യുവതി ഭർതൃഗൃഹത്തിൽ മ​രി​ച്ച നി​ല​യി​ൽ
യുവതി ഭർതൃഗൃഹത്തിൽ മ​രി​ച്ച നി​ല​യി​ൽ
Wednesday, June 23, 2021 12:48 AM IST
കാ​യം​കു​ളം: സൈ​നി​ക​ന്‍റെ ഭാ​ര്യ​യെ തൂങ്ങിമ​രി​ച്ച നി​ല​യി​ൽ ക​ണ്ടെ​ത്തി. വ​ള്ളി​കു​ന്നം ല​ക്ഷ്മിഭ​വ​ന​ത്തി​ൽ സൈ​നി​ക​നാ​യ വി​ഷ്ണു​വി​ന്‍റെ ഭാ​ര്യ സു​ചി​ത്ര(19)​യെ​യാ​ണ് ഭ​ർ​തൃ​ഗൃ​ഹ​ത്തി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. കാ​യം​കു​ളം കൃ​ഷ്ണ​പു​രം വ​ട​ക്ക് കൊ​ച്ചു​മു​റി​യി​ൽ സു​നി​ൽ നി​വാ​സി​ൽ സു​നി​ൽ-​സു​നി​ത ദ​ന്പ​തി​ക​ളു​ടെ മ​ക​ളാ​ണ് സു​ചി​ത്ര.

ഇ​ക്ക​ഴി​ഞ്ഞ മാ​ർ​ച്ച് 21നാ​യിരുന്നു വി​ഷ്ണു​വും സു​ചി​ത്ര​യും ത​മ്മി​ലു​ള്ള വി​വാ​ഹം. സൈ​നി​ക​നാ​യ വി​ഷ്ണു ഇ​പ്പോ​ൾ ഉ​ത്ത​രാ​ഖ​ണ്ഡി​ലാ​ണ് . ഇ​ന്ന​ലെ രാ​വി​ലെ 11.30നാണ് സു​ചി​ത്ര​യെ മു​റി​യ്ക്കു​ള്ളി​ൽ മ​രി​ച്ച നി​ല​യി​ൽ ക​ണ്ടെ​ത്തിയ​ത്.

സു​ചി​ത്ര​യെ മു​റി​യി​ൽ തൂ​ങ്ങി​യ നി​ല​യി​ൽ ക​ണ്ടെ​ന്ന് ഭ​ർ​തൃ​മാ​താ​വാ​ണ് നാട്ടുകാരോടു പ​റ​ഞ്ഞ​ത്. തു​ട​ർ​ന്ന് അ‍യൽവാസികൾ ചേർന്ന് തൊ​ട്ട​ടു​ത്ത ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

ഫോ​റ​ൻ​സി​ക് വി​ര​ല​ട​യാ​ള വി​ദ​ഗ്ധ​രും പോ​ലീ​സും സം​ഭ​വം ന​ട​ന്ന വീ​ട്ടി​ൽ പ​രി​ശോ​ധ​ന ന​ട​ത്തി. മൃ​ത​ദേ​ഹം കാ​യം​കു​ളം താ​ലൂ​ക്ക് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി.


കോ​വി​ഡ് പ​രി​ശോ​ധ​ന​യും പോ​സ്റ്റ്മോ​ർ​ട്ട​വും ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ ഇ​ന്ന് ന​ട​ത്തും. സം​ഭ​വ​സ​മ​യ​ത്ത് സു​ചി​ത്ര​യു​ടെ ഭ​ർ​തൃ​മാ​താ​വും പി​താ​വും മാ​ത്ര​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ഇ​ന്ന​ലെ രാ​വി​ലെ 8.30ഓ​ടെ സു​ചി​ത്ര കാ​പ്പി​കു​ടി ക​ഴി​ഞ്ഞ് കി​ട​പ്പു​മു​റി​യി​ൽ ക​യ​റി ക​ത​ക​ട​ച്ചെ​ന്നും ഒ​ന്പ​തു​മ​ണി​യോ​ടെ വി​ളി​ച്ചി​ട്ടു അ​ന​ക്ക​മി​ല്ലെ​ന്നു ക​ണ്ട​് അ​യ​ൽ​ക്കാ​രെ വി​ളി​ച്ചു​ ക​ത​കു ത​ള്ളിത്തുറ​ന്നു​നോ​ക്കു​ന്പോ​ഴാ​ണ് തൂ​ങ്ങി​മ​രി​ച്ച നി​ല​യി​ൽ ക​ണ്ട​തെ​ന്നും ഭ​ർ​തൃ​മാ​താ​വ് പോ​ലീ​സി​ന് മൊ​ഴി ന​ൽ​കി. വ​ള്ളി​കു​ന്നം പോ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. ആ​ല​പ്പു​ഴ ജി​ല്ലാ പോ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം ചെ​ങ്ങ​ന്നൂ​ർ ഡി​വൈ​എ​സ്പി ആ​ർ. ജോ​സി​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.