കർഷകത്തൊഴിലാളി ക്ഷേമനിധി ; സാന്പത്തികസ്ഥിതി മെച്ചപ്പെടുന്ന മുറയ്ക്കുമാത്രം ആനുകൂല്യം
Wednesday, June 12, 2024 1:27 AM IST
തിരുവനന്തപുരം: കേരള കർഷകത്തൊഴിലാളി ക്ഷേമനിധി ബോർഡിന്റെ സാന്പത്തികശേഷി മെച്ചപ്പെടുന്ന മുറയ്ക്ക് മാത്രമാകും തൊഴിലാളികൾക്കുള്ള അതിവർഷാനുകൂല്യം ഉൾപ്പെടെയുള്ള ആനുകൂല്യങ്ങളുടെ വർധന പരിഗണിക്കുന്നതെന്ന് ധനമന്ത്രി കെ.എൻ. ബാലഗോപാൽ നിയമസഭയിൽ പറഞ്ഞു.
ബോർഡിലെ തൊഴിലാളികളുടെ പെൻഷൻ പൂർണമായി സർക്കാരാണ് നൽകിവരുന്നത്. പ്രതിമാസം 51 കോടി രൂപ ഇതിനു വേണം. അതിവർഷാനുകൂല്യം നൽകാൻ 100 കോടി ബജറ്റിൽ വകയിരുത്തിയിട്ടുണ്ടെന്നും സി.സി. മുകുന്ദന്റെ സബ്മിഷന് മന്ത്രി മറുപടി നൽകി.