കാരിത്താസ് ആശുപത്രിയിലെ നവീകരിച്ച കാൻസർ ഇൻസ്റ്റിറ്റ്യൂട്ട് സമർപ്പണം നടത്തി : Deepika.com Kerala News |

Click here for detailed news of all items

കാരിത്താസ് ആശുപത്രിയിലെ നവീകരിച്ച കാൻസർ ഇൻസ്റ്റിറ്റ്യൂട്ട് സമർപ്പണം നടത്തി

Wednesday, August 4, 2021 12:39 AM IST

കോട്ടയം: കാരിത്താസ് ആശുപത്രിയുടെ 60-ാം വാർഷികാഘോഷങ്ങളുടെ ഭാഗമായി നവീകരിച്ച കാൻസർ ഇൻസ്റ്റിറ്റ്യൂട്ട് സമർപ്പണം നടത്തി. കൂദാശ കർമം കാരിത്താസ് കാൻസർ ഇൻസ്റ്റിറ്റ്യൂട്ട് അങ്കണത്തിൽ നടത്തിയ പ്രത്യേക സമ്മേളനത്തിൽ ആർച്ച്ബിഷപ് മാർ മാത്യു മൂലക്കാട്ട് നിർവഹിച്ചു.

കാൻസറിനെതിരേ സന്പൂർണചികിത്സ ഉറപ്പുവരുത്തുന്നതിനായി 2003ൽ തുടക്കം കുറിച്ച കാരിത്താസ് കാൻസർ ഇൻസ്റ്റിറ്റ്യൂട്ട് എല്ലാവിധ ആധുനിക ചികിത്സാ സംവിധാനങ്ങളോടെ ഏറ്റവും മികച്ച ഡോക്ടർമാരുടെയും ആരോഗ്യപ്രവർത്തകരുടെയും മേൽനോട്ടത്തിൽ സുസജ്ജമാണെന്നു ഡയറക്ടർ റവ.ഡോ. ബിനു കുന്നത്ത് അറിയിച്ചു.

നവീകരിച്ച കാൻസർ ഇന്‍സ്റ്റിറ്റ്യൂട്ടിന്‍റെ ഭാഗമായി മെഡിക്കൽ, സർജിക്കൽ, റേഡിയേഷൻ, പാലിയേറ്റീവ് ആൻഡ് കമ്യൂണിറ്റി ഓങ്കോളജി വിഭാഗങ്ങളും ഒപ്പം ന്യൂക്ലിയർ മെഡിസിൻ ആൻഡ് പിഇടി-സിടിയും കൂടുതൽ മികവാർന്ന രീതിയിൽ സമന്വയിപ്പിച്ചിരിക്കുന്നു. മധ്യകേരളത്തിലെ ഏറ്റവും പ്രശസ്തമായ കാൻസർ ഇൻസ്റ്റിറ്റ്യൂട്ടുകളിലൊന്നാണു കാരിത്താസിലേത്.

ഫാ. ജിനു കാവിൽ, ഫാ. ജോയ്സ് നന്ദികുന്നേൽ, ഫാ. റോയി കാഞ്ഞിരത്തുംമൂട്ടിൽ, ഫാ. സ്റ്റീഫൻ തേവർപറന്പിൽ, ഡോ. എൻ.എ. ബോബി, ഡോ. ജോസ് ടോം എന്നിവർ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.