Kerala News
അഗതികൾക്കുള്ള റേഷനും ക്ഷേമപെൻഷനും നിർത്തലാക്കി
അഗതികൾക്കുള്ള റേഷനും ക്ഷേമപെൻഷനും നിർത്തലാക്കി
Tuesday, July 5, 2022 1:23 AM IST
തോ​​​​മ​​​​സ് വ​​​​ർ​​​​ഗീ​​​​സ്

തി​​​​രു​​​​വ​​​​ന​​​​ന്ത​​​​പു​​​​രം: സം​സ്ഥാ​ന​ത്തെ അ​ഭ​യ ഭ​വ​നു​ക​ളി​ലേ​ക്കും ബാ​ല​ഭ​വ​നു​ക​ളി​ലേ​ക്കും പൊ​തു​വി​ത​ര​ണ വ​കു​പ്പ് സൗ​ജ​ന്യ​നി​ര​ക്കി​ൽ ന​ല്കി വ​ന്നി​രു​ന്ന അ​രി​യു​ടെ​യും ഗോ​ത​ന്പി​ന്‍റെയും വി​ത​ര​ണം നി​ല​യ്ക്കു​ന്നു.

ഈ ​മാ​സം വെ​ൽ​ഫെ​യ​ർ സ്കീം ​പ്ര​കാ​രം വി​ത​ര​ണ​ത്തി​നാ​വ​ശ്യ​മാ​യ ഭ​ക്ഷ്യ​സാ​ധ​ന​ങ്ങ​ൾ സ്റ്റോ​ക്കി​ല്ലെ​ന്നു കാ​ട്ടി പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യാ​ല​യ​ത്തി​ൽ​നി​ന്ന് ജി​ല്ലാ സ​പ്ലൈ ഓ​ഫീ​സ​ർ​മാ​ക്ക് ഇ​തു​സം​ബ​ന്ധി​ച്ച അ​റി​യി​പ്പ് ല​ഭി​ച്ചു. അ​വ​ർ ഇ​ക്കാ​ര്യം റേ​ഷ​ൻ​ക​ട അ​ധി​കൃ​ത​ർ മു​ഖേ​ന ഓ​ർ​ഫ​നേ​ജ് ക​ണ്‍​ട്രോ​ൾ ബോ​ർ​ഡി​നെ അ​റി​യി​ച്ചി​ട്ടു​ണ്ട്.

സം​സ്ഥാ​ന​ത്ത് ഓ​ർ​ഫ​നേ​ജ് ക​ണ്‍​ട്രോ​ൾ ബോ​ർ​ഡി​ന്‍​റെ കീ​ഴി​ൽ 1800-ഓ​ളം സ്ഥാ​പ​ന​ങ്ങ​ളാ​ണു പ്ര​വ​ർ​ത്തി​ക്കു​ന്ന​ത്. ഇ​തി​ൽ ബാ​ല​ഭ​വ​നു​ക​ൾ, അ​ഭ​യ​ഭ​വ​നു​ക​ൾ, വൃ​ദ്ധ​സ​ദ​ന​ങ്ങ​ൾ, ഭി​ന്ന​ശേ​ഷി​ക്കാ​രു​ടെ താ​മ​സ​കേ​ന്ദ്ര​ങ്ങ​ൾ, പാ​ലി​യേ​റ്റീ​വ് കെ​യ​ർ സെ​ന്‍ററുകൾ തു​ട​ങ്ങി​യ​വ ഉ​ൾ​പ്പെ​ടു​ന്നു​ണ്ട്. ഈ ​സ്ഥാ​പ​ന ങ്ങ​ളി​ൽ ഒ​രു​ല​ക്ഷ​ത്തോ​ളം അ​ന്തേ​വാ​സി​ക​ളാ​ണു​ള്ള​ത്.

അ​രി, ഗോ​ത​ന്പ്, മ​ണ്ണെ​ണ്ണ, പ​ഞ്ച​സാ​ര എ​ന്നി​വ​യാ​യി​രു​ന്നു ഈ ​സ്ഥാ​പ​ന​ങ്ങ​ളി​ലെ അ​ന്തേ​വാ​സി​ക​ൾ​ക്ക് ന​ല്കി​വ​ന്നി​രു​ന്ന​ത്. മ​ണ്ണെ​ണ്ണ​യും, പ​ഞ്ച​സാ​ര​യും ന​ല്കു​ന്ന​ത് ഇ​ട​യ്ക്ക് നി​ർ​ത്ത​ലാ​ക്കി​യി​രു​ന്നു.ഒ​രു അ​ന്തേ​വാ​സി​ക്ക് ഒ​രു മാ​സം 10.5 കി​ലോ​ഗ്രാം അ​രി, നാ​ല​ര കി​ലോ​ഗ്രാം ഗോ​ത​ന്പ് എ​ന്നി​വ​യാ​യി​രു​ന്നു ന​ല്കി​വ​ന്നി​രു​ന്ന​ത്.

ഒ​രു കി​ലോ അ​രി​ക്ക് ഒ​രു രൂ​പ എ​ന്ന നി​ര​ക്കി​ലാ​യി​രു​ന്നു 2015 വ​രെ ഈ​ടാ​ക്കി​യി​രു​ന്ന​ത്. ഇ​​​​പ്പോ​​​​ൾ അ​​​​രി​​​​ക്ക് കി​​​​ലോ​​​​യ്ക്ക് 5.65 രൂപയും ഗോ​​​​ത​​​​ന്പി​​​​ന് 4.15 രൂപയുമാണ് ഈ​​​​ടാ​​​​ക്കു​​​​ന്ന​​​​ത്. ആ​​​​രും സ​​​​ഹാ​​​​യ​​​​മി​​​​ല്ലാ​​​​തെ അ​​​​ഗ​​​​തി​​​​മ​​​​ന്ദി​​​​ര​​​​ങ്ങ​​​​ളി​​​​ൽ ക​​​​ഴി​​​​ഞ്ഞി​​​​രു​​​​ന്ന​​​​വ​​​​ർ​​​​ക്ക് ആ​​​​ശ്ര​​​​യ​​​​മാ​​​​യി​​​​രു​​​​ന്നു സ​​​​ർ​​​​ക്കാ​​​​രി​​​​ന്‍റെ ഈ ​​​​സ​​​​ഹാ​​​​യം.


വെ​​​​ൽ​​​​ഫെ​​​​യ​​​​ർ സ്കീ​​​​മി​​​​ൽ​​​​പ്പെ​​​​ടു​​​​ത്തി കേ​​​​ന്ദ്ര​​​​ത്തി​​​​ൽനി​​​​ന്നു ല​​​​ഭി​​​​ക്കു​​​​ന്ന ഉ​​​​ത്പ​​​​ന്ന​​​​ങ്ങ​​​​ളാ​​​​യി​​​​രു​​​​ന്നു ഇ​​​​വ. വെ​​​​ൽ​​​​ഫെ​​​​യ​​​​ർ സ്കീ​​​​മി​​​​ൽ കേ​​​​ന്ദ്ര​​​​വി​​​​ഹി​​​​തം ഇ​​​​നി ല​​​​ഭി​​​​ക്കി​​​​ല്ലെ​​​​ന്ന കാ​​​​ര​​​​ണ​​​​ത്താ​​​​ലാ​​​​ണ് പ​​​​ദ്ധ​​​​തി നി​​​​ർ​​​​ത്ത​​​​ലാ​​​​ക്കുന്നത്. ​അ​ഗ​തി​മ​ന്ദി​ര​ങ്ങ​ളി​ലെ അ​ന്തേ​വാ​സി​ക​ളു​ടെ ഹാ​ജ​ർ രേ​ഖ​പ്പെ​ടു​ത്തി​യ ബു​ക്ക് സാ​മൂ​ഹ്യ​നീ​തി​വ​കു​പ്പി​ൽ ന​ല്കി അ​വി​ടെ​നി​ന്നും അ​ന്വേ​ഷി​ച്ച് കൃ​ത്യ​ത ഉ​റ​പ്പാ​ക്കി​യ​ശേ​ഷം ജി​ല്ലാ സ​പ്ലൈ ഓ​ഫീ​സി​ലേ​ക്ക് ന​ല്കും.

തു​ട​ർ​ന്ന് ജി​ല്ലാ സ​പ്ലൈ ഓ​ഫീ​സ​റാ​ണ് ഓ​രോ സ്ഥാ​പ​ന​ത്തി​നും ല​ഭ്യ​മാ​ക്കേ​ണ്ട ഭ​ക്ഷ്യ​സാ​ധ​ന​ങ്ങ​ളു​ടെ ക​ണ​ക്ക് ന​ല്കി അ​താ​ത് ഡി​പ്പോ​ക​ളി​ൽനി​ന്ന് ഭ​ക്ഷ്യ​സാ​ധ​ന​ങ്ങ​ൾ സ്ഥാ​പ​ന​ങ്ങ​ളി​ലേ​ക്കു ന​ല്കി​വ​ന്നി​രു​ന്ന​ത്. വ​ള​രെ സു​താ​ര്യ​ത​യോ​ടെ​യാ​യി​രു​ന്നു ഇ​തി​ന്‍റെ പ്ര​വ​ർ​ത്ത​ന​ങ്ങ​ൾ. ആ​രും തു​ണ​യി​ല്ലാ​ത്ത ഒ​രു വി​ഭാ​ഗം ജ​ന​ങ്ങ​ളാ​ണ് പ​ദ്ധ​തി നി​ർ​ത്ത​ലാ​ക്കു​ന്ന​തോ​ടെ ദു​രി​ത​ത്തി​ലേ​ക്കു നീ​ങ്ങു​ന്ന​ത്.

അ​നാ​ഥ​മ​ന്ദി​ര​ങ്ങ​ളി​ലും അ​ഭ​യ​ഭ​വ​നുകളിലും വ​സി​ക്കു​ന്ന​വ​ർ​ക്ക് ഭ​ക്ഷ്യ​സാ​ധ​ന​ങ്ങ​ൾ ല​ഭ്യ​മാ​ക്കാ​ൻ സ​ർ​ക്കാ​ർ ഇ​ട​പെ​ട​ൽ അ​ടി​യ​ന്ത​ര​മാ​യി ഉ​ണ്ടാ​ക​ണ​മെ​ന്ന​താ​ണ് പ്ര​ധാ​ന ആ​വ​ശ്യം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.