രേവതി തിരുനാള്‍ രാമവർമരാജയ്ക്ക് അന്ത്യാഞ്ജലി
Friday, June 24, 2022 12:22 AM IST
പന്തളം: പന്തളം കൊട്ടാരത്തിലെ വലിയ തമ്പുരാന്‍ ബുധനാഴ്ച രാത്രി അന്തരിച്ച രേവതി തിരുനാള്‍ പി. രാമവര്‍മരാജ (103)യ്ക്ക് അന്ത്യാഞ്ജലി. ഹരിപ്പാട് അനന്തപുരം കൊട്ടാരത്തിലായിരുന്നു അദ്ദേഹത്തിന്‍റെ അന്ത്യം. സംസ്‌കാരം ഇന്നലെ നടന്നു.
ഭാര്യ: പരേതയായ രുക്മിണിയമ്മ ഹരിപ്പാട് അനന്തപുരം കൊട്ടാരത്തിലെ അംഗമാണ്. മക്കള്‍: ഡോ. എസ്.ആര്‍. വര്‍മ, അനിയന്‍ ആര്‍. വര്‍മ, ശശി ആര്‍. വര്‍മ, രമ. മരുമക്കള്‍: സുധ തമ്പുരാന്‍, ഇന്ദിര വര്‍മ, രഞ്ജന വര്‍മ, കൃഷ്ണകുമാര്‍.
2002 മേയ് 19നാണ് പി. രാമവര്‍മരാജ പന്തളം വലിയ തമ്പുരാനായി അഭിഷിക്തനായത്. കുമ്മനം കാരുവേലില്‍ ദേവദത്തന്‍ നമ്പൂതിരിയുടെയും പന്തളം കൊച്ചുകോയിക്കല്‍ കൊട്ടാരത്തില്‍ പൂയംതിരുനാള്‍ മംഗലത്തു തമ്പുരാട്ടിയുടെയും മകനായി 1919 ഒക്ടോബര്‍ 19നാണ് ജനനം.
സ്‌കൂള്‍ വിദ്യാഭ്യാസത്തിനുശേഷം കോട്ടയം സിഎംഎസ് കോളജ്, തിരുവനന്തപുരം യൂണിവേഴ്‌സിറ്റി കോളജ് എന്നിവിടങ്ങളില്‍ പഠനം പൂര്‍ത്തിയാക്കി.