"വെട്ടിലായി സിപിഎം'; ഐ​എ​ന്‍ടി​യു​സി നേ​താ​വിന്‍റെ കൊലപാതകം പാര്‍ട്ടി ആലോചിച്ചെന്ന് വെളിപ്പെടുത്തല്‍
 വെട്ടിലായി സിപിഎം ;  ഐ​എ​ന്‍ടി​യു​സി നേ​താ​വിന്‍റെ കൊലപാതകം  പാര്‍ട്ടി ആലോചിച്ചെന്ന് വെളിപ്പെടുത്തല്‍
Friday, April 12, 2024 2:08 AM IST
കാ​യം​കു​ളം: ഇ​രു​പ​ത്തി​മൂ​ന്നു വ​ര്‍ഷം മു​മ്പു ന​ട​ന്ന കാ​യം​കു​ളം ക​രീ​ല​ക്കു​ള​ങ്ങ​ര​യി​ലെ ഐ​എ​ന്‍ടി​യു​സി പ്രാ​ദേ​ശി​ക നേ​താ​വ് സ​ത്യ​ന്‍റെ കൊ​ല​പാ​ത​കം പാ​ര്‍ട്ടി ആ​ലോ​ചി​ച്ച് ന​ട​ത്തി​യ ആ​സൂ​ത്രി​ത കൊ​ല​പാ​ത​ക​മാ​യി​രുന്നെ​ന്നും നി​ര​പ​രാ​ധി​യാ​യ ത​ന്നെ പാ​ര്‍ട്ടി പ്ര​തി​യാ​ക്കി​യെ​ന്നും സി​പി​​എം നേ​താ​വി​ന്‍റെ വെ​ളി​പ്പെ​ടു​ത്ത​ല്‍.

ആ​ല​പ്പു​ഴ ജി​ല്ലാ പ​ഞ്ചാ​യ​ത്ത് അം​ഗ​വും കാ​യം​കു​ള​ത്തെ സി​പി​​എം നേ​താ​വു​മാ​യ ബി​പി​ന്‍ സി. ​ബാ​ബു​വാ​ണ് പാ​ര്‍ട്ടി നേ​തൃ​ത്വ​ത്തി​ന് ന​ല്‍കി​യ ക​ത്തി​ല്‍ വി​വാ​ദ​മാ​യ വെ​ളി​പ്പെ​ടു​ത്ത​ല്‍ ന​ട​ത്തി​യ​ത്. മു​ന്‍ ആ​ല​പ്പു​ഴ ജി​ല്ലാ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് കൂ​ടി​യാ​യ ബി​പി​ന്‍ സി. ​ബാ​ബു​വി​നെ​തി​രേ ഭാ​ര്യ ന​ല്‍കി​യ ഗാ​ര്‍ഹി​കപീ​ഡ​ന പ​രാ​തി​യെത്തുട​ര്‍ന്ന് പാ​ര്‍ട്ടി നേ​തൃ​ത്വം ന​ട​പ​ടി​യെടു​ത്തി​രു​ന്നു.

ഇ​തേ​ത്തു​ട​ര്‍ന്ന് നേ​തൃ​ത്വ​വു​മാ​യി അ​ക​ല്‍ച്ച​യി​ലാ​യി​രു​ന്നു ബി​ബി​ന്‍. 2001 ലാ​ണ് ആ​ര്‍എ​സ്എ​സ് വി​ട്ട് ഐ​എ​ന്‍ടി​യു​സി​യി​ല്‍ എ​ത്തി​യ സ​ത്യ​ന്‍ കൊ​ല്ല​പ്പെ​ട്ട​ത്. കേ​സി​ല്‍ ബി​പി​ന്‍ ഉ​ള്‍പ്പ​ടെ എ​ല്ലാ പ്ര​തി​ക​ളെ​യും 2006ല്‍ ​കോ​ട​തി വെ​റു​തെ വി​ട്ടി​രു​ന്നു.

ഇ​പ്പോ​ള്‍ പു​തി​യ വെ​ളി​പ്പെ​ടു​ത്ത​ല്‍ ന​ട​ത്തി​യ ബി​പി​ന്‍ പാ​ര്‍ട്ടി അം​ഗ​ത്വ​വും, ജി​ല്ലാ പ​ഞ്ചാ​യ​ത്ത് അം​ഗം പ​ദ​വി​യും രാ​ജി​വയ്ക്കാ​ന്‍ സ​ന്ന​ദ്ധ​ത അ​റി​യി​ച്ച് നേ​തൃ​ത്വ​ത്തി​ന് ക​ത്ത് ന​ല്‍കി​യി​രി​ക്കു​യാ​ണ്.

ഈ ​ക​ത്തി​ലാ​ണ് സ​ത്യ​ന്‍റെ കൊ​ല​പാ​ത​കം പാ​ര്‍ട്ടി ആ​ലോ​ചി​ച്ച് ന​ട​ത്തി​യ​താ​ണെ​ന്ന് വെ​ളി​പ്പെ​ടു​ത്ത​ല്‍ ന​ട​ത്തി​യി​രി​ക്കു​ന്ന​ത്. 36 കേ​സു​ക​ളി​ല്‍ പാ​ര്‍ട്ടി​ക്കുവേ​ണ്ടി താ​ൻ പ്ര​തി​യാ​യെ​ന്ന് ബി​പി​ന്‍ ക​ത്തി​ല്‍ ചൂ​ണ്ടി​ക്കാ​ട്ടി.

2001ലെ ​നി​യ​മസ​ഭാ തെ​ര​ഞ്ഞെ​ടു​പ്പി​ല്‍ കാ​യം​കു​ളം മ​ണ്ഡ​ല​ത്തി​ല്‍ സി​പി​എം നേ​താ​വ് ജി. ​സു​ധാ​ക​ര​ന്‍, കോ​ണ്‍ഗ്ര​സ് നേ​താ​വ് എം.എം. ഹ​സ​നോ​ട് കു​റ​ഞ്ഞ വോ​ട്ടി​ന് പ​രാ​ജ​യ​പ്പെ​ട്ടി​രു​ന്നു. അ​ട്ടി​മ​റിവി​ജ​യ​മാ​ണ് അ​ന്ന് ഹ​സ​ന്‍ നേ​ടി​യ​ത്.

ക​രീ​ല​ക്കു​ള​ങ്ങ​ര​യി​ല്‍ കോ​ണ്‍ഗ്ര​സി​ന്‍റെ തെ​ര​ഞ്ഞെ​ടു​പ്പ് പ്ര​ചാ​ര​ണപ്ര​വ​ര്‍ത്ത​ന​ങ്ങ​ളി​ല്‍ ഐ​എ​ന്‍ടി​യു​സി നേ​താ​വ് കീ​രി​ക്കാ​ട് ക​ളീ​ക്ക​ല്‍ വീ​ട്ടി​ല്‍ സ​ത്യ​ന്‍ സ​ജീ​വ​മാ​യി​രു​ന്നു. 2001 ജൂ​ണ്‍ ഇ​രു​പ​തി​നാ​ണ് സ​ത്യ​ന്‍ കൊ​ല്ല​പ്പെ​ട്ട​ത്.

ഓ​ട്ടോ​ഡ്രൈ​വ​ര്‍ ആ​യി​രു​ന്ന സ​ത്യ​നെ ഓ​ട്ടം വി​ളി​ച്ച് ക​രീ​ല​ക്കു​ള​ങ്ങ​ര കൊ​ട്ട​യ്ക്കാ​ട് ക്ഷേ​ത്ര​ത്തി​ന് സ​മീ​പം സം​ഘം ചേ​ര്‍ന്ന് വെ​ട്ടി​വീ​ഴ്ത്തു​ക​യാ​യി​രു​ന്നു.

ചി​കി​ത്സ​യി​ലി​രി​ക്കവേ സ​ത്യ​ന്‍ മ​രി​ച്ചു. കേ​സി​ല്‍ ബി​പി​ന്‍ ഉ​ള്‍പ്പ​ടെ ഏ​ഴു പ്ര​തി​ക​ളെ ആ​ല​പ്പു​ഴ അ​തി​വേ​ഗ കോ​ട​തി ജ​ഡ്ജി എ​ന്‍. സു​ഗു​ണ​ന്‍ വെ​റു​തെവി​ടു​ക​യാ​യി​രു​ന്നു.

സി​പി​എം കാ​യം​കു​ളം ഏ​രി​യ ക​മ്മി​റ്റി അം​ഗം കെ​എ​ല്‍ പ്ര​സ​ന്ന​കു​മാ​രി, ഊ​മ​ക്ക​ത്തി​ന്‍റെ പേ​രി​ല്‍ പാ​ര്‍ട്ടി ന​ട​പ​ടി​ക്ക് വി​ധേ​യ​നാ​യ മു​ന്‍ ഏ​രി​യ ക​മ്മി​റ്റി അം​ഗം ബി ​ജ​യ​ച​ന്ദ്ര​ന്‍ എ​ന്നി​വ​രും പാ​ർ​ട്ടി​യി​ൽ നി​ന്ന് രാ​ജി​വ​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.