“പ്രാർഥന”
“പ്രാർഥന”
Friday, December 3, 2021 12:22 AM IST
ഫാ. ​അ​ഗ​സ്റ്റി​ൻ പാ​ല​യ്ക്കാ​പ്പ​റ​മ്പി​ൽ

ഇ​സ്ര​യേ​ലി​ലെ ന്യാ​യാ​ധി​പ​ന്മാ​രി​ൽ അ​വ​സാ​ന ക​ണ്ണി​യും വ​ലി​യ പ്ര​വാ​ച​ക​ന്മാ​രു​ടെ നി​ര​യി​ൽ ആ​ദ്യ ക​ണ്ണി​യു​മാ​യി​രു​ന്നു സാ​മു​വ​ൽ. അ​മ്മ​യാ​യ ഹ​ന്നാ ദേ​വാ​ല​യ​ത്തി​ൽ ന​ട​ത്തി​യ വി​ലാ​പ പ്രാ​ർ​ഥ​ന​യ്ക്കു ദൈ​വം ന​ൽ​കി​യ സ​മ്മാ​ന​മാ​യി​രു​ന്നു സാ​മു​വ​ൽ. സാ​മു​വ​ൽ അ​ന്ത്യ​മൊ​ഴി​യി​ൽ പ​റ​യു​ന്ന ശ്ര​ദ്ധേ​യ കാ​ര്യ​ങ്ങ​ളി​ൽ ഒ​ന്ന് ഇ​പ്ര​കാ​ര​മാ​ണ്:

“നി​ങ്ങ​ൾ​ക്കു വേ​ണ്ടി പ്രാ​ർ​ഥി​ക്കു​ന്നി​ല്ല എ​ന്ന പാ​പം ക​ർ​ത്താ​വി​ന് എ​തി​രേ ചെ​യ്യു​വാ​ൻ എ​നി​ക്ക് ഇ​ട​വ​രാ​തി​രി​ക്ക​ട്ടെ’’ (സാ​മു​വ​ൽ 12:23). ക്രി​സ്മ​സ് കാ​ല​ത്ത് ന​മ്മു​ടെ എ​ല്ലാ സ​ഹോ​ദ​ര​ങ്ങ​ൾ​ക്കും വേ​ണ്ടി ചെ​യ്യു​വാ​ൻ ക​ഴി​യു​ന്ന വ​ലി​യ ന​ന്മ​ക​ളി​ൽ ഒ​ന്ന്, അ​വ​ക്കു വേ​ണ്ടി പ്രാ​ർ​ഥി​ക്കു​ക എ​ന്ന​താ​ണ്.

പ്രാ​ർ​ഥ​ന​യു​ടെ അ​ർ​ഥം അ​വ​ർ​ക്കു ന​ന്മ വ​ര​ണ​മെ​ന്നും അ​വ​ർ അ​നു​ഗ്ര​ഹി​ക്ക​പ്പെ​ട​ണ​മെ​ന്നും നാം ​നി​ര​ന്ത​രം ആ​ഗ്ര​ഹി​ക്കു​ക എ​ന്നാ​ണ്. നി​ന്‍റെ ആ​ഗ്ര​ഹ​ങ്ങ​ൾ നി​ന്‍റെ പ്രാ​ർ​ഥ​ന​ക​ളാ​ണെ​ന്ന് വി​ശു​ദ്ധ അ​ഗ​സ്റ്റി​ൻ പ​ഠി​പ്പി​ക്കു​ന്നു​ണ്ട്. ദാ​ന​ധ​ർ​മം ചെ​യ്യു​മ്പോ​ൾ, അ​ത് ര​ഹ​സ്യ​മാ​യി​രി​ക്ക​ണ​മെ​ന്ന് ഈ​ശോ പ​ഠി​പ്പി​ക്കു​ന്നു​ണ്ട്. ന​മു​ക്ക് ര​ഹ​സ്യ​മാ​യി ന​മ്മു​ടെ മി​ത്ര​ങ്ങ​ൾ​ക്കും ശത്രുക്ക​ൾ​ക്കും വേ​ണ്ടി ചെ​യ്യാ​വു​ന്ന ഏ​റ്റ​വും വ​ലി​യ ക്രി​സ്മ​സ് സ​മ്മാ​നം പ്രാ​ർ​ഥ​ന​യാ​ണ്. ദൈ​വ​മ​ല്ലാ​തെ മ​റ്റാ​രും ഈ ​ക്രി​സ്മ​സ് സ​മ്മാ​ന​ത്തെ​പ്പ​റ്റി അ​റി​യു​ക​യി​ല്ല.

ന​മ്മി​ൽ കു​റ​ച്ചു പേ​രെ​ങ്കി​ലും ക്രി​സ്തു​വി​നെ​പ്പ​റ്റി മ​റ്റു​ള്ള​വ​രോ​ടു സം​സാ​രി​ക്കാ​ൻ വ്യ​ഗ്ര​ത​യു​ള്ള​വ​രാ​ണ്. മ​ഹാ​ന്മാ​രാ​യ ചി​ല വ്യ​ക്തി​ക​ളു​ടെ മാ​തൃ​ക നാം ​സ്വീ​ക​രി​ക്കു​ക. ചോ​ദി​ച്ചാ​ൽ മാ​ത്രം ക്രി​സ്തു​വി​നെ​പ്പ​റ്റി പ​റ​യു​ക; എ​ന്നാ​ൽ ക്രി​സ്തു​വി​നെ​പ്പ​റ്റി നി​ങ്ങ​ളോ​ടു ചോ​ദി​ക്ക​ത്ത​ക്ക വി​ധം നി​ങ്ങ​ൾ ജീ​വി​ക്കു​ക, പ്ര​സം​ഗ​ത്തി​ന് അ​ത്യാ​വ​ശ്യ​മെ​ങ്കി​ൽ മാ​ത്രം വാ​ക്കു​ക​ൾ ഉ​പ​യോ​ഗി​ച്ചാ​ൽ മ​തി​യെ​ന്ന് വി​ശു​ദ്ധ ഫ്രാ​ൻ​സി​സ് അ​സ്സീ​സി പ​റ​ഞ്ഞ​തി​ന്‍റെ പൊ​രു​ൾ ഇ​താ​ണ്. പ്ര​സം​ഗം കു​റ​ച്ചും പ്രാ​ർ​ഥ​ന കൂ​ട്ടി​യും, ഇ​തു ര​ണ്ടി​നേ​ക്കാ​ളും ജീ​വി​ത​ത്തി​ന്‍റെ മേ​ന്മ വ​ർ​ധി​പ്പി​ച്ചും നാം ​ജീ​വി​ക്കു​ക.


പു​രോ​ഹി​ത​നും രാ​ജാ​വും പ്ര​വാ​ച​ക​നു​മാ​യി​രു​ന്ന സാ​മു​വ​ൽ ക്രി​സ്തു​വി​ന്‍റെ പ്ര​തീ​ക​മാ​ണ്. അ​ദ്ദേ​ഹം സ്വ​ന്തം ജ​ന​ത്തി​നു വേ​ണ്ടി ചെ​യ്ത വ​ലി​യ കാ​ര്യം പ്രാ​ർ​ഥ​ന​യാ​ണ്. പ​രി​ശു​ദ്ധ ക​ന്യ​കാ​മ​റി​യം ന​മു​ക്കു​വേ​ണ്ടി എ​പ്പോ​ഴും ചെ​യ്യ​ണ​മെ​ന്നു നാം ​അ​മ്മ​യോ​ട് ആ​വ​ശ്യ​പ്പെ​ടു​ന്ന കാ​ര്യം, ന​ന്മ നി​റ​ഞ്ഞ മ​റി​യ​മേ എ​ന്ന പ്രാ​ർ​ഥ​ന​യു​ടെ ര​ണ്ടാം ഭാ​ഗ​ത്തു​ണ്ട്. “എ​പ്പോ​ഴും ഞ​ങ്ങ​ളു​ടെ മ​ര​ണ​സ​മ​യ​ത്തും ത​മ്പു​രാ​നോ​ട് അ​പേ​ക്ഷി​ച്ചു കൊ​ള്ള​ണ​മേ”.

യ​ഥാ​ർ​ഥ ഭ​ക്ത​ന്‍റെ ഹൃ​ദ​യ വി​ചാ​ര​ങ്ങ​ൾ സ​ങ്കീ​ർ​ത്ത​ന​ങ്ങ​ളി​ൽ ന​മു​ക്കു കാ​ണാം. ജ​റു​സ​ലേ​മി​നു വേ​ണ്ടി പ്രാ​ർ​ഥി​ക്കാ​തി​രി​ക്കു​വാ​ൻ സ​ങ്കീ​ർ​ത്ത​ക​നു ക​ഴി​യു​ന്നി​ല്ല. “ജ​റു​സ​ല​മേ നി​ന്നെ ഞാ​ൻ മ​റ​ക്കു​ന്നു​വെ​ങ്കി​ൽ എ​ന്‍റെ വ​ല​തു​ക​രം എ​ന്നെ മ​റ​ക്ക​ട്ടെ!

ജ​റു​സ​ലേ​മി​നെ എ​ന്‍റെ ഏ​റ്റ​വും വ​ലി​യ സ​ന്തോ​ഷ​ത്തെ​ക്കാ​ൾ വി​ല​മ​തി​ക്കു​ന്നി​ല്ലെ​ങ്കി​ൽ എ​ന്‍റെ നാ​വ് അ​ണ്ണാ​ക്കി​ൽ ഒ​ട്ടി​പ്പോ​ക​ട്ടെ” (സ​ങ്കീ​ർ​ത്ത​നം 137:5-6). ന​മ്മു​ടെ ഏ​റ്റ​വും വ​ലി​യ സ​ന്തോ​ഷ​ത്തെ​ക്കാ​ൾ നാം ​സ്നേ​ഹി​ക്ക​ണ്ട വ്യ​ക്തി​ക​ൾ ന​മ്മു​ടെ ജീ​വി​ത​ത്തി​ലു​ണ്ട്. അ​വ​രെ മ​റ​ന്നു കൊ​ണ്ടാ​ണ് ന​മ്മു​ടെ സ​ന്തോ​ഷ​ങ്ങ​ളു​ടെ പി​ന്നാ​ലെ നാം ​പാ​യു​ന്ന​ത്.

മ​ധ്യപൂ​ർ​വ ദേ​ശ​ത്തെ വ​ലി​യ സ​മ്പ​ന്ന​നാ​യി​രു​ന്ന ജോ​ബ് എ​ന്ന കു​ടും​ബ​നാ​ഥ​ൻ മ​ക്ക​ൾ​ക്കു വേ​ണ്ടി മ​റ​ക്കാ​തെ പ്രാ​ർ​ഥി​ച്ച​ത് എ​ങ്ങ​നെ എ​ന്നു ശ്ര​ദ്ധി​ക്കൂ: “ജോ​ബ് പു​ത്ര​ന്മാ​രെ വി​ളി​ച്ചു വ​രു​ത്തി ശു​ദ്ധീ​ക​രി​ക്കു​ക​യും അ​തി​രാ​വി​ലെ എ​ഴു​ന്നേ​റ്റ് ഓ​രോ പു​ത്ര​നു വേ​ണ്ടി​യും ദ​ഹ​ന​ബ​ലി​യ​ർ​പ്പി​ക്കു​ക​യും ചെ​യ്യു​മാ​യി​രു​ന്നു” (ജോ​ബ് 1:5). ന​മ്മു​ടെ പ്രാ​ർ​ഥ​ന​യി​ൽ ഇ​ല്ലാ​ത്ത​വ​ർ ന​മ്മു​ടെ സ്നേ​ഹ​ത്തി​ലു​മി​ല്ല,

ന​മ്മി​ലെ സ​ഹോ​ദ​ര സ്നേ​ഹ​ത്തി​ന്‍റെ മാ​പി​നി​യാ​ണ് അ​വ​ർ​ക്കു വേ​ണ്ടി​യു​ള്ള പ്രാ​ർ​ഥ​ന. നാം ​പ്രാ​ർ​ഥ​ന നി​ർ​ത്തു​മ്പോ​ൾ, അ​വ​രോ​ടു​ള്ള യ​ഥാ​ർ​ഥ സ്നേ​ഹ​വും അ​സ്ത​മി​ക്കും. ഈ ​ക്രി​സ്മ​സി​ന് സ​ഹോ​ദ​ര​ങ്ങ​ൾ​ക്കു​ള്ള സ​മ്മാ​നം പ്രാ​ർ​ഥ​ന​യാ​വ​ട്ടെ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.