മന്ത്രി കെ. രാധാകൃഷ്ണന് നിയമസഭാംഗത്വം രാജിവച്ചു
Thursday, June 13, 2024 2:46 AM IST
തിരുവനന്തപുരം: ദേവസ്വം, പട്ടികജാതി പട്ടികവര്ഗ വകുപ്പ് മന്ത്രി കെ. രാധാകൃഷ്ണന് നിയമസഭാംഗത്വം രാജിവച്ചു. ചേലക്കര എംഎല്എ ആയിരുന്ന രാധാകൃഷ്ണന് ആലത്തൂരില്നിന്നു ലോക്സഭയിലേക്ക് വിജയിച്ചതോടെയാണ് സ്പീക്കര്ക്ക് രാജിക്കത്ത് നല്കിയത്.
കേരളാ നിയമസഭയില് ഇ.കെ. നായനാര് ഉള്പ്പെടെയുള്ള മുഖ്യമന്ത്രിമാരോടൊപ്പം പ്രവര്ത്തിക്കാന് ലഭിച്ച അനുഭവങ്ങള് ലോക്സഭയില് തന്റെ പ്രവര്ത്തനങ്ങള്ക്ക് തുണയാകുമെന്നും കേരളത്തിന്റെ അവകാശങ്ങള് നേടിയെടുക്കാന് താന് പരമാവധി ശ്രമിക്കുമെന്നും രാധാകൃഷ്ണന് നിയമസഭയില് വിടവാങ്ങള് പ്രസംഗത്തില് പറഞ്ഞു.