വാഹനത്തിനു തീപിടിച്ചാൽ എന്തു ചെയ്യണം? : Deepika.com Kerala News |

Click here for detailed news of all items

വാഹനത്തിനു തീപിടിച്ചാൽ എന്തു ചെയ്യണം?

Friday, February 3, 2023 5:12 AM IST

• ഉടൻതന്നെ വാഹനം ഓഫ് ചെയ്ത് വാഹനത്തിൽനിന്നു സുരക്ഷിത അകലം പാലിക്കുക.
• ഡോർ തുറക്കാനാകുന്നില്ലെങ്കിൽ സീറ്റിന്‍റെ ഹെഡ്റെസ്റ്റ് ഊരിയെടുത്ത് ഗ്ലാസ് തകർക്കാവുന്നതാണ്.
• ബോണറ്റിലാണു തീ കാണുന്നതെങ്കിൽ ഒരിക്കലും ബോണറ്റ് തുറക്കരുത്. തീ കൂടുതൽ പടരാൻ കാരണമാകും.
•ഇത്തരം സന്ദർഭങ്ങളിൽ ആത്മവിശ്വാസം കൈവിടരുത്. എമർജൻസി ടെലിഫോൺ നമ്പർ ഓർത്തുവയ്ക്കുക. 112ൽ വിളിക്കാൻ മറക്കരുത്.
•വാഹനത്തിൽനിന്നു കരിഞ്ഞ മണം വരുന്നുണ്ടെങ്കിൽ ഒരിക്കലും അവഗണിച്ച് ഡ്രൈവിംഗ് തുടരരുത്.
•വാഹനം ഓഫ് ചെയ്ത് ദൂരെ മാറിനിന്ന് സർവീസ് സെന്‍ററുമായി ബന്ധപ്പെടുക.
•വാഹനങ്ങൾ കൃത്യമായ ഇടവേളകളിൽ സർവീസ് ചെയ്യുക.
•എളുപ്പം തീപിടിക്കാവുന്ന വസ്തുക്കൾ വാഹനത്തിൽ കൊണ്ടുപോകരുത്.
•വാഹനത്തിലിരുന്ന് പുകവലിക്കരുത്.
•വാഹനം പാർക്ക് ചെയ്യുന്ന സ്ഥലത്ത് ചപ്പുചവറുകളും കരിയിലകളും ഉണ്ടെങ്കിൽ അത്തരം സ്ഥലങ്ങൾ ഒഴിവാക്കുന്നത് ഉചിതം.
•പരിചയമില്ലാത്ത സ്വയം സർവീസിംഗ്, അനുവദനീയമല്ലാത്ത ഇലക്‌ട്രോണിക്സ് ഉപകരണങ്ങൾ ഘടിപ്പിക്കൽ തുടങ്ങിയവ ഷോർട്ട് സർക്യൂട്ടിനു കാരണമാകും.
•വാഹനത്തിൽ അനാവശ്യ മോഡിഫിക്കേഷനുകളും കൂട്ടിച്ചേർക്കലുകളും ഒഴിവാക്കുക.

(തൃശൂർ സിറ്റി പോലീസിന്‍റെ ഫേസ്ബുക്ക് പോസ്റ്റിൽനിന്ന്...)

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.