ഗുണ്ടാ നേതാവിന്‍റെ വിരുന്നുണ്ട് ഡിവൈഎസ്പിയും പോലീസുകാരും
ഗുണ്ടാ നേതാവിന്‍റെ വിരുന്നുണ്ട് ഡിവൈഎസ്പിയും പോലീസുകാരും
Tuesday, May 28, 2024 1:28 AM IST
ആ​​ല​​പ്പു​​ഴ/ അ​​ങ്ക​​മാ​​ലി: ഗു​ണ്ട​ക​ൾ​ക്കെ​തി​രേ ന​ട​പ​ടി ക​ർ​ശ​ന​മാ​ക്കി​യി​രി​ക്കെ ഗു​​ണ്ടാ​​ ലി​​സ്റ്റി​​ലെ പ്ര​​മു​​ഖ​​ൻ ഒ​രു​ക്കി​യ വി​രു​ന്നി​ൽ ഡി​വൈ​എ​സ്പി​യും പോ​ലീ​സു​കാ​രും പ​ങ്കെ​ടു​ത്ത​ത് സ​ർ​ക്കാ​രി​നും പോ​ലീ​സ് സേ​ന​യ്ക്കും നാ​ണ​ക്കേ​ടാ​യി.

ഗു​​ണ്ടാ​​ നേ​​താ​​വ് ത​​മ്മ​​നം ഫൈ​​സ​​ലി​​ന്‍റെ അ​​ങ്ക​​മാ​​ലി​​യി​​ലെ വീ​​ട്ടി​​ൽ ഒ​രു​ക്കി​യ വി​രു​ന്നി​ൽ ആ​ല​പ്പു​ഴ ക്രൈം ​ഡി​റ്റാ​ച്ച്മെ​ന്‍റ് ഡി​​വൈ​​എ​​സ്പി എം.ജി. സാ​​ബു​​വും മൂ​ന്നു പോ​​ലീ​​സു​​കാ​​രു​​മാ​​ണ് എ​​ത്തി​​യ​​ത്. ഞാ​യ​റാ​ഴ്ച​യാ​യി​രു​ന്നു സം​ഭ​വം.

കാ​​പ്പ ലി​​സ്റ്റി​​ല്‍ ഉ​​ള്‍​പ്പെ​​ട്ട ഗു​​ണ്ടാ​ നേ​​താ​​വാ​​യ ത​​മ്മ​​നം ഫൈ​​സ​​ല്‍ ഏ​​താ​​നും വ​​ര്‍​ഷ​​ങ്ങ​​ളാ​​യി അ​​ങ്ക​​മാ​​ലി പു​​ളി​​യ​​ന​​ത്താ​​ണു വാസം. ആ​​ദ്യം വാ​​ട​​ക​​യ്ക്കാ​​ണു താ​​മ​​സി​​ച്ചി​​രു​​ന്ന​തെ​​ങ്കി​​ലും പി​​ന്നീ​​ട് സ്വ​​ന്തം വീ​​ടു​​ വ​​ച്ചു. കു​​ടും​​ബം ഇ​​വി​​ടെ താ​​മ​​സ​മു​​ണ്ടെ​​ങ്കി​​ലും ഇ​​യാ​​ള്‍ ഇ​​ട​​യ്ക്കു മാ​​ത്ര​​മാ​​ണ് ഇ​​വി​​ടേ​ക്കു വ​​രു​​ന്ന​​ത്.

ഗു​ണ്ടാ​ നേ​താ​ക്ക​ളു​ടെ വീ​ട്ടി​ൽ ന​ട​ത്തു​ന്ന "ഓ​പ്പ​റേ​ഷ​ൻ ആ​ഗ് ’ പ​രി​ശോ​ധ​ന​യു​ടെ ഭാ​ഗ​മാ​യി പ​​ല പ്രാവശ്യം ഫൈ​​സ​​ലി​​ന്‍റെ വീ​​ട്ടി​​ല്‍ പോ​​യി​​ട്ടു​ണ്ടെ​​ങ്കി​​ലും ഇ​​യാ​​ള്‍ ഉ​​ണ്ടാ​​യി​​രു​​ന്നി​​ല്ല. ഞാ​​യ​​റാ​​ഴ്ച​​യാ​​യ​​തി​​നാ​​ല്‍ വീ​​ട്ടി​​ല്‍ ഉ​​ണ്ടാ​​കു​​മെ​​ന്ന പ്ര​​തീ​​ക്ഷ​​യി​​ലാ​​ണ് വൈ​​കു​​ന്നേ​​രം ആ​​റ​​ര​​യോ​​ടെ അ​​ങ്ക​​മാ​​ലി എ​​സ്ഐ​യും സം​ഘ​വും ഇ​​യാ​​ളു​​ടെ വീ​​ട്ടി​​ലെ​​ത്തി​​യ​​ത്. വീ​​ട്ടി​​ല്‍ അ​​പ​​രി​​ചി​​ത​​രാ​​യ ഏ​​താ​​നും പേ​​രെ ക​ണ്ട​തോ​ടെ പോ​​ലീ​​സ് ചോ​​ദ്യം ചെ​​യ്ത​പ്പോ​ൾ ആ​​ദ്യം ഫൈ​​സ​​ലി​​ന്‍റെ ജോ​​ലി​​ക്കാ​​രാ​​ണെ​​ന്നാ​​ണു പ​​റ​​ഞ്ഞ​​ത്.

പി​​ന്നീ​​ട് സ്റ്റേ​​ഷ​​നി​​ലേ​​ക്ക് കൊ​​ണ്ടു​​വ​​ന്ന് വി​​ശ​​ദ​​മാ​​യി ചോ​​ദ്യം ചെ​​യ്ത​​പ്പോ​​ഴാ​​ണ് മൂ​​ന്നു​പേ​​ര്‍ പോ​​ലീ​​സു​​കാ​​രാ​​ണെ​​ന്നു മ​​ന​​സി​​ലാ​​യ​​ത്. ഇ​​വ​​രി​​ല്‍നി​​ന്നാ​​ണ് ക്രൈം​ ​ഡി​റ്റാ​ച്ച്മെ​ന്‍റ് ഡി​​വൈ​​എ​​സ്പി​ സാ​ബു​വും വീ​​ട്ടി​​ല്‍ ഉ​​ണ്ടാ​​യി​​രു​​ന്നെ​​ന്ന വി​​വ​​രം ല​ഭി​ച്ച​​ത്. പോ​​ലീ​​സി​​നെ ക​​ണ്ട് ഡി​​വൈ​​എ​​സ്പി ശു​​ചി​​മു​​റി​​യി​​ല്‍ ക​​യ​​റി ഒ​​ളി​​ച്ചതായി പ​​റ​​യു​​ന്നു.

പോ​​ലീ​​സു​​കാ​​രു​​ടെ പേ​​രു​​വി​​വ​ര​​ങ്ങ​​ള്‍ രേ​​ഖ​​പ്പെ​​ടു​​ത്തി​​യ​ശേ​​ഷം വി​​ട്ട​​യ​​ച്ചു. ഡി​​വൈ​​എ​​സ്പി​​യും മ​​റ്റു മൂ​​ന്നു പോ​​ലീ​​സു​​കാ​​രും മ​​സി​​ന​​ഗു​​ഡി​​യി​​ല്‍ പോ​​യി മ​​ട​​ങ്ങും​വ​​ഴി മു​​ന്‍ പ​​രി​​ച​​യ​​ത്തി​​ന്‍റെ പേ​​രി​​ല്‍ ഫൈ​​സ​​ലി​​ന്‍റെ വീ​​ട്ടി​​ല്‍ ക​യ​റു​ക​​യാ​​യി​​രു​​ന്നു​വെ​ന്നാ​ണു വി​​വ​​രം.

ഡി​​വൈ​​എ​​സ്പി​​യു​​ടെ വി​​രു​​ന്നു​​ണ്ണ​​ലി​​ല്‍ ആ​​ഭ്യ​​ന്ത​​ര അ​​ന്വേ​​ഷ​​ണം ആ​​രം​​ഭി​​ച്ചി​​ട്ടു​​ണ്ട്. കൂ​ടെ​യു​ണ്ടാ​യി​രു​ന്ന ആ​​ല​​പ്പു​​ഴ പോ​​ലീ​​സ് ക്യാ​ന്പി​ലെ ഡ്രൈ​​വ​​ര്‍, സി​​പി​​ഒ, വി​ജി​ല​ൻ​സ് ഉ​ദ്യോ​ഗ​സ്ഥ​ൻ എ​​ന്നി​​വ​​രെ സ​സ്പെ​ൻ​ഡ് ചെ​യ്തു. ഈ ​മാ​സം 31ന് ​​വി​​ര​​മി​​ക്കാ​​നി​​രി​​ക്കെ​​യാ​​ണ് ഡി​​വൈ​​എ​​സ്പി സാ​​ബു ഗു​​ണ്ടാ ​​നേ​​താ​​വി​​ന്‍റെ വി​​രു​​ന്നി​​നു പോ​​യി കു​​ടു​​ങ്ങി​​യ​​ത്.

അ​തേ​സ​മ​യം, പ​​ര​​സ്പ​​രം പ​​ഴി​​ചാ​​രി വി​​ഷ​​യ​​ത്തി​​ല്‍നി​ന്ന് ഊ​​രി​​പ്പോ​​രാ​​നു​​ള്ള ശ്ര​​മ​​ത്തി​​ലാ​​ണ് ഡി​​വൈ​​എ​​സ്പി​​യും പോ​​ലീ​​സു​​കാ​​രും. സി​​നി​​മാ​​ന​​ട​​നെ പ​​രി​​ച​​യ​​പ്പെ​​ടു​​ത്താ​​മെ​​ന്നു പ​​റ​​ഞ്ഞാ​​ണ് വി​​രു​​ന്നി​​നു കൊ​​ണ്ടു​​പോ​​യ​​തെ​​ന്നാ​​ണ് പോ​ലീ​സു​കാ​ർ പ​റ​യു​ന്ന​ത്. എ​​ന്നാ​​ല്‍ പോ​​ലീ​​സു​​കാ​​രാ​​ണ് ത​​ന്നെ ഗു​​ണ്ടാ​​ നേ​​താ​​വി​​ന്‍റെ വീ​​ട്ടി​​ല്‍ കൊ​​ണ്ടു​​പോ​​യെന്നാണ് ഡി​​വൈ​​എ​​സ്പി എം.​​ജി. സാ​​ബുവിന്‍റെ മൊഴി.

ക​​രാ​​ട്ടെ പ​​ഠി​​പ്പി​​ക്കു​​ന്ന ത​​മ്മ​​നം ഫൈ​​സ​​ല്‍ കൊ​​ച്ചി​​യി​​ലെ കു​​പ്ര​​സി​​ദ്ധ ഗു​​ണ്ടാ​​ത്ത​​ല​​വ​​ന്‍ ത​​മ്മ​​നം ഷാ​​ജി​​യു​​ടെ എ​​തി​​രാ​​ളി​​യാ​​യാ​​ണ് വ​​ള​​ര്‍ന്നു​​വ​​ന്ന​​ത്. ത​​മ്മ​​നം ഫൈ​​സ​​ല്‍ നി​​ര​​വ​​ധി കു​​റ്റ​​കൃ​​ത്യ​​ങ്ങ​​ളി​​ല്‍ പ​​ങ്കാ​​ളി​​യും ഗു​​ണ്ടാ​​ലി​​സ്റ്റി​​ല്‍ പേ​​രു​​ള്ള​​യാ​​ളു​​മാ​​ണ്.

ഡിവൈഎസ്പിയെ സസ്പെൻഡ് ചെയ്യാൻ ഡിജിപിക്കു ശിപാർശ

തിരുവനന്തപുരം: ഗു​ണ്ടാ​നേ​താ​വി​ന്‍റെ അ​ത്താ​ഴ​വി​രു​ന്നി​ൽ പ​ങ്കെ​ടു​ത്ത ആ​ല​പ്പു​ഴ ക്രൈം ​ഡി​റ്റാ​ച്ച്മെ​ന്‍റ് ഡി​വൈ​എ​സ്പി എം.​ജി.​സാ​ബു​വി​നെ സ​സ്പെ​ൻ​ഡ് ചെ​യ്യാ​ൻ മു​ഖ്യ​മ​ന്ത്രി ഡി​ജി​പി​യോ​ടു നി​ർ​ദേ​ശി​ച്ചു.

സ​ർ​വീ​സി​ൽ​നി​ന്നു വി​ര​മി​ക്കാ​ൻ നാ​ലു ദി​വ​സം മാ​ത്രം ബാ​ക്കി​നി​ൽ​ക്കെ​യാ​ണ് അ​ദ്ദേ​ഹ​ത്തി​നെ​തി​രേ അ​ച്ച​ട​ക്ക​ന​ട​പ​ടി വ​രു​ന്ന​ത്. സ​സ്പെ​ൻ​ഷ​ൻ ഉ​ത്ത​ര​വ് ഇ​ന്ന് ഉ​ണ്ടാ​യേ​ക്കു​മെ​ന്നാ​ണ് സൂ​ച​ന.

ആ​രോ​പ​ണ​ത്തി​ൽ സാ​ബു​വി​നെ​തി​രേ ആ​ഭ്യ​ന്ത​ര അ​ന്വേ​ഷ​ണ​ത്തി​ന് മ​ധ്യ​മേ​ഖ​ല ഡി​ഐ​ജി നി​ർ​ദേ​ശം ന​ൽ​കി​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.