ചെ​റു​വ​ള്ളി: മൂ​ലേ​പ്ലാ​വി​ന് സ​മീ​പം സു​ഹൃ​ത്തു​ക്ക​ളോ​ടൊ​പ്പം കു​ളി​ക്കാ​നെ​ത്തി​യ യു​വാ​വി​നെ മ​ണി​മ​ല​യാ​റ്റി​ൽ കാ​ണാ​താ​യി. കോ​ത്ത​ല​പ്പ​ടി മ​ല​മ്പാ​റ സ്വ​ദേ​ശി ത​ട​ത്തേ​ൽ ബി​ജി ബി​ജു (കി​ച്ചു-25)വി​നെ​യാ​ണ് കാ​ണാ​താ​യ​ത്.

ബ​ന്ധു​ക്ക​ൾ​ക്കൊ​പ്പം മീ​ൻ പി​ടി​ക്കാ​ൻ എ​ത്തി​യ​താ​യി​രു​ന്നു ബി​ജി. ഇ​ന്ന​ലെ ഉ​ച്ച​ക​ഴി​ഞ്ഞ് 2.30 ഓടെ​യാ​യി​രു​ന്നു അ​പ​ക​ടം. മൂ​ന്നം​ഗ സം​ഘം രാ​വി​ലെ പ​ത്തോ​ടെ​യാ​ണ് പ്ര​ദേ​ശ​ത്ത് എ​ത്തി​യ​ത്. മീ​ൻ പി​ടി​ച്ച ശേ​ഷം തി​രി​കെ പോ​കു​ന്ന​തി​ന് മു​ന്പ് ആ​റ്റി​ൽ കു​ളി​ക്കാ​നി​റ​ങ്ങി​യ​താ​യി​രു​ന്നു ഇ​വ​ർ.

ആ​റി​ന്‍റെ ഇ​രു​ക​ര​ക​ളി​ലേ​ക്കും നീ​ന്തു​ന്ന​തി​നി​ടെ ക​യ​ത്തി​ൽ ബി​ജി മു​ങ്ങി​ത്താ​ഴു​ക​യാ​യി​രു​ന്നു​വെ​ന്നാ​ണ് കൂ​ടെ​യു​ണ്ടാ​യി​രു​ന്ന​വ​ർ പ​റ​യു​ന്ന​ത്. ഇ​വ​ർ ര​ക്ഷി​ക്കാ​ൻ ശ്ര​മി​ച്ചെ​ങ്കി​ലും യു​വാ​വ് മു​ങ്ങിപ്പോ​യി.


ഇ​വ​രു​ടെ ബ​ഹ​ളം കേ​ട്ട് സ​മീ​പ​വാ​സി​ക​ൾ എ​ത്തി ആ​റ്റി​ൽ ഇ​റ​ങ്ങി പ​രി​ശോ​ധ​ന ന​ട​ത്തി. പി​ന്നീ​ട് ഇ​വ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് മ​ണി​മ​ല പോ​ലീ​സും കാ​ഞ്ഞി​ര​പ്പ​ള്ളി ഫ​യ​ർ​ഫോ​ഴ്സും ഈ​രാ​റ്റു​പേ​ട്ട​യി​ൽനി​ന്നു ടീം ​എ​മ​ർ​ജ​ൻ​സി കേ​ര​ള​യു​ടെ സം​ഘ​വും സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

വൈ​കു​ന്നേ​രം പെ​യ്ത മ​ഴ തെ​ര​ച്ചി​ലി​ന് ത​ട​സം സൃ​ഷ്ടി​ച്ചി​രു​ന്നു. രാ​ത്രി വൈ​കി പ​രി​ശോ​ധ​ന ന​ട​ത്തി​യെ​ങ്കി​ലും ക​ണ്ടെ​ത്താ​ൻ സാ​ധി​ക്കാ​ത്ത​തി​നെ തു​ട​ർ​ന്ന് തെ​ര​ച്ചി​ൽ അ​വ​സാ​നി​പ്പി​ക്കു​ക​യാ​യി​രു​ന്നു. ഇ​ന്ന് രാ​വി​ലെ തെ​ര​ച്ചി​ൽ ആ​രം​ഭി​ക്കും.