നേമം കോച്ച് ടെർമിനൽ പദ്ധതി ഉപേക്ഷിക്കാനുള്ള തീരുമാനം പുനഃപരിശോധിക്കണമെന്ന് മുഖ്യമന്ത്രി : Deepika.com Kerala News |

Click here for detailed news of all items

നേമം കോച്ച് ടെർമിനൽ പദ്ധതി ഉപേക്ഷിക്കാനുള്ള തീരുമാനം പുനഃപരിശോധിക്കണമെന്ന് മുഖ്യമന്ത്രി

Monday, July 4, 2022 1:04 AM IST

തിരുവനന്തപുരം: നേമത്തെ കോച്ചിംഗ് ടെർമിനൽ പദ്ധതി ഉപേക്ഷിക്കാനുള്ള റെയിൽവേ മന്ത്രാലയത്തിന്‍റെ തീരുമാനം പുനഃ:പരിശോധിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക് കത്തയച്ചു.

2011-12ലെ കേന്ദ്ര ബജറ്റിൽ ഉൾപ്പെടുത്തിയ പദ്ധതിയുടെ പ്രാധാന്യം 2019ൽ തറക്കല്ലിടുന്ന ഘട്ടത്തിൽ കേന്ദ്ര റെയിൽവേ മന്ത്രി പ്രത്യേകം പറഞ്ഞിരുന്നു. പദ്ധതി പൂർത്തിയായാൽ കോച്ചുകളുടെ മെയിന്‍റനൻസ് പൂർണമായി ഇങ്ങോട്ടുമാറ്റുമെന്നും വാഗ്ദാനം ചെയ്തിരുന്നു. പദ്ധതി ഉപേക്ഷിച്ചതോടെ ഭൂമി വിട്ടുനൽകിയവർക്കും വലിയ ബുദ്ധിമുട്ടാണുണ്ടായിരിക്കുന്നത്.

കേരളത്തിന്‍റെ റെയിൽവേ വികസനത്തിനു പുതിയ ഊർജം സമ്മാനിക്കാൻ പര്യാപ്തമായ പദ്ധതിയാണ് കേന്ദ്രസർക്കാർ ഉപേക്ഷിക്കാൻ തീരുമാനിച്ചത്. തീരുമാനം തിരുത്തി പദ്ധതി സ്ഥാപിക്കാനാവശ്യമായ നടപടി സ്വീകരിക്കണമെന്നും മുഖ്യമന്ത്രി പ്രധാനമന്ത്രിയോട് ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.