറണാകുളം, തൃശൂർ, പാലക്കാട് ജില്ലകളിൽ നാളെയും യെലോ അലർട്ട്.
മണ്ണിടിച്ചിൽ മുന്നറിയിപ്പ്
വയനാട്, ഇടുക്കി, പത്തനംതിട്ട, കോട്ടയം ജില്ലകളിലും മലപ്പുറം ജില്ലയിലെ കിഴക്കൻമേഖലകളിലും മണ്ണിടിച്ചിൽ മുന്നറിയിപ്പ്. മലയോര മേഖലയിൽ രാത്രി ഏഴുമുതൽ രാവിലെ ഏഴുവരെ രാത്രി ഗതാഗതം നിരോധിച്ചു അണക്കെട്ടിനു താഴെ താമസിക്കുന്നവർക്ക് ജാഗ്രതാ നിർദേശം നൽകി.
മത്സ്യത്തൊഴിലാളികൾ കടലിൽ പോകരുത്
ഇന്ന് തെക്കുപടിഞ്ഞാറ് അറബിക്കടൽ, മധ്യപടിഞ്ഞാറ് അറബിക്കടൽ, എന്നിവിടങ്ങളിൽ മണിക്കൂറിൽ 50 മുതൽ 60 വരെ കിലോമീറ്റർ വേഗതയിൽ കാറ്റുവിശാൻ സാധ്യത. മത്സ്യത്തൊഴിലാളികൾ കടലിൽ പോകരുത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.