Kerala News
ഇ​തെ​ങ്ങ​നെ സം​ഭ​വി​ക്കും?
ഇ​തെ​ങ്ങ​നെ സം​ഭ​വി​ക്കും?
Saturday, December 5, 2020 1:37 AM IST
ര​ക്ഷ​ക​ന്‍റെ അ​മ്മ​യു​ടെ ആ​ദ്യ വാ​ക്കു​ക​ളാ​യി വി​ശു​ദ്ധ ലൂ​ക്കാ രേ​ഖ​പ്പെ​ടു​ത്തി​യി​രി​ക്കു​ന്ന​ത് ഒ​രു ചോ​ദ്യ​മാ​ണ്. മു​ന്നി​ൽ നി​ൽ​ക്കു​ന്ന ദൈ​വ ദൂ​ത​നോ​ടു​പോ​ലും ഇ​തെ​ങ്ങ​നെ സം​ഭ​വി​ക്കും എ​ന്നു ചോ​ദി​ക്കാ​ൻ മാ​ത്രം ധൈ​ര്യ​വും യു​ക്തി​ബോ​ധ​വു​മു​ള്ള പെ​ൺ​കു​ട്ടി​യാ​ണു താ​നെ​ന്ന് അ​വ​ൾ തെ​ളി​യി​ക്കു​ന്നു.

ചി​ന്തി​ക്കു​ന്ന മൃ​ഗം മാ​ത്ര​മ​ല്ല, ചോ​ദ്യം​ചെ​യ്യാ​ൻ ക​ഴി​വു​ള്ള മൃ​ഗം കൂ​ടി​യാ​ണു മ​നു​ഷ്യ​ൻ. യു​ക്തി​സ​ഹ​മാ​യ ചോ​ദ്യ​ങ്ങ​ൾ ചോ​ദി​ക്കാ​നും പൊ​രു​ളു​ക​ൾ തി​ര​യാ​നും ആ​രെ​ങ്കി​ലു​മൊ​ക്കെ ത​യാ​റാ​യ​തു​കൊ​ണ്ടാ​ണു ശാ​സ്ത്രം ഇ​ത്ര​മേ​ൽ വി​കാ​സം പ്രാ​പി​ച്ച​തും മ​നു​ഷ്യ​ൻ സം​സ്കാ​ര​സ​മ്പ​ന്ന​നാ​യ​തും. ജ​നാ​ധി​പ​ത്യ സം​വി​ധാ​ന​ത്തി​ന്‍റെ കാ​ത​ലാ​യി ക​രു​ത​പ്പെ​ടു​ന്ന​തു പ്ര​തി​ക​രി​ക്കാ​നും ചോ​ദ്യം ചെ​യ്യാ​നു​മു​ള്ള ജ​ന​ത​യു​ടെ അ​വ​കാ​ശ​ത്തെ​യാ​ണ​ല്ലോ. ന​ല്ല ഉ​ത്ത​ര​ങ്ങ​ൾ എ​ഴു​തു​ന്ന വി​ദ്യാ​ർ​ഥി​ക​ളെ​യ​ല്ല, ന​ല്ല ചോ​ദ്യ​ങ്ങ​ൾ ചോ​ദി​ക്കാ​ൻ ക​ഴി​വു​ള്ള വി​ദ്യാ​ർ​ഥി​ക​ളെ​യാ​ണു വി​ദ്യാ​ഭ്യാ​സ​ത്തി​ലൂ​ടെ സൃ​ഷ്ടി​ച്ചെ​ടു​ക്കേ​ണ്ട​ത്.

തെ​റ്റെ​ന്നു സ്വ​യം ബോ​ധ്യ​മു​ള്ള കാ​ര്യ​ങ്ങ​ൾ പോ​ലും യാ​തൊ​രു സ​ങ്കോ​ച​വു​മി​ല്ലാ​തെ ന്യാ​യീ​ക​രി​ക്കാ​ൻ തു​നി​യു​ന്ന നേ​താ​ക്ക​ളും അ​വ​രു​ടെ നി​ർ​ദേ​ശ​ങ്ങ​ൾ മ​റു​ചോ​ദ്യ​മി​ല്ലാ​തെ പി​ന്തു​ട​രു​ന്ന അ​ണി​ക​ളും ബൗ​ദ്ധി​ക​പ​ക്വ​ത​യു​ള്ള ഒ​രു സ​മൂ​ഹ​ത്തി​നും യോ​ജി​ച്ച​ത​ല്ല. ചോ​ദ്യം​ചെ​യ്യ​പ്പെ​ടാ​ത്ത വി​ശ്വാ​സ​ങ്ങ​ൾ അ​ന്ധ​വി​ശ്വാ​സ​ങ്ങ​ളാ​യും ആ​ചാ​ര​ങ്ങ​ൾ അ​നാ​ചാ​ര​ങ്ങ​ളെ​യും അ​നു​യാ​യി​ക​ൾ അ​ടി​മ​ക​ളാ​യും ക്ര​മേ​ണ അ​ധഃ​പ​തി​ക്കും.


എ​ന്നാ​ൽ, മാ​നു​ഷി​ക​ബു​ദ്ധി​യി​ൽ മാ​ത്രം ആ​ശ്ര​യി​ച്ചാ​ൽ എ​ല്ലാ ചോ​ദ്യ​ങ്ങ​ൾ​ക്കും ഉ​ത്ത​രം കി​ട്ടി​യെ​ന്നും വ​രി​ല്ല. അ​റി​വി​ന്‍റെ വൃ​ക്ഷ​ത്തി​ൽ​നി​ന്ന് ആ​ഹ​രി​ക്കു​ന്ന​തി​നു ചി​ല വി​ല​ക്കു​ക​ൾ ഏ​ർ​പ്പെ​ടു​ത്ത​പ്പെ​ട്ടി​രു​ന്നു​വ​ല്ലോ. വി​ജ്ഞാ​ന​ത്തി​ന​പ്പു​റം ജ്ഞാ​ന​മാ​ണു ചി​ല ജീ​വി​ത​വേ​ള​ക​ളി​ൽ പ്ര​വ​ർ​ത്ത​ന​ക്ഷ​മ​മാ​കേ​ണ്ട​ത്. “ദൈ​വ​ത്തി​ന് ഒ​ന്നും അ​സാ​ധ്യ​മ​ല്ല” എ​ന്നു ദൈ​വ​ദൂ​ത​ൻ ന​ൽ​കി​യ ഉ​റ​പ്പ് യു​ക്തി​ക്ക് അ​തീ​ത​മാ​യി ജീ​വി​ത​ത്തി​ൽ അ​നു​ഭ​വി​ച്ച​റി​യേ​ണ്ട​താ​ണ​ല്ലോ. ഇ​ത്ത​ര​മൊ​രു ഉ​ൾ​ക്കാ​ഴ്ച​യി​ലാ​ണ്, ചോ​ദ്യ​ങ്ങ​ൾ മാ​റ്റി വ​ച്ച് ഇ​താ ക​ർ​ത്താ​വി​ന്‍റെ ദാ​സി, അ​ങ്ങേ ഹി​തം പോ​ലെ സം​ഭ​വി​ക്ക​ട്ടെ എ​ന്നു പ​റ​യാ​ൻ മ​റി​യം തു​ട​ർ​ന്നു ധൈ​ര്യ​പ്പെ​ടു​ന്ന​ത്. ഈ ​വി​ശ്വാ​സ സ​മ​ർ​പ്പ​ണം യു​ക്തി​യു​ടെ നി​ഷേ​ധ​മാ​ണെ​ന്നു ക​രു​ത​രു​ത്; ബൗ​ദ്ധി​ക​പാ​ക​ത​യു​ടെ പൂ​വി​ട​ലാ​ണ​ത്.

യു​ക്തി​യും വി​ശ്വാ​സ​വും സു​ന്ദ​ര​മാ​യി സ​മ​ന്വ​യി​പ്പി​ക്കാ​നാ​യ​തു​കൊ​ണ്ടു​കൂ​ടി​യാ​ണു മ​റി​യം സ്ത്രീ​ക​ളി​ൽ അ​നു​ഗൃഹീ​ത​യാ​യി വാ​ഴ്ത്ത​പ്പെ​ടു​ന്ന​ത്. വി​ജ്ഞാ​ന​വും ജ്ഞാ​ന​വും ക​ല​ർ​ന്ന ആ​ന്ത​രി​ക വ​ള​ർ​ച്ച​യി​ലേ​ക്കു കൗ​മാ​ര​ത്തി​ലെ ത​ന്നെ അ​വ​ൾ എ​ത്തി​ച്ചേ​ർ​ന്നു എ​ന്നു മ​ന​സി​ലാ​ക്കി​യ​തി​നാ​ലാ​വ​ണം പി​ന്നീ​ടൊ​രു ജീ​വി​ത​ഘ​ട്ട​ത്തി​ലും ദൂ​ത​ൻ മ​റി​യ​ത്തി​നു പ്ര​ത്യ​ക്ഷ​നാ​കാ​തി​രു​ന്ന​ത്. പു​ൽ​ക്കൂ​ട്ടി​ലേ​ക്കു​ള്ള ന​മ്മു​ടെ യാ​ത്ര അ​വ​ളു​ടെ ക​രം​പി​ടി​ച്ചു ത​ന്നെ​യാ​വ​ട്ടെ.

ഫാ.​ ​​​ജോ​​​​സ​​​​ഫ് കു​​​​മ്പു​​​​ക്ക​​​​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.