മൂന്നു സ്പെഷൽ ട്രെയിനുകൾകൂടി : Deepika.com Kerala News |

Click here for detailed news of all items

മൂന്നു സ്പെഷൽ ട്രെയിനുകൾകൂടി

Thursday, October 1, 2020 1:52 AM IST

തിരുവനന്തപുരം: കൊല്ലം-ചെന്നൈ, ചെന്നൈ-ആലപ്പുഴ, കരൈക്കൽ-എറണാകുളം റൂട്ടുകളിൽ മൂന്നു സ്പെഷൽ ട്രെയിനുകൾ ഈ മാസം മൂന്നു മുതൽ സർവീസ് ആരംഭിക്കുമെന്നു സതേണ്‍ റെയിൽവേ അറിയിച്ചു.

കൊല്ലം-ചെന്നൈ എഗ്മോർ സ്പെഷൽ ട്രെയിൻ ഈ മാസം നാലു മുതൽ ഉച്ചകഴിഞ്ഞ് മൂന്നിനു പുറപ്പെട്ട് പിറ്റേന്നു രാവിലെ 8.10നു ചെന്നൈയിൽ എത്തിച്ചേരും. ചെന്നൈ എഗ്മോർ-കൊല്ലം സ്പെഷൽ ട്രെയിൻ ഈ മാസം മൂന്നു മുതൽ സർവീസ് ആരംഭിക്കും. രാത്രി 9.10നു ചെന്നൈ എഗ്മോറിൽനിന്നും യാത്ര ആരംഭിക്കുന്ന ട്രെയിൻ പിറ്റേന്ന് ഉച്ചയ്ക്ക് 1.15നു കൊല്ലത്ത് എത്തിച്ചേരും.

ചെന്നൈ സെൻട്രൽ-ആലപ്പുഴ സൂപ്പർ ഫാസ്റ്റ് സ്പെഷൽ ട്രെയിൻ നാളെ മുതൽ ആരംഭിക്കും. രാത്രി 8.55നു ചെന്നൈയിൽ നിന്നും പുറപ്പെടുന്ന ട്രെയിൻ പിറ്റേന്നു രാവിലെ 10.45നു ആലപ്പുഴയിൽ എത്തിച്ചേരും. ആലപ്പുഴ-ചെന്നൈ സർവീസ് ഈ മാസം മൂന്നു മുതൽ ആരംഭിക്കും. ഉച്ചകഴിഞ്ഞ് 4.05നു ആലപ്പുഴയിൽ നിന്നും പുറപ്പെടുന്ന ട്രെയിൻ പിറ്റേന്നു രാവിലെ 5.50നു ചെന്നൈയിൽ എത്തിച്ചേരും.

കരൈക്കൽ-എറണാകുളം ജംഗ്ഷൻ സ്പെഷൽ ട്രെയിൻ ഈ മാസം നാലു മുതൽ സർവീസ് ആരംഭിക്കും. ഉച്ചകഴിഞ്ഞ് 4.20നു കരൈക്കലിൽ നിന്നും പുറപ്പെടുന്ന ട്രെയിൻ പിറ്റേന്നു രാവിലെ ഏഴിന് എറണാകുളത്ത് എത്തിച്ചേരും.

എറണാകുളം-കരൈക്കൽ സ്പെഷൽ ട്രെയിൻ ഈ മാസം മൂന്നിന് സർവീസ് ആരംഭിക്കും. രാത്രി 10.30നു എറണാകുളത്തു നിന്നും പുറപ്പടുന്ന ട്രെയിൻ പിറ്റേന്നു ഉച്ചയ്ക്ക് 12.10നു കരൈക്കലിൽ എത്തിച്ചേരും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.