ഇ​രു​ട്ടും മ​ഴ​യും അ​പ​ക​ട​ത്തി​ന്‍റെ തീ​വ്ര​ത കൂ​ട്ടി
Saturday, August 8, 2020 1:13 AM IST
മൂ​ന്നാ​ർ: രാ​ജ​മ​ല​യി​ലെ ദു​ർ​ഘ​ട​മാ​യ സാ​ഹ​ച​ര്യ​ങ്ങ​ൾ ര​ക്ഷാ​പ്ര​വ​ർ​ത്ത​ന​ങ്ങ​ൾ വൈ​കാ​നി​ട​യാ​യി. കെ​ഡി​എ​ച്ച്പി ക​ന്പ​നി ന​മ​യ​ക്കാ​ട് എ​സ്റ്റേ​റ്റി​ലെ രാ​ജ​മ​ല​യി​ലു​ള്ള പെ​ട്ടി​മു​ടി ഡി​വി​ഷ​നി​ൽ ര​ക്ഷാ​പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​തും ഏ​റെ പ്ര​തി​സ​ന്ധി​ക​ൾ​ക്കി​ട​യി​ലാ​യി​രു​ന്നു. സം​ഭ​വ​സ​മ​യ​ത്ത് തീ​വ്ര​മ​ഴ പെ​യ്തു​കൊ​ണ്ടി​രു​ന്ന​തും വൈ​ദ്യു​തി ഇ​ല്ലാ​തി​രു​ന്ന​തും മൂ​ലം സം​ഭ​വ​സ്ഥ​ല​ത്തേ​ക്ക് തൊ​ഴി​ലാ​ളി​ക​ൾ എ​ത്തു​ന്ന​തി​ന് ത​ട​സ​മാ​യി. ക​ന​ത്ത​മ​ഴ​യു​ടെ ശ​ബ്ദ​വും കാ​റ്റും നി​മി​ത്തം സ​മീ​പ​ത്തു​ള്ള ല​യ​ങ്ങ​ളി​ലെ തൊ​ഴി​ലാ​ളി​ക​ൾ സം​ഭ​വ​മ​റി​യാ​നും വൈ​കി.

മൂ​ന്നാ​റി​ൽ​നി​ന്നും 25 കി​ലോ​മീ​റ്റ​ർ അ​ക​ലെ​യു​ള്ള പെ​ട്ടി​മു​ടി​യി​ൽ വാ​ഹ​ന​സൗ​ക​ര്യം കു​റ​ഞ്ഞ പ്ര​ദേ​ശ​മാ​ണ്. വ​നം വ​കു​പ്പി​ന്‍റെ കീ​ഴി​ലു​ൾ​പ്പെ​ട്ട ഇ​ര​വി​കു​ളം നാ​ഷ​ണ​ൽ പാ​ർ​ക്കി​ന്‍റെ ഭാ​ഗ​മാ​യ​തി​നാ​ൽ പു​റ​ത്തു​നി​ന്നും അ​നു​മ​തി കൂ​ടാ​തെ എ​ത്തി​ക്കു​വാ​നും സാ​ധി​ക്കാ​ത്ത മേ​ഖ​ല​യാ​ണി​ത്. വീ​തി കു​റ​ഞ്ഞ റോ​ഡും ബ​ലം കു​റ​ഞ്ഞ പാ​ല​ങ്ങ​ളും ഉ​ള്ള​തു കാ​ര​ണം ജെ​സി​ബി, ഹി​ച്ചാ​റ്റി തു​ട​ങ്ങി​യ സം​വി​ധാ​ന​ങ്ങ​ൾ ഏ​റെ പ​ണി​പ്പെ​ട്ടാ​ണ് അ​പ​ക​ട​സ്ഥ​ല​ത്തെ​ത്തി​ച്ച​ത്.


മൂ​ന്നാ​റി​ലെ ഏ​റ്റ​വും കൂ​ടു​ത​ൽ മ​ഴ ല​ഭി​ക്കു​ന്ന പ്ര​ദേ​ശ​വും കൂ​ടി​യാ​ണ് രാ​ജ​മ​ല. സം​ഭ​വ​ദി​വ​സം 21 സെ​ന്‍റി​മീ​റ്റ​ർ മ​ഴ​യാ​ണ് രാ​ജ​മ​ല​യി​ൽ പെ​യ്തത്. വാ​ർ​ത്താ​വി​നി​മ​യ സൗ​ക​ര്യ​ങ്ങ​ളുടെ അ​ഭാ​വ​​വും പെ​ട്ടി​മു​ടി​യി​ലു​ണ്ട്. ഫോ​ണ്‍ ക​ണ​ക്ഷ​ൻ പോ​ലും ഇ​ല്ലാ​തി​രു​ന്ന രാ​ജ​മ​ല​യി​ൽ ക​ഴി​ഞ്ഞ​വ​ർ​ഷം മാ​ത്ര​മാ​ണ് ബി​എ​സ്എ​ൻ​എ​ൽ ട​വ​ർ സ്ഥാ​പി​ച്ച​ത്.

വാഹനങ്ങൾ ഒലിച്ചുപോയി

മ​റ​യു​ർ: ക​ണ്ണ​ൻ ദേ​വ​ൻ ക​ന്പ​നി​യു​ടെ പെ​ട്ടി​മു​ടി ഡി​വി​ഷ​നി​ലെ ഉ​രു​ൾ പൊ​ട്ട​ലു​ണ്ടാ​യ ഭാ​ഗ​ത്താ​ണു രാ​ത്രി കാ​ല​ങ്ങ​ളി​ൽ ക​ന്പ​നി വാ​ഹ​ന​ങ്ങ​ൾ പാ​ർ​ക്കു ചെ​യ്തി​രു​ന്ന​ത്.

ഉ​രു​ൾ​പൊ​ട്ട​ലി​ൽ ഇ​വി​ടെ പാ​ർ​ക്ക് ചെ​യി​തി​രു​ന്ന ജീ​പ്പു​ക​ൾ, കാ​ർ, ഫോ​റ​സ്റ്റ് വി​ക​സ​ന ഏ​ജ​ൻ​സി​യു​ടെ ജീ​പ്പ് തു​ട​ങ്ങി​യ ഉ​ൾ​പ്പെ​ട​യു​ള്ള മു​ഴു​വ​ൻ വാ​ഹ​ന​ങ്ങ​ളുംം ഉ​രു​ൾ പൊ​ട്ട​ലി​ൽ ഒ​ലി​ച്ചു പോ​യി. പ​തി​ന​ഞ്ച് അ​ടി​യോ​ളം ഉ​യ​ര​ത്തി​ലാ​ണ് മ​ണ്ണും കൂ​റ്റ​ൻ പാ​റ​ക്ക​ല്ലു​ക​ളും ല​യ​ങ്ങ​ൾ​ക്ക് മീ​തെ പ​തി​ച്ച​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.