ഐസിപിഎ സമ്മേളനം 30 നു തുടങ്ങും : Deepika.com Kerala News |

Click here for detailed news of all items

ഐസിപിഎ സമ്മേളനം 30 നു തുടങ്ങും

Sunday, November 28, 2021 12:47 AM IST

കൊച്ചി: ഇന്ത്യന്‍ കാത്തലിക് പ്രസ് അസോസിയേഷന്‍റെ (ഐസിപിഎ) 57-ാം വാര്‍ഷിക സമ്മേളനവും മാധ്യമപ്രവര്‍ത്തകരുടെ 26-ാം ദേശീയ കണ്‍വന്‍ഷനും 30, ഡിസംബര്‍ ഒന്ന് തിയതികളില്‍ മുംബൈയില്‍ നടക്കും. ബാന്ദ്ര സെന്‍റ് പോള്‍സ് മീഡിയ കോംപ്ലക്‌സിലാണു സമ്മേളനം. തെരുവിലേക്കിറങ്ങുക, കേള്‍ക്കുക, അഭിമുഖീകരിക്കുക, ഒപ്പമായിരിക്കുക എന്നതാണു കണ്‍വന്‍ഷന്‍റെ പ്രമേയം.

പ്രസിഡന്‍റ് ഇഗ്നേഷ്യസ് ഗോണ്‍സാല്‍വസിന്‍റെ അധ്യക്ഷതയില്‍ നടക്കുന്ന സമ്മേളനം റിട്ട. ബോംബെ ഹൈക്കോടതി ജസ്റ്റീസ് അലോഷ്യസ് ആഗ്വിയര്‍ ഉദ്ഘാടനം ചെയ്യും. സിബിസിഐ അധ്യക്ഷനും ബോംബെ ആര്‍ച്ച്ബിഷപ്പുമായ കര്‍ദിനാള്‍ ഡോ. ഓസ്വാള്‍ഡ് ഗ്രേഷ്യസ് പുരസ്‌കാര സമര്‍പ്പണം നടത്തും. ഈശോസഭാംഗം ഫാ. സെഡ്രിക് പ്രകാശ്, സിസ്റ്റര്‍ സുജാത ജെന എന്നിവര്‍ക്കാണ് ഇക്കുറി പുരസ്‌കാരം.

ഫായേ ഡിസൂസ, മോഹന്‍ ശിവാനന്ദ്, ഷൈസന്‍ പി. ഔസേഫ്, ഡോ. ജോഷന്‍ റോഡ്രിഗ്‌സ് എന്നിവര്‍ വിഷയാവതരണം നടത്തും. സിബിസിഐയുടെ സാമൂഹ്യ സമ്പര്‍ക്ക മാധ്യമങ്ങള്‍ക്കായുള്ള കമ്മീഷന്‍ അധ്യക്ഷന്‍ ബിഷപ് ഡോ. സാല്‍വദോര്‍ ലോബോ, ഫാ. വര്‍ഗീസ് ഞാളിയന്‍, ഐസിപിഎ സെക്രട്ടറി സുരേഷ് മാത്യു എന്നിവര്‍ പ്രസംഗിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.