പാലാ ഡിവൈഎസ്പി പി.കെ. സദന്‍, ഈരാറ്റുപേട്ട എസ്എച്ച്ഒ എ.പി. സുബ്രഹ്മണ്യന്‍ എന്നിവരുടെ നേതൃത്വത്തില്‍ പോലീസ് പള്ളിയിലെത്തി അന്വേഷണം ആരംഭിച്ചു.
പള്ളിയിലെ നിരീക്ഷണ കാമറകള്‍ സംഭവസമയത്ത് ഓഫായിരുന്നെന്ന് പോലീസ് പറഞ്ഞു. അതേസമയം അക്രമിസംഘമെത്തിയ വാഹനങ്ങളുടെ ചിത്രങ്ങള്‍ പോലീസിന് നാട്ടുകാര്‍ കൈമാറി. പള്ളിയങ്കണത്തില്‍ അതിക്രമിച്ചു കടക്കുകയും വൈദികനെ ആക്രമിക്കുകയും ചെയ്ത സംഭവമറിഞ്ഞ് ആയിരക്കണക്കിന് വിശ്വാസികളും രൂപതയിലെ നിരവധി വൈദികരും സന്യസ്തരും പള്ളി അങ്കണത്തില്‍ എത്തിച്ചേര്‍ന്നു.
വൈകുന്നേരം പൂഞ്ഞാര്‍ ടൗണിലേക്ക് പ്രതിഷേധ റാലിയും തുടര്‍ന്ന് പള്ളി അങ്കണത്തില്‍ യോഗവും ചേര്‍ന്നു. അറസ്റ്റിലായവരുടെ പേരുവിവരങ്ങള്‍ പോലീസ് വെളിപ്പെടുത്തിയിട്ടില്ല.
എകെസിസി രൂപതാ ഡയറക്ടറും ഡയറക്ടറുമായ റവ. ഡോ. ജോര്‍ജ് വര്‍ഗീസ് ഞാറക്കുന്നേല്‍, സെബാസ്റ്റ്യന്‍ കുളത്തുങ്കല്‍ എംഎല്‍എ, പി.സി. ജോര്‍ജ് തുടങ്ങി ഒട്ടേറെ പ്രമുഖര്‍ പള്ളിയിലെത്തി.