വം​ശാ​വ​ലി
Friday, December 4, 2020 12:39 AM IST
ക്രി​സ്തു​വി​ന്‍റെ വം​ശാ​വ​ലി പ്ര​തി​പാ​ദി​ച്ചു​കൊ​ണ്ടാ​ണ് ആ​ദ്യ സു​വി​ശേ​ഷം ആ​രം​ഭി​ക്കു​ന്ന​ത്. ഏ​ബ്ര​ഹ​ാമി​ൽ തു​ട​ങ്ങി ക്രി​സ്തു​വി​ൽ എ​ത്തിനി​ൽ​ക്കു​ന്ന നാ​ല്പ​ത്തി​ര​ണ്ടു ത​ല​മു​റ​ക​ളെ വി. ​മ​ത്താ​യി അ​ട​യാ​ള​പ്പെ​ടു​ത്തു​ക​യും പ​തി​നാ​ലു വീ​തം മൂ​ന്നാ​യി തി​രി​ക്കു​ക​യും ചെ​യ്യു​ന്നു. പ​രി​ചി​ന്ത​ന വി​ഷ​യ​മാ​ക്കാ​വു​ന്ന ഒ​രു പ്ര​ത്യേ​ക ഘ​ട​ന ഈ ​വി​ഭ​ജ​ന​ത്തി​ൽ ന​മു​ക്ക് ക​ണ്ടെ​ത്താ​നാ​വു​ന്നു​ണ്ട്.

വി​ശ്വാ​സ​ത്തി​ന്‍റെ​യും ദൈ​വാ​ശ്ര​യ ബോ​ധ​ത്തി​ന്‍റെ​യും കൊ​ടു​മു​ടി​യി​ൽ നി​ൽ​ക്കു​ന്ന ഏ​ബ്ര​ഹാം, പാ​പ​ത്താ​ഴ്‌​വ​ര​യി​ൽ മു​ഖം കു​നി​ച്ച് നി​ന്ന് അ​നു​താ​പ സ​ങ്കീ​ർ​ത്ത​ന​ങ്ങ​ൾ ഉ​രു​വി​ടു​ന്ന ദാ​വീ​ദ്, ബാ​ബി​ലോ​ൺ അ​ടി​മ​ത്ത​ത്തി​ന്‍റെ നു​കം പേ​റി നി​ല​വി​ളി​ക്കു​ന്ന ഇ​സ്രാ​യേ​ൽ ജ​നം, സ​ക​ല അ​ടി​മ​ത്ത​ങ്ങ​ളി​ൽ നി​ന്നും വി​ടു​വി​ക്കു​ന്ന ദൈ​വ​പു​ത്ര​ൻ...​ ഇ​വ​രെ​ല്ലാം പ​തി​നാ​ലു ത​ല​മു​റ​ക​ളു​ടെ സ​മ​ദൂ​ര​ത്തി​ൽ നാ​ഴി​ക​ക്ക​ല്ലു​ക​ൾ പോ​ലെ വി​ന്യ​സി​ക്ക​പ്പെ​ട്ടി​രി​ക്കു​ന്നു, വി​ശ്വാ​സ​വും ഇ​ട​ർ​ച്ച​യും അ​ടി​മ​ത്ത​വും വി​മോ​ച​ന​വു​മൊ​ക്കെ ഒ​രു ജ​ന​ത​യു​ടെ ച​രി​ത്ര​ഗ്രാ​ഫി​ൽ ക​യ​റി​യി​റ​ങ്ങി നി​ൽ​ക്കു​ന്നു.

"ഞാ​ൻ വി​ശ്വാ​സ​ത്തി​ക​വി​ലാ​ണ്' എ​ന്ന് ഊ​റ്റം കൊ​ള്ളു​ന്ന ചി​ല​ർ​ക്ക് ഇ​ട​ർ​ച്ച​യി​ലേ​ക്ക് അ​ധി​കം ദൂ​രം ഉ​ണ്ടാ​യെ​ന്നു വ​രി​ല്ല. ഒ​രി​ട​ർ​ച്ച​യെ ഗൗ​ര​വ​മാ​യി എ​ടു​ക്കാ​ത്ത​വ​ർ അ​റി​യ​ണം അ​ടി​മ​ത്ത​ത്തി​ലേ​ക്കും ദൂ​ര​മേ​റെ​യി​ല്ലെ​ന്ന്. ചി​ല അ​ടി​മ​ത്ത​ങ്ങ​ളി​ൽ പെ​ട്ടു​ഴ​ലു​ന്ന​വ​ർ പ്ര​തീ​ക്ഷ കൈ​വി​ടേ​ണ്ട​തി​ല്ല, വി​മോ​ച​ക​നി​ലേ​ക്ക് ഒ​രു നി​ല​വി​ളി​യു​ടെ ദൂ​ര​മേ​യു​ണ്ടാ​വൂ. വം​ശാ​വ​ലി​ക​ളി​ൽ, വ്യ​ക്തി​ജീ​വി​ത​ങ്ങ​ളി​ൽ, ആ​ത്മീ​യ​ത​യി​ൽ എ​ന്നി​ങ്ങ​നെ, ജീ​വി​ത​വു​മാ​യി ബ​ന്ധ​പ്പെ​ട്ട എ​ല്ലാ മേ​ഖ​ല​ക​ളി​ലും ഉ​യ​ർ​ച്ച​താ​ഴ്ച​ക​ൾ ഉ​ണ്ടാ​യേ​ക്കാം എ​ന്ന് സൂ​ച​ന.


പൂ​ർ​വപി​താ​ക്ക​ന്മാ​രും രാ​ജാ​ക്ക​ന്മാ​രും പ​ണ്ഡി​ത​രും പാ​മ​ര​രും വി​ശു​ദ്ധ​രും പാ​പി​ക​ളു​മെ​ല്ലാം പു​ൽ​ക്കൂ​ട്ടി​ലേ​ക്കു​ള്ള വം​ശാ​വ​ലി​യു​ടെ വ​ഴി​യി​ൽ അ​വി​ട​വി​ടെ​യാ​യി ക​ണ്ണി ചേ​രു​ന്നു​ണ്ട്. വം​ശാ​വ​ലി​യ​ല്ല ആ​രു​ടെ​യും ഔ​ന്ന​ത്യം നി​ർ​ണ​യി​ക്കു​ന്ന​തെ​ന്ന​ർ​ഥം. ഉ​ന്ന​ത​കു​ല​ത്തി​ൽ പി​റ​ന്നി​ട്ടും ജീ​വി​തം പ​രാ​ജ​യ​മാ​യ​വ​രും എ​ളി​യ തു​ട​ക്ക​മാ​യി​രു​ന്നി​ട്ടും മ​ഹ​ത്വ​മാ​ർ​ന്ന​വ​രും ഏ​റെ​യു​ണ്ട​ല്ലോ. എ​വി​ടെ തു​ട​ങ്ങി എ​ന്ന​ത​ല്ല എ​വി​ടെ എ​ത്തി​ച്ചേ​ർ​ന്നു എ​ന്ന​താ​ണ് പ്ര​ധാ​നം.

എ​ല്ലാ​വ​രും ഒ​ടു​ക്കം എ​ത്തി​നി​ൽ​ക്കു​ന്ന​തും എ​ത്തി​ച്ചേ​രേ​ണ്ട​തും സ​ക​ല ത​ല​മു​റ​ക​ളെ​യും പ്ര​കാ​ശി​പ്പി​ക്കു​ന്ന യ​ഥാ​ർ​ഥ വെ​ളി​ച്ച​ത്തി​ലാ​ണ്. മാ​ന​വ ച​രി​ത്രം മാ​ത്ര​മ​ല്ല, ക്രി​സ്തു​വി​നെ ക​ണ്ടു​മു​ട്ടു​ന്ന വ്യ​ക്തി​ക​ളു​ടെ ജീ​വി​ത​വും ര​ണ്ടാ​യി വി​ഭ​ജി​ക്ക​പ്പെ​ട​ണം: അ​വ​നെ അ​റി​യു​ന്ന​തി​ന് മു​ൻ​പ്; അ​റി​ഞ്ഞ​തി​നു ശേ​ഷം.

മ​നു​ഷ്യ​ന്‍റെ സ​ക​ല ഇ​ട​ർ​ച്ച​ക​ൾ​ക്കും അ​ടി​മ​ത്ത​ങ്ങ​ൾ​ക്കും പു​ൽ​ക്കൂ​ട്ടി​ലാ​ണ് ഉ​ത്ത​രം. "അ​വ​ൻ ത​ന്‍റെ ജ​ന​ത്തെ അ​വ​രു​ടെ പാ​പ​ങ്ങ​ളി​ൽനി​ന്ന് വി​ടു​വി​ക്കും' എ​ന്ന​താ​ണ​ല്ലോ സ​ക​ല​ർ​ക്കു​മു​ള്ള മം​ഗ​ള​വാ​ർ​ത്ത. ഓ​രോ​രു​ത്ത​രും ത​ങ്ങ​ളി​ൽ നി​ന്ന് ക്രി​സ്തു​വി​ലേ​ക്കു​ള്ള ദൂ​ര​മാ​ണ് ഇ​നി അ​ള​ന്നു തി​ട്ട​പ്പെ​ടു​ത്തേ​ണ്ട​ത്. കാ​ര​ണം, ജീ​വി​ത​ത്തി​ന്‍റെ യ​ഥാ​ർ​ഥ ഭാ​ഗ​ധേ​യം ഒ​ടു​വി​ൽ നി​ർ​ണ​യി​ക്ക​പ്പെ​ടു​ന്ന​ത് ആ ​ദൂ​ര​മ​ള​ന്നു മാ​ത്ര​മാ​ണ​ല്ലോ. വ​രി​ക, ക​രം കോ​ർ​ക്കു​ക, ന​മു​ക്ക് പു​ൽ​ക്കൂ​ടി​നോ​ട് അ​ല്പം കൂ​ടി ചേ​ർ​ന്നു നി​ൽ​ക്കാം.

ഫാ.​ ​​​ജോ​​​​സ​​​​ഫ് കു​​​​മ്പു​​​​ക്ക​​​​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.