സിം​ബാ​ബ്‌വെ സ്വ​ദേ​ശി​നി പി​ടി​യി​ലാ​യ സം​ഭ​വം: ഹെ​റോ​യി​ന്‍ എ​ത്തി​ച്ച​ത് ല​ഹ​രി സം​ഘ​ങ്ങ​ള്‍​ക്കു കൈ​മാ​റാ​ന്‍
Monday, June 21, 2021 1:07 AM IST
കൊ​ച്ചി: നെ​ടു​മ്പാ​ശേ​രി അ​ന്താ​രാഷ്‌ട്ര വി​മാ​ന​ത്താ​വ​ളം വ​ഴി ക​ട​ത്താ​ന്‍ ശ്ര​മി​ച്ച ഹെ​റോ​യി​ന്‍ മൂ​ന്നി​ട​ത്ത് കൈ​മാ​റാ​നാ​ണ് കൊ​ണ്ടു​വ​ന്ന​തെ​ന്ന് പി​ടി​യി​ലാ​യ സിം​​ബാ​ബ്‌വെ സ്വ​ദേ​ശി​നി ഷാ​രോ​ൺ ചി​ഗ്വാ​സ. നി​ല​വി​ല്‍ ന​ര്‍​ക്കോ​ട്ടി​ക് ക​ണ്‍​ട്രോ​ള്‍ ബ്യൂ​റോ​യു​ടെ (​എ​ന്‍​സി​ബി) ക​സ്റ്റ​ഡി​യി​ലു​ള്ള ചി​ഗ്വാ​സ (30) ചോ​ദ്യം ചെ​യ്യ​ലി​ലാ​ണ് ഡ​ല്‍​ഹി, ബം​ഗ​ളൂ​രു ല​ഹ​രി സം​ഘ​ങ്ങ​ള്‍​ക്ക് കൈ​മാ​റാ​നാ​ണ് ഹെ​റോ​യി​ന്‍ എ​ത്തി​ച്ച​തെ​ന്നു വെ​ളി​പ്പെ​ടു​ത്തി​യ​ത്. ഇ​വ​രു​ടെ യാ​ത്രാ​വി​വ​ര​ങ്ങ​ള്‍, സാ​മ്പ​ത്തി​ക ഇ​ട​പാ​ടു​ക​ള്‍, ഇ​ന്ത്യ​യി​ലെ ബ​ന്ധ​ങ്ങ​ള്‍ തു​ട​ങ്ങി​യ​വ​യെ​ല്ലാം അ​ന്വേ​ഷ​ണ​സം​ഘം പ​രി​ശോ​ധി​ച്ചുവ​രി​ക​യാ​ണ്. അ​തേ​സ​മ​യം ഇ​വ​രോ​ടൊ​പ്പം ഉ​ണ്ടാ​യി​രു​ന്ന ര​ണ്ടു സിം​​ബാ​ബ്‌വെ സ്വ​ദേ​ശി​ക​ള്‍ ഡ​ല്‍​ഹി​ക്കു ക​ട​ന്ന​താ​യും സൂ​ച​ന​യു​ണ്ട്.

ചി​ഗ്വാ​സ നേ​ര​ത്തേ ഡ​ല്‍​ഹി​യും ബം​ഗ​ളൂ​രു​വും സ​ന്ദ​ര്‍​ശി​ച്ചി​ട്ടു​ണ്ടെ​ങ്കി​ലും കൊ​ച്ചി​യി​ല്‍ ആ​ദ്യ​മാ​ണ്. ല​ഹ​രി​മ​രു​ന്നു കൈ​മാ​റ്റ​ത്തി​നുത​ന്നെ​യാ​ണ് മു​മ്പും എ​ത്തി​യി​ട്ടു​ള്ള​തെ​ന്നാ​ണ് എ​ന്‍​സി​ബി​യു​ടെ നി​ഗ​മ​നം. ല​ഹ​രി ഇ​ട​പാ​ടു​മാ​യി ബ​ന്ധ​പ്പെ​ട്ട സാ​മ്പ​ത്തി​ക കൈ​മാ​റ്റം വി​ദേ​ശ​ത്തു​വ​ച്ചാ​ണെ​ന്നാ​ണ് വി​വ​രം. ക​ഴി​ഞ്ഞ ദി​വ​സ​മാ​ണ് 3.5 കി​ലോ​ഗ്രാം ഹെ​റോ​യി​നു​മാ​യി ചി​ഗ്വാ​സ വി​മാ​ന​ത്താ​വ​ള​ത്തി​ല്‍ പി​ടി​യി​ലാ​യ​ത്. ദോ​ഹ​യി​ല്‍​നി​ന്ന് ഖ​ത്ത​ര്‍ എ​യ​ര്‍​വേ​യ്സ് വി​മാ​ന​ത്തി​ല്‍ കൊ​ച്ചി​യി​ലെ​ത്തി​യ ചി​ഗ്വാ​സ ഇ​വി​ടെ നി​ന്നു ബം​ഗ​ളൂ​രു വ​ഴി ഡ​ല്‍​ഹി​യി​ലേ​ക്കു പോ​കാ​ന്‍ ശ്ര​മി​ക്കു​മ്പോ​ഴാ​ണു പി​ടി​ക്ക​പ്പെ​ട്ട​ത്. ബാ​ഗി​ല്‍ ല​ഹ​രിമ​രു​ന്നു ക​ണ്ടെ​ത്തി​യ​തോ​ടെ പ്ര​തി​യെ ന​ര്‍​കോ​ട്ടി​ക് ക​ണ്‍​ട്രോ​ള്‍ ബ്യൂ​റോ​യ്ക്കു(​എ​ന്‍​സി​ബി) കൈ​മാ​റു​ക​യാ​യി​രു​ന്നു.


പി​ടി​ച്ചെ​ടു​ത്ത ഹെ​റോ​യി​ന്‍ രാ​സ​പ​രി​ശോ​ധ​ന​യ്ക്കാ​യി കൈ​മാ​റി. ല​ഹ​രിമ​രു​ന്നിന്‍റെ സ്വ​ഭാ​വ​വും നി​ല​വാ​ര​വും ഉ​റ​പ്പു​വ​രു​ത്താ​നാ​ണി​ത്. ബാ​ഗി​ല്‍ പ്ര​ത്യേ​ക അ​റ​യി​ലാ​യി സൂ​ക്ഷി​ച്ചി​രു​ന്ന ല​ഹ​രിമ​രു​ന്നു സി​യാ​ല്‍ സെ​ക്യൂ​രി​റ്റി വി​ഭാ​ഗ​മാ​ണു ക​ണ്ടെ​ത്തി​യ​ത്. കൊ​ച്ചി ബം​ഗ​ളൂ​രു യൂ​ണി​റ്റു​ക​ള്‍ സം​യു​ക്ത​മാ​യാ​ണ് ഹെ​റോ​യി​ന്‍ ക​ട​ത്തു​കേ​സ് അ​ന്വേ​ഷി​ക്കു​ന്ന​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.