യുഎപിഎ നിയമപ്രകാരം പ്രതികള് കുറ്റക്കാരാണെന്ന് കോടതി കണ്ടെത്തിയിരുന്നു. രൂപേഷിനെതിരേ ആയുധ നിയമവും എസ്സി എസ്ടി നിയമവും തെളിഞ്ഞിരുന്നില്ല. കന്യാകുമാരിക്ക് യുഎപിഎ 38 പ്രകാരം മാത്രമാണു ശിക്ഷ. അനൂപിനെതിരേ ഗൂഢാലോചന കുറ്റം തെളിയിക്കാനും എന്ഐഎക്ക് കഴിഞ്ഞില്ല.
2014 ഏപ്രില് 24ന് സിവില് പോലീസ് ഓഫീസറായ പ്രമോദിന്റെ വീട്ടില് അതിക്രമിച്ചു കയറി ഭീഷണിപ്പെടുത്തി വാഹനം കത്തിച്ചെന്നാണു പ്രതികള്ക്കെതിരായ കേസ്. ഉന്നത പോലീസ് ഉദ്യോഗസ്ഥര്ക്ക് മാവോയിസ്റ്റുകളെക്കുറിച്ച് വിവരം നല്കിയതിനായിരുന്നു പ്രമോദിനെതിരേ നീക്കമുണ്ടായത്.
വയനാട് ജില്ലയില് മാവോയിസ്റ്റുകള് നേരിട്ട് ആക്രമണത്തിനു മുതിര്ന്ന ആദ്യ സംഭവമായിരുന്നു ഇത്. 2016ലാണ് കേസ് എന്ഐഎ ഏറ്റെടുത്തത്. മാവോയിസ്റ്റ് ആക്രമണത്തില് കേരളത്തില്നിന്ന് എന്ഐഎ ഏറ്റെടുത്ത ആദ്യത്തെ കേസായിരുന്നു ഇത്.
പിന്നീടും വെള്ളമുണ്ട, തൊണ്ടര്നാട് മേഖലകളില് നിരവധി തവണ മാവോയിസ്റ്റ് ആക്രമണമുണ്ടായി. തൊണ്ടര്നാട് ചപ്പ വനമേഖലയില് 2014 ഡിസംബറില് തന്നെ മാവോയിസ്റ്റുകള് തണ്ടര്ബോള്ട്ട് സേനയ്ക്കുനേരെ വെടിയുതിര്ത്തിരുന്നു.