കൃ​ത്രി​മ​ഹൃ​ദ​യം വ​ച്ചു​പി​ടി​പ്പി​ച്ച് വി​പി​എ​സ് ലേ​ക് ഷോ​ര്‍
Saturday, October 16, 2021 1:09 AM IST
കൊ​​​ച്ചി: കൊ​​​ച്ചി​​​യി​​​ലെ വി​​​പി​​​എ​​​സ് ലേ​​​ക് ഷോ​​​ര്‍ ആ​​​ശു​​​പ​​​ത്രി​​​യി​​​ല്‍ ഹൃ​​​ദ്രോ​​​ഗി​​​യാ​​​യ 61 വ​​​യ​​​സു​​​കാ​​​രി​​​ക്ക് കൃ​​​ത്രി​​​മ​​​ഹൃ​​​ദ​​​യം വ​​​ച്ചു​​​പി​​​ടി​​​പ്പി​​​ച്ചു.

ക​​​ഴി​​​ഞ്ഞ ആ​​​റു വ​​​ര്‍​ഷ​​​മാ​​​യി ഡൈ​​​ലേ​​​റ്റ​​​ഡ് കാ​​​ര്‍​ഡി​​​യോ​​​മ​​​യോ​​​പ്പ​​​തി (ഡി​​​സി​​​എം) എ​​​ന്ന ഹൃ​​​ദ്രോ​​​ഗ​​​ത്തി​​​നു ചി​​​കി​​​ത്സ​​​യി​​​ലാ​​​യി​​​രു​​​ന്ന സ്ത്രീ​​​യി​​​ലാ​​​ണ് വി​​​ജ​​​യ​​​ക​​​ര​​​മാ​​​യി എ​​​ല്‍​വി​​​എ​​​ഡി (ലെ​​​ഫ്റ്റ് വെ​​​ൻ​​ട്രി​​​ക്യു​​​ല​​​ര്‍ അ​​​സി​​​സ്റ്റ് ഡി​​​വൈ​​​സ്) അ​​​ഥ​​​വാ കൃ​​​ത്രി​​​മ ഹൃ​​​ദ​​​യം വ​​​ച്ചു​​​പി​​​ടി​​​ക്കു​​​ന്ന അ​​​തി​​​സ​​​ങ്കീ​​​ര്‍​ണ​ ശ​​​സ്ത്ര​​​ക്രി​​​യ ന​​​ട​​​ത്തി​​​യ​​​ത്. കേ​​​ര​​​ള​​​ത്തി​​​ല്‍ ആ​​​ദ്യ​​​മാ​​​യാ​​​ണ് ഒ​​​രു രോ​​​ഗി​​​യി​​​ല്‍ കൃ​​​ത്രി​​​മ​​​ഹൃ​​​ദ​​​യം വ​​​ച്ചു​​​പി​​​ടി​​​പ്പി​​​ച്ച​​​തെ​​ന്നു ലേ​​​ക്‌​​​ഷോ​​​ര്‍ ആ​​​ശു​​​പ​​​ത്രി അ​​​ധി​​​കൃ​​​ത​​​ര്‍ പ​​റ​​ഞ്ഞു.

ഹൃ​​​ദ​​​യ​​​ത്തി​​​ന്‍റെ പ്ര​​​വ​​​ര്‍​ത്ത​​​നം ത​​​ക​​​രാ​​​റി​​​ലാ​​​യ​​​തി​​​നൊ​​​പ്പം ശ്വാ​​​സ​​​കോ​​​ശ​​​ങ്ങ​​​ളി​​​ല്‍ ദ്രാ​​​വ​​​കം രൂ​​​പ​​​പ്പെ​​​ടു​​​ന്ന പ​​​ള്‍​മ​​​ന​​​റി എ​​​ഡീ​​​മ​​​യും പി​​​ടി​​​പെ​​​ട്ട് സ്ഥി​​​തി വ​​​ഷ​​​ളാ​​​യ​​നി​​ല​​യി​​ൽ ക​​​ഴി​​​ഞ്ഞ​​​മാ​​​സം 13നാ​​ണു രോ​​​ഗി​​​യെ ലേ​​​ക് ഷോ​​​റി​​​ല്‍ പ്ര​​​വേ​​​ശി​​​പ്പി​​​ച്ച​​​ത്. വെ​​​ന്‍റി​​​ലേ​​​റ്റ​​​റി​​​ല്‍ തു​​​ട​​​ര്‍​ന്നാ​​​ല്‍ ജീ​​​വ​​​ന്‍ ന​​​ഷ്ട​​​പ്പെ​​​ടു​​​മെ​​​ന്ന സ്ഥി​​​തി​​​യാ​​​യ​​​തോ​​​ടെ വി​​​എ എ​​​ക്മോ​​​യി​​​ലേ​​​ക്കു മാ​​​റ്റി.


ഹൃ​​​ദ​​​യം മാ​​​റ്റി​​​വ​​​യ്ക്കു​​​ക മാ​​​ത്ര​​​മാ​​​യി​​​രു​​​ന്നു രോ​​​ഗി​​​യെ ര​​ക്ഷി​​ക്കാ​​നു​​ള്ള ഏ​​​ക പോം​​​വ​​​ഴി. ദാ​​​താ​​​വി​​​നെ ക​​​ണ്ടെ​​​ത്ത​​​ലും അ​​​നി​​​ശ്ചി​​​ത​​​മാ​​​യ കാ​​​ല​​​താ​​​മ​​​സ​​​വും ഭീ​​​ഷ​​​ണി​​​യാ​​​യ​​തോ​​ടെ കൃ​​​ത്രി​​​മ​​​ഹൃ​​​ദ​​​യം വ​​ച്ചു​​പി​​ടി​​പ്പി​​ക്കാ​​ൻ തീ​​​രു​​​മാ​​​നി​​​ച്ചു. ഒ​​​മ്പ​​​തു മ​​​ണി​​​ക്കൂ​​​ര്‍ നീ​​​ണ്ട ശ​​​സ്ത്ര​​​ക്രി​​​യ​​യി​​ലൂ​​ടെ​​യാ​​ണു കൃ​​​ത്രി​​​മ​​​ഹൃ​​​ദ​​​യം പി​​ടി​​പ്പി​​ച്ച​​ത്.

സു​​​ഖം പ്രാ​​​പി​​​ച്ചു​​വ​​​രു​​​ന്ന രോ​​​ഗി ഭ​​​ക്ഷ​​​ണം വാ​​​യി​​​ലൂ​​​ടെ ക​​​ഴി​​​ച്ചു തു​​​ട​​​ങ്ങി. ​അ​​​വ​​​യ​​​വ​​​മാ​​​റ്റ ശ​​​സ്ത്ര​​​ക്രി​​​യ​​​യ്ക്കു കേ​​​ര​​​ള​​​ത്തി​​​ല്‍ മു​​​ര​​​ടി​​​പ്പ് നേ​​​രി​​​ടു​​​ന്ന പ​​​ശ്ചാ​​​ത്ത​​​ല​​​ത്തി​​​ല്‍ കൃ​​​ത്രി​​​മ​​​ഹൃ​​​ദ​​​യം ഉ​​​പ​​​കാ​​​ര​​​പ്ര​​​ദ​​​മാ​​​ണെ​​​ന്നു ശ​​​സ്ത്ര​​​ക്രി​​​യ​​യ്ക്ക് നേ​​തൃ​​ത്വം വ​​ഹി​​ച്ച ലേ​​​ക് ഷോ​​​ര്‍ ഹോ​​​സ്പി​​​റ്റ​​​ല്‍ കാ​​​ര്‍​ഡി​​​യോ​ തൊ​​​റാ​​​സി​​​ക് സ​​​ര്‍​ജ​​​ന്‍ ഡോ. ​​​ഡി.​​​എ​​​സ്.​ സു​​​ജി​​​ത് പ​​​റ​​​ഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.