തിരുവനന്തപുരം: സംസ്ഥാനത്ത് കോവിഡ് വാക്സിനേഷന് എടുക്കേണ്ടവരുടെ ജനസംഖ്യ പുതുക്കി നിശ്ചയിച്ചതായി കേന്ദ്ര ആരോഗ്യ മന്ത്രാലയം അറിയിച്ചതായി ആരോഗ്യ മന്ത്രി വീണാ ജോര്ജ് അറിയിച്ചു.
രജിസ്ട്രാര് ജനറല് ഓഫീസിന്റെയും സെന്സസ് കമ്മീഷണറുടെയും റിപ്പോര്ട്ട് പ്രകാരം എല്ലാ സംസ്ഥാനങ്ങളുടെയും എസ്റ്റിമേറ്റ് പോപ്പുലേഷന് പുതുക്കിയിട്ടുണ്ട്. നേരത്തേ 2021ലെ ടാര്ജറ്റ് പോപ്പുലേഷനനുസരിച്ച് 2.87 കോടി ജനങ്ങള്ക്കാണ് വാക്സിന് നല്കേണ്ടതെന്നാണ് കേന്ദ്ര ആരോഗ്യമന്ത്രാലയം അറിയിച്ചിരുന്നത്.
എന്നാല്,പുതുക്കിയ എസ്റ്റിമേറ്റ് ജനസംഖ്യ പ്രകാരം അത് 2,67,09,000 ആണ്. ഇതേ മാനദണ്ഡം പാലിച്ച് 18 വയസിനും 44 വയസിനും ഇടയിലുള്ള ജനസംഖ്യ 1,39,26,000 ആയും, 45നും 59നും ഇടയ്ക്കുള്ള ജനസംഖ്യ 69,30,000 ആയും, 60 വയസിന് മുകളില് 58,53,000 ആയും മാറ്റിയിട്ടുണ്ട്. ഇതോടെ സംസ്ഥാനത്തെ വാക്സിനേഷന് ലക്ഷ്യത്തോടടുക്കുന്നതായി മന്ത്രി അറിയിച്ചു.
പുതുക്കിയ എസ്റ്റിമേറ്റ് ജനസംഖ്യ അനുസരിച്ച് സംസ്ഥാനത്തെ ആദ്യ ഡോസ് വാക്സിനേഷന് 88.94 ശതമാനമായും (2,37,55,055) രണ്ടാം ഡോസ് വാക്സിനേഷന് 36.67 ശതമാനമായും (97,94,792) ഉയര്ന്നു. ഒന്നും രണ്ടും ഡോസ് ഉള്പ്പെടെ ആകെ 3,35,49,847 ഡോസ് വാക്സിന് നല്കാനായി. അതായത്, എസ്റ്റിമേറ്റ് ജനസംഖ്യ പ്രകാരം ഇനി 29 ലക്ഷത്തോളം പേര്ക്ക് മാത്രമേ സംസ്ഥാനത്ത് ആദ്യഡോസ് വാക്സിന് നല്കാനുള്ളു.
കോവിഡ് ബാധിച്ചവര്ക്ക് മൂന്നു മാസം കഴിഞ്ഞ് വാക്സിനെടുക്കാം. അതിനാല് ത്തന്നെ കുറച്ചുപേര് മാത്രമാണ് ഇനി ആദ്യഡോസ് വാക്സിന് എടുക്കാനുള്ളത്.സംസ്ഥാനത്തിന് 9,79,370 ഡോസ് വാക്സിന്കൂടി ലഭ്യമായിട്ടുണ്ട്. തിരുവനന്തപുരം 3,31,610, എറണാകുളം 3,85,540, കോഴിക്കോട് 2,62,220 ഡോസ് എന്നിങ്ങനെയാണ് വാക്സിൻ ലഭ്യമായത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.