സർക്കാരിന്റെ നാലാം നൂറുദിന പരിപാടി ജൂലൈ 15 മുതൽ
Thursday, June 13, 2024 2:45 AM IST
തിരുവനന്തപുരം: സംസ്ഥാന സർക്കാരിന്റെ നാലാം നൂറുദിന പരിപാടി ജൂലൈ 15ന് ആരംഭിച്ച് ഒക്ടോബർ 22ന് അവസാനിക്കുന്ന വിധത്തിൽ നടപ്പാക്കാൻ മന്ത്രിസഭായോഗം തീരുമാനിച്ചു. ഇതുമായി ബന്ധപ്പെട്ട് ഏറ്റെടുക്കുന്ന പദ്ധതികളുടെ പുരോഗതിയുടെ വിശദാംശങ്ങൾ പരിപാടി പൂർത്തിയാകുന്ന മുറയ്ക്ക് വെബ്സൈറ്റിൽ ലഭ്യമാക്കും.
സി. അബ്ദുൾ മുജീബ് ന്യൂനപക്ഷ വികസന ധനകാര്യ കോർപറേഷൻ എംഡിയാകും
കേരള ബാങ്ക് ചീഫ് ജനറൽ മാനേജരായ സി. അബ്ദുൾ മുജീബിനെ സംസ്ഥാന ന്യൂനപക്ഷ വികസന ധനകാര്യ കോർപറേഷനിൽ മാനേജിംഗ് ഡയറക്ടറായി നിയമിക്കാൻ മന്ത്രിസഭാ യോഗം തീരുമാനിച്ചു.
ഹൈക്കോടതിയിലെ സ്പെഷൽ ഗവണ്മെന്റ് പ്ലീഡർ പി. നാരായണനെ അഡീഷണൽ പബ്ലിക്ക് പ്രോസിക്യൂട്ടറായി മൂന്ന് വർഷ കാലയളവിൽ നിയമിക്കാനും തീരുമാനമായി.