കോവിഡ് വ്യാപനം: മെഡിക്കൽ പഠനം പൂർത്തിയാക്കിയവർക്ക് താത്കാലിക രജിസ്ട്രേഷൻ നൽകും : Deepika.com Kerala News |

Click here for detailed news of all items

കോവിഡ് വ്യാപനം: മെഡിക്കൽ പഠനം പൂർത്തിയാക്കിയവർക്ക് താത്കാലിക രജിസ്ട്രേഷൻ നൽകും

Thursday, May 6, 2021 1:27 AM IST

തിരുവനന്തപുരം: പഠനം പൂർത്തിയാക്കി മെഡിക്കൽ കൗണ്‍സിലിൽ രജിസ്ട്രേഷനു വേണ്ടി കാത്തിരിക്കുന്നവർക്ക് താത്കാലിക രജിസ്ട്രേഷൻ നൽകാൻ തീരുമാനം. കോവിഡ് ചികിത്സാരംഗത്തേക്ക് ഇവരുടെ സേവനം ലഭ്യമാക്കാനാണ് ഈ തീരുമാനമെന്നു മുഖ്യമന്ത്രി പിണറായി വിജയൻ പറഞ്ഞു.

മെഡിക്കൽ കൗണ്‍സിൽ രജിസ്ട്രേഷൻ ലഭിക്കാൻ കാലതാമസമെടുക്കുന്ന സാഹചര്യത്തിലാണ് ഈ തീരുമാനം. വിദേശത്തു മെഡിക്കൽ പഠനം പൂർത്തിയാക്കി നാട്ടിലെത്തി രജിസ്ട്രേഷനു കാത്തിരിക്കുന്നവർക്കും താൽക്കാലിക രജിസ്ട്രേഷൻ നൽകും.

വാർഡ് തല സമിതികളിലും റാപ്പിഡ് റെസ്പോണ്‍സ് ടീമിലും മെഡിക്കൽ വിദ്യാർഥികളെ ഉൾപ്പെടുത്തും. തെരഞ്ഞെടുപ്പു ജോലികളിൽ പങ്കെടുത്ത എല്ലാ ഉദ്യോഗസ്ഥരെയും ഈ പ്രവർത്തനങ്ങളിൽ ഉൾപ്പെടുത്തും. ഇവർക്കെല്ലാം വാക്സിൻ ലഭിച്ചതാണെന്നു മുഖ്യമന്ത്രി ചൂണ്ടിക്കാട്ടി. ഹോസ്റ്റലുകൾ, ലോഡ്ജുകൾ തുടങ്ങിയവ സിഎഫ്എൽടിസികളാക്കി മാറ്റാനും തീരുമാനിച്ചിട്ടുണ്ട്.

കെഎസ്ഇബി, വാട്ടർ അഥോറിറ്റി കുടിശിക പിരിവ് നിർത്തും

തിരുവനന്തപുരം: കെഎസ്ഇബിയുടെയും വാട്ടർ അഥോറിറ്റിയുടെയും കുടിശിക പിരിവ് രണ്ടു മാസത്തേക്കു നിർത്തിവയ്ക്കാൻ നിർദേശം. രോഗവ്യാപന ഘട്ടത്തിൽ കുടിശിഖ പിരിക്കുന്നതു ശരിയല്ലെന്നു കണ്ടതിനാലാണ് ഈ തീരുമാനമെന്നു മുഖ്യമന്ത്രി പിണറായി വിജയൻ പറഞ്ഞു.

റിക്കവറി നടപടികൾ നിർത്തി വയ്ക്കണമെന്ന് ബാങ്കുകളോട് ആവശ്യപ്പെടാനും തീരുമാനിച്ചു. സ്വകാര്യ പണമിടപാടുകാർ ഉൾപ്പെടെയുള്ള ആരും ഈ ഘട്ടത്തിൽ കുടിശിഖ പിരിവിനായി ഇറങ്ങരുതെന്നും മുഖ്യമന്ത്രി അഭ്യർഥിച്ചു .

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.