സാങ്കേതിക കാരണത്താൽ ഏതെങ്കിലും കേന്ദ്രത്തിൽ പരീക്ഷ തുടങ്ങാൻ വൈകിയാൽ പരീക്ഷാസമയം അതനുസരിച്ച് പുനഃക്രമീകരിക്കും.
മഴയുടെ പ്രത്യേക സാഹചര്യം കണക്കിലെടുത്ത് എല്ലാ പരീക്ഷാകേന്ദ്രങ്ങളിലും യുപിഎസ് ബാക്ക്-അപ്പും ജനറേറ്ററും സജ്ജീകരിച്ചതായി ഉന്നത വിദ്യാഭ്യാസ മന്ത്രി ഡോ. ആർ. ബിന്ദു അറിയിച്ചു.
ഓണ്ലൈൻ പ്രവേശന പരീക്ഷ: വിദ്യാർഥികൾ ശ്രദ്ധിക്കേണ്ട കാര്യങ്ങൾ ■ രാവിലെ 7:30ന് പരീക്ഷാർഥികൾ പരീക്ഷാകേന്ദ്രങ്ങളിൽ റിപ്പോർട്ട് ചെയ്ത് ബയോമെട്രിക് വിവരങ്ങൾ നൽകണം.
■ 9:30നു ശേഷം പരീക്ഷാകേന്ദ്രത്തിൽ പ്രവേശനം അനുവദിക്കുന്നതല്ല
■ രാവിലെ 9.45ന് വിദ്യാർഥികളുടെ ലോഗിൻ വിൻഡോയിൽ 15 മിനിറ്റുള്ള മോക്ക് ടെസ്റ്റ് തുടങ്ങും; ടൈമർ സീറോയിൽ എത്തുന്പോൾ പരീക്ഷ ആരംഭിക്കും
■ ബിഫാം പ്രവേശനത്തിനുള്ള വിദ്യാർഥികൾ ഉച്ചയ്ക്ക് ഒന്നിന് റിപ്പോർട്ട് ചെയ്യണം
■ പരീക്ഷയ്ക്കായുള്ള അഡ്മിറ്റ് കാർഡ് കാൻഡിഡേറ്റ് പോർട്ടലിൽ ലഭ്യമാക്കിയിട്ടുണ്ട്
■ വിദ്യാർഥികൾ അഡ്മിറ്റ് കാർഡിനോടൊപ്പം അഡ്മിറ്റ് കാർഡിൽ പരാമർശിച്ചിരിക്കുന്ന ഏതെങ്കിലും തിരിച്ചറിയൽ രേഖകൂടി നിർബന്ധമായും ഹാജരാക്കണം.
കീം 2024: അഡ്മിറ്റ് കാർഡുകൾ ഡൗൺലോഡ് ചെയ്യാം തിരുവനന്തപുരം: 2024 ജൂൺ അഞ്ചു മുതൽ ഒന്പതു വരെ കേരളത്തിലെ വിവിധ കേന്ദ്രങ്ങളിലും മുംബൈ, ന്യൂഡൽഹി, ദുബായ് എന്നിവിടങ്ങളിലും നടത്തുന്ന കേരള എൻജിനിയറിംഗ്/ഫാർമസി കംപ്യൂട്ടർ അധിഷ്ഠിത പ്രവേശന പരീക്ഷയ്ക്ക് ഓൺലൈനായി അപേക്ഷ സമർപ്പിച്ച വിദ്യാർഥികൾക്കുള്ള അഡ്മിറ്റ് കാർഡുകൾ www. cee.kerala. gov.in എന്ന വെബ്സൈറ്റിലെ ‘KEAM 2024-Candid ate Portal’ എന്ന ലിങ്ക് വഴി ഡൗൺലോഡ് ചെയ്യാം. ഹെൽപ് ലൈൻ: 0471-2525300.