സംസ്ഥാന എൻഎസ്എസ് അവാർഡുകൾ പ്രഖ്യാപിച്ചു
Wednesday, February 24, 2021 11:50 PM IST
തിരുവനന്തപുരം: 2019-20 വർഷത്തെ സംസ്ഥാന നാഷണൽ സർവീസ് സ്കീം അവാർഡുകൾ ഉന്നത വിദ്യാഭ്യാസ മന്ത്രി കെ.ടി. ജലീൽ പ്രഖ്യാപിച്ചു.
മികച്ച സർവകലാശാലക്കുള്ള അവാർഡ് കേരള സർവകലാശാലയും മികച്ച ഡയറക്ടറേറ്റിനുള്ള അവാർഡ് പൊതു വിദ്യാഭ്യാസ ഡയറക്ടറേറ്റിന് കീഴിലെ ഹയർ സെക്കൻഡറി വിഭാഗവും കരസ്ഥമാക്കി.
സംസ്ഥാനത്തെ മികച്ച യൂണിറ്റുകൾക്കുള്ള പുരസ്കാരങ്ങൾ ചവറ ബേബി ജോൺ മെമ്മോറിയൽ സർക്കാർ കോളജ്, കടയ്കൽ സർക്കാർ വൊക്കേഷണൽ ഹയർ സെക്കൻഡറി സ്കൂൾ, കൊയിലാണ്ടി കെപിഎംഎസ്എം ഹയർസെക്കൻഡറി സ്കൂൾ, തൃശൂർ വിദ്യാ അക്കാദമി ഓഫ് സയൻസ് ആൻഡ് ടെക്നോളജി, കാലടി ആദി ശങ്കര ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജി, കുലശേഖരപുരം സർക്കാർ മോഡൽ ഹയർ സെക്കൻഡറി സ്കൂൾ, മലപ്പുറം അൻവറുൾ ഇസ്ലാം വിമൻസ് അറബിക് കോളജ്, പാനൂർ മഹാത്മാ ഗാന്ധി ആർട്സ് ആൻഡ് സയൻസ് കോളജ്, കോന്നി സഹോദരൻ അയ്യപ്പൻ സ്മാരക എസ്എൻഡിപി യോഗം കോളജ്, കോട്ടയം സിഎംഎസ് കോളജ് എന്നിവയ്ക്കാണ്.