അധ്യാപക നിയമനം : കാത്തലിക് ടീച്ചേഴ്സ് ഗിൽഡ് ഭാരവാഹികൾ ഉപവസിച്ചു : Deepika.com Kerala News |

Click here for detailed news of all items

അധ്യാപക നിയമനം : കാത്തലിക് ടീച്ചേഴ്സ് ഗിൽഡ് ഭാരവാഹികൾ ഉപവസിച്ചു

Friday, October 23, 2020 12:12 AM IST

തിരുവനന്തപുരം: അധ്യാപക നിയമനങ്ങൾ അംഗീകരിക്കണമെന്നും ന്യൂനപക്ഷ അവകാശങ്ങൾ സംരക്ഷിക്കണമെന്നും ആവശ്യപ്പെട്ട് കെസിബിസി വിദ്യാഭ്യാസ കമ്മീഷന്‍റെ ആഹ്വാനപ്രകാരം മലങ്കര കത്തോലിക്കാ സഭ തിരുവനന്തപുരം മേജർ അതിരൂപത കാത്തലിക് ടീച്ചേഴ്സ് ഗിൽഡ് ഭാരവാഹികൾ സെക്രട്ടേറിയറ്റ് നടയിൽ ഉപവസിച്ചു.

അധ്യാപക നിയമന പ്രശ്നം പരിഹരിക്കുന്നതുവരെ സമരം തുടരുമെന്ന് മൂന്നാം ദിവസത്തെ സത്യഗ്രഹം ഉദ്ഘാടനം ചെയ്ത മലങ്കര കത്തോലിക്കാ സഭാ തിരുവനന്തപുരം മേജർ അതിരൂപത വികാരി ജനറാൾ മോണ്‍. ഡോ. മാത്യു മനക്കരക്കാവിൽ കോർ എപ്പിസ്കോപ്പ പറഞ്ഞു. അധ്യാപകർ കുട്ടികളുടെ വിദ്യാഭ്യാസ കാര്യങ്ങളിലും വീട്ടുവാടക നൽകുന്നതിലും ബുദ്ധിമുട്ടുന്നു. നീതിക്കായുള്ള സമരമാണ് നടത്തുന്നതെന്നു ആരുടേയും ഔദാര്യമല്ല വേണ്ടതെന്നും അദ്ദേഹം പറഞ്ഞു.

ശന്പളം കിട്ടാത്ത അധ്യാപകരിൽ ചെറിയ ശതമാനം മാത്രമേ കത്തോലിക്കാ സ്ഥാപനങ്ങളിൽ നിന്നുള്ളൂവെന്നും ബാക്കി മറ്റു വിഭാഗങ്ങളുടേയും വ്യക്തിഗത മാനേജ്മെന്‍റുകളുടേയും സ്കൂളിലെ അധ്യാപകരാണെന്നും മലങ്കര കത്തോലിക്കാ സഭാ തിരുവനന്തപുരം മേജർ അതിരൂപത കോർപറേറ്റ് മാനേജർ മോണ്‍.ഡോ.വർക്കി ആറ്റുപുറത്ത് പറഞ്ഞു.

മോണ്‍. ഡോ.വർക്കി ആറ്റുപുറത്ത്, കാത്തലിക് ടീച്ചേഴ്സ് ഗിൽഡ് സംസ്ഥാന പ്രസിഡന്‍റ് സാലു പതാലിൽ, സംസ്ഥാന വൈസ് പ്രസിഡന്‍റ ഡി.ആർ. ജോസ്, മാത്യു ജോണ്‍, എൻ.ജി. റോയ് എന്നിവർ സത്യഗ്രഹം അനുഷ്ഠിച്ചു. ഇന്ന് നെയ്യാറ്റിൻകര ലത്തീൻ അതിരൂപത കാത്തലിക് ടീച്ചേഴ്സ് ഗിൽഡിന്‍റെ നേതൃത്വത്തിൽ ഉപവാസം നടത്തും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.