ഓണററി ഡോക്ടറേറ്റ് നൽകും
Thursday, June 13, 2024 2:45 AM IST
മുളങ്കുന്നത്തുകാവ്: കേരള ആരോഗ്യ ശാസ്ത്ര സർവകലാശാല മാനവ സേവന രംഗത്തു വ്യക്തിമുദ്ര പതിപ്പിച്ച ഡോ. എം.ആർ. രാജഗോപാൽ, ഡോ. പി. മാധവൻകുട്ടി വാര്യർ, എസ്. സോമനാഥ് എന്നിവരെ ഓണററി ഡോക്ടറേറ്റ് നൽകി ആദരിക്കുമെന്നു വൈസ് ചാൻസലർ ഡോ. മോഹനൻ കുന്നുമ്മൽ പറഞ്ഞു.
ഡോക്ടർ ഓഫ് സയൻസ് (ഡി എസ് സി) നൽകി ആദരിക്കാൻ സർവകലാശാല സെനറ്റ് ഹാളിൽ പ്രത്യേക ബിരുദദാന ചടങ്ങ് നടത്തും.
ഗവർണറും സർവകലാശാല ചാൻസലറുമായ ആരിഫ് മുഹമ്മദ് ഖാൻ ബിരുദദാനം നിർവഹിക്കും. ആദ്യമായാണ് മലയാളികൾക്ക് സർവകലാശാല ഓണററി ഡോക്ടറേറ്റ് നൽകുന്നത്.