ആദിരാജ ഹമീദ് ഹുസൈൻ കോയമ്മ അറയ്ക്കലിന്‍റെ പുതിയ രാജാവ് : Deepika.com Kerala News |

Click here for detailed news of all items

ആദിരാജ ഹമീദ് ഹുസൈൻ കോയമ്മ അറയ്ക്കലിന്‍റെ പുതിയ രാജാവ്

Tuesday, November 30, 2021 1:40 AM IST

കണ്ണൂർ: അറയ്ക്കൽ രാജവംശത്തിന്‍റെ ഭരണാധികാരിയായി ആദിരാജ ഹമീദ് ഹുസൈൻ കോയമ്മ അടുത്തദിവസം സ്ഥാനാരോഹണം നടത്തും. അറയ്ക്കൽ രാജകുടുംബത്തിൽ രണ്ട് പതിറ്റാണ്ടിനുശേഷമാണ് ഒരു രാജാവ് സ്ഥാനാരോഹണം നടത്താനിരിക്കുന്നത്.

ആൺ-പെൺ വ്യത്യാസമില്ലാതെ രാജകുടുംബത്തിലെ ഏറ്റവും മുതിർന്നയാൾ രാജാവോ റാണിയോ ആയി ഭരണം നടത്തുക എന്നതാണ് അറയ്ക്കൽ രാജകുടുംബത്തിന്‍റെ കീഴ്‌വഴക്കം. എന്നാൽ ആൺ-പെൺ വ്യത്യാസമില്ലാതെ ഭരണാധികാരിയെ സുൽത്താൻ എന്നാണ് വിളിക്കുന്നത്.

ഇന്നലെ അന്തരിച്ച സുൽത്താൻ ആദിരാജ മറിയുമ്മ (ചെറിയ ബീക്കുഞ്ഞി ബീവി-87)യ്ക്കുശേഷം രാജകുടുംബത്തിലെ ഏറ്റവും പ്രായമേറിയയാൾ എന്നനിലയ്ക്കാണ് എൺപതുകാരനായ ആദിരാജ ഹമീദ് ഹുസൈൻ കോയമ്മ അറയ്ക്കലിന്‍റെ ചെങ്കോലും കിരീടവും അണിയാൻ പോകുന്നത്. ആദിരാജ ഹംസ കോയമ്മ തങ്ങളായിരുന്നു ഇതിനുമുമ്പ് രാജാവായിരുന്നയാൾ. ഇദ്ദേഹത്തിന്‍റെ മരണശേഷം പിന്നീട് വനിതകളായിരുന്നു സിംഹാസനത്തിലിരുന്നിരുന്നത്.

ഇന്നലെ അന്തരിച്ച സുൽത്താൻ ആദിരാജ മറിയുമ്മയുടെ മരണാനന്തര ചടങ്ങുകൾ പൂർത്തിയായിക്കഴിഞ്ഞശേഷമായിരിക്കും ആദിരാജ ഹമീദ് ഹുസൈൻ കോയമ്മയുടെ സ്ഥാനാരോഹണം.

പരേതയായ കല്ലുപുതിയ വീട്ടിൽ സഹീദയാണ് ഭാര്യ. ഇബ്രാഹിം ഷമീസ് ഏക മകനാണ്. ഖദീദ ആദിരാജ, ഖൈറുന്നീസ ആദിരാജ, പരേതരായ ആദിരാജ ഇസ്മയിൽ കോയമ്മ, സക്കീന ആദിരാജ എന്നിവർ സഹോദരങ്ങളാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.