Kerala News
പ്രാര്‍ഥനയുടെ മനുഷ്യന്‍: മാര്‍ ആലഞ്ചേരി
പ്രാര്‍ഥനയുടെ മനുഷ്യന്‍: മാര്‍ ആലഞ്ചേരി
Thursday, March 23, 2023 2:17 AM IST
ച​ങ്ങ​നാ​ശേ​രി: അ​വ​സാ​ന നി​മി​ഷം വ​രെ പ്രാ​ര്‍ഥ​ന​യു​ടെ മ​നു​ഷ്യ​നാ​യി​രു​ന്നു ആ​ര്‍ച്ച്ബി​ഷ​പ് മാ​ര്‍ ജോ​സ​ഫ് പ​വ്വ​ത്തി​ലെ​ന്ന് സീ​റോ മ​ല​ബാ​ര്‍ സ​ഭ മേ​ജ​ര്‍ ആ​ര്‍ച്ച്ബി​ഷ​പ് ക​ര്‍ദി​നാ​ള്‍ മാ​ര്‍ ജോ​ര്‍ജ് ആ​ല​ഞ്ചേ​രി.

സം​സ്‌​കാ​ര​ച​ട​ങ്ങി​ല്‍ വി​ശു​ദ്ധ കു​ര്‍ബാ​ന​മ​ധ്യേ വ​ച​ന​സ​ന്ദേ​ശം ന​ല്‍കു​ക​യാ​യി​രു​ന്ന ക​ര്‍ദി​നാ​ള്‍. വ്യ​ക്തി​പ​ര​മാ​യ പ്രാ​ര്‍ഥ​ന​യി​ലും ആ​രാ​ധ​ന​ക്ര​മ​പ​ര​മാ​യ പ്രാ​ര്‍ഥ​ന​ക​ളി​ലും അ​ദ്ദേ​ഹം പ​രി​പൂ​ര്‍ണ നി​ഷ്ഠ​വ​ച്ചാ​ണ് ജീ​വി​ച്ചി​രു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

1930ല്‍ ​പ​രി​ശു​ദ്ധ അ​മ്മ​യു​ടെ സ്വ​ര്‍ഗാ​രോ​പ​ണ തി​രു​നാ​ളി​ന്‍റെ ത​ലേ​നാ​ള്‍ ഓ​ഗ​സ്റ്റ് 14നു ​ജ​ന​നം, 2023ല്‍ ​വി​ശു​ദ്ധ യൗ​സേ​പ്പ് പി​താ​വി​ന്‍റെ മ​ര​ണ​ത്തി​രു​നാ​ളി​നു ത​ലേ​ന്നാ​ള്‍ മ​ര​ണം. പ​രി​ശു​ദ്ധ അ​മ്മ​യു​ടെ​യും വി​ശു​ദ്ധ യൗ​സേ​പ്പ് പി​താ​വി​ന്‍റെ​യും മ​ാധ്യ​സ്ഥ​്യത്തി​ല്‍ ആ​യി​രു​ന്നു മാ​ര്‍ പ​വ്വ​ത്തി​ന്‍റെ ജീ​വി​ത​വും വി​യോ​ഗ​വും.

ദൈ​വ​രാ​ധ​ന, ദൈ​വി​ക​സ​ന്ദേ​ശ​ത്തി​ന്‍റെ പ്ര​ബോ​ധ​നം, സ​ഭാ നി​യ​മ​ങ്ങ​ളു​ടെ അ​നു​വ​ര്‍ത്ത​നം, ജ​ന​സേ​വ​ന​ത്തി​നു​ള്ള പ്ര​തി​ബ​ദ്ധ​ത, സാ​മൂ​ഹി​ക നീ​തി​ക്കു​വേ​ണ്ടി​യു​ള്ള പോ​രാ​ട്ടം, പാ​വ​പ്പെ​ട്ട​വ​രോ​ടും പാ​ര്‍ശ്വ​വ​ല്‍ക്ക​രി​ക്ക​പ്പെ​ട്ട​വ​രോ​ടു​മു​ള്ള പ്ര​ത്യേ​ക സ്‌​നേ​ഹ​വും ക​രു​ണ​യും- ഇ​വ​യെ​ല്ലാം മാ​ര്‍ പ​വ്വ​ത്തി​ലി​ന്‍റെ ജീ​വി​ത​നി​ഷ്ഠ​ക​ളാ​യി​രു​ന്നു. വി​സ്മ​യ​ക​ര​മാ​യ പാ​ണ്ഡി​ത്യ​വും അ​തി​ശ​യി​പ്പി​ക്കു​ന്ന വാ​ക്ചാ​തു​രി​യും ക​ര്‍മ​ധീ​ര​ത​യും സ​ഹാ​നു​ഭൂ​തി​യും കാ​രു​ണ്യ​വും അ​ദ്ദേ​ഹ​ത്തി​ന്‍റെ ജീ​വി​ത​ശൈ​ലി​യു​ടെ മു​ഖ​മു​ദ്ര​ക​ള്‍ ആ​യി​രു​ന്നു.


മോ​ശ​യു​ടെ മ​ര​ണ​ത്തോ​ടെ പ​ഴ​യ​നി​യ​മ ജ​ന​ത​യു​ടെ ച​രി​ത്ര​ത്തി​ല്‍ ഒ​രു കാ​ല​ഘ​ട്ടം അ​വ​സാ​നി​ച്ചു. ഏ​ക​ദേ​ശം അ​തു​പോ​ലെ മാ​ര്‍ പ​വ്വ​ത്തി​ലി​ന്‍റെ മ​ര​ണ​ത്തോ​ടെ ഒ​രു കാ​ല​ഘ​ട്ടം ക​ട​ന്നു​പോ​കു​ന്നു. കാ​ഞ്ഞി​ര​പ്പ​ള്ളി, ച​ങ്ങ​നാ​ശേ​രി രൂ​പ​ത​ക​ളി​ലെ വൈ​ദി​ക​വി​ദ്യാ​ര്‍ഥി​ക​ള്‍ക്കും വൈ​ദി​ക​ര്‍ക്കും മാ​ര്‍ പ​വ്വ​ത്തി​ലി​നോ​ടു​ള്ള ഹൃ​ദ​യ​ബ​ന്ധം അ​ന്യാ​ദൃശ്യ​മാ​ണ്. പി​താ​വി​നോ​ടൊ​പ്പം സെ​ക്ര​ട്ട​റി​യാ​യും വി​കാ​രി ജ​ന​റാ​ളാ​യും പ്ര​വ​ര്‍ത്തി​ച്ച​തി​ന്‍റെ ന​ല്ല ഓ​ര്‍മ​ക​ള്‍ മ​ന​സി​ലു​ണ്ട്. ത​ക്ക​ല രൂ​പ​ത​യു​ടെ പ്ര​ഥ​മ മെ​ത്രാ​നാ​യി അ​ഭി​ഷേ​കം ചെ​യ്ത​തും അ​ദ്ദേ​ഹ​മാ​ണ്.

ക​ന്യാ​കു​മാ​രി മി​ഷ​നെ ഒ​രു രൂ​പ​ത​യാ​ക്കാ​നു​ള്ള പി​താ​വി​ന്‍റെ പ​രി​ശ്ര​മ​ങ്ങ​ള്‍ ബ​ഹു​മാ​നാ​ദ​ര​വു​ക​ളോ​ടെ ഒാ​ർ​ക്കു​ന്നു. സ​ഭൈ​ക്യ ല​ക്ഷ്യ​ത്തോ​ടെ പ​വ്വ​ത്തി​ല്‍ പി​താ​വു ചെ​യ്തി​ട്ടു​ള്ള പ്ര​വ​ര്‍ത്ത​ന​ങ്ങ​ള്‍ കേ​ര​ള​ത്തി​ലെ എ​ല്ലാ സ​ഭ​ക​ളും ഏ​ക്കാ​ലും സ്മ​രി​ക്കും.

സ​ഭ​യി​ലെ​യും സ​മൂ​ഹ​ത്തി​ലെ​യും പ്ര​ശ്‌​ന​സ​ങ്കീ​ര്‍ണ​മാ​യ സാ​ഹ​ച​ര്യ​ങ്ങ​ളി​ല്‍ പി​താ​വി​ന്‍റെ ശ​ബ്ദ​ത്തി​നാ​യി ജ​ന​വും ജ​ന​നേ​താ​ക്ക​ളും കാ​തോ​ര്‍ത്തി​രു​ന്നു​വെ​ന്നും ക​ര്‍ദി​നാ​ള്‍ അ​നു​സ്മ​രി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.