എസിഇടി മൈഗ്രേഷന്‍ ഓസ്ട്രേലിയ കാന്പയിൻ തുടങ്ങി
Thursday, June 13, 2024 2:46 AM IST
കൊച്ചി: ഓസ്ട്രേലിയയിലേക്കു സ്ഥിരതാമസത്തിനും വിദ്യാഭ്യാസത്തിനും ശ്രമിക്കുന്നവര്‍ക്കു നിയമസഹായങ്ങളും മാര്‍ഗനിര്‍ദേശങ്ങളും നല്‍കുന്ന സൗജന്യ ബോധവത്കരണ കാമ്പയിൻ തുടങ്ങി.
ഓസ്ട്രേലിയയില്‍ ആസ്ഥാനമായ എസിഇടി മൈഗ്രേഷന്‍ ഓസ്ട്രേലിയയാണ് കാന്പയിൻ നടത്തുന്നത്. ഓസ്ട്രേലിയയിലെ മെല്‍ബണ്‍, ബ്രിസ്ബേന്‍, പെര്‍ത്ത്, ഡാര്‍വിന്‍ എന്നിവിടങ്ങളിലും ദുബായിലും തിരുവനന്തപുരത്തും കൊച്ചിയിലും എസിഇടി മൈഗ്രേഷന്‍ ഓസ്ട്രേലിയയുടെ സേവനം ലഭിക്കും.
മൈഗ്രേഷന്‍ ഏജന്‍റ്സ് രജിസ്ട്രേഷന്‍ അഥോറിറ്റിയുടെ രജിസ്ട്രേഷനുള്ള പ്രമുഖ സ്ഥാപനമാണ് എസിഇടി മൈഗ്രേഷന്‍ ഓസ്ട്രേലിയ.
ഓസ്ട്രേലിയന്‍ ഇമിഗ്രേഷന്‍ നിയമം അനുസരിച്ചു പ്രാക്ടീസ് ചെയ്യാന്‍ അനുവാദമുള്ള അഞ്ചു മൈഗ്രേഷന്‍ കണ്‍സൾട്ടന്‍റുമാര്‍ എസിഇടി മൈഗ്രേഷന്‍ ഓസ്ട്രേലിയയുടെ ഭാഗമാണ്. ഓസ്ട്രേലിയന്‍ സര്‍ക്കാരിന്‍റെ അംഗീകാരമുള്ള എന്‍ജിഒ ആയ ഇഗ്നൈറ്റ് പൊട്ടന്‍ഷ്യല്‍ ഇന്‍ കോര്‍പറേറ്റുമായി ചേര്‍ന്നാണ് എസിഇടി മൈഗ്രേഷന്‍ ഓസ്ട്രേലിയ സൗജന്യ ക്ലാസുകള്‍ സംഘടിപ്പിക്കുന്നതെന്നു സഹസ്ഥാപകനും പ്രിന്‍സിപ്പല്‍ മൈഗ്രേഷന്‍ കണ്‍സള്‍ട്ടന്‍റുമായ മാത്യൂസ് ഡേവിഡ്, കരിയര്‍ കൊച്ചും സഹ സ്ഥാപകനുമായ സുലാല്‍ മത്തായി എന്നിവർ പറഞ്ഞു.
കുടിയേറ്റത്തെക്കുറിച്ചുള്ള പരിപൂര്‍ണ അറിവ് നല്‍കുന്നതിനൊപ്പം, ഇതുമായി ബന്ധപ്പെട്ട വഞ്ചനകളും തട്ടിപ്പുകളും ഇല്ലാതാക്കാനുള്ള ശ്രമവുമെന്ന നിലയിലാണു ബോധവത്കരണ പരിപാടി സംഘടിപ്പിക്കുന്നതെന്നും അവർ പറഞ്ഞു. കൊച്ചിയിലെ ക്ലാസുകള്‍ 15ന് ഹോട്ടല്‍ ബ്രോഡ് ബീനില്‍ നടക്കും. ഫോൺ: 7592992991.