മണിപ്പുർ: സർവകക്ഷിയോഗം വിളിക്കണമെന്ന് ജോസ്.കെ. മാണി
Wednesday, June 12, 2024 12:19 AM IST
കോട്ടയം: മണിപ്പുർ വിഷയം വിശദമായി ചർച്ച ചെയ്യുന്നതിന് സർവ്വകക്ഷിയോഗം വിളിച്ചു ചേർക്കണമെന്ന് കേരള കോൺഗ്രസ്-എം ചെയർമാൻ ജോസ് കെ. മാണി പ്രധാനമന്ത്രിക്ക് അയച്ച കത്തിൽ ആവശ്യപ്പെട്ടു.
മണിപ്പുർ വിഷയത്തിൽ വേഗം പരിഹാരം കാണണമെന്ന് ആർഎസ്എസ് മേധാവി മോഹൻ ഭാഗവതിനുപോലും അഭിപ്രായപ്പെടേണ്ടി വന്നെന്നും, ക്രൈസ്തവ വിഭാഗത്തെ ലക്ഷ്യം വച്ചുള്ള ആക്രമണങ്ങൾ മണിപ്പുരിൽ മാസങ്ങളായി തുടരുകയാണെന്നും അദ്ദേഹം കൂട്ടിചേർത്തു.
പരിഹാരം കാണുവാൻ സർവകക്ഷിയോഗം ചേരേണ്ടത് അനിവാര്യമാണെന്നും ജോസ് കെ മാണി ചൂണ്ടിക്കാട്ടി.