നാലാം ലോക കേരള സഭ നാളെയും മറ്റന്നാളും
Thursday, June 13, 2024 2:48 AM IST
തിരുവനന്തപുരം: നിയമസഭാമന്ദിരത്തിലെ ആർ. ശങ്കരനാരായണൻ തന്പി ഹാളിൽ നാളെയും മറ്റന്നാളുമായി നാലാമത് ലോക കേരള സഭ ചേരും. 103 രാജ്യങ്ങളിൽനിന്നും 25 ഇന്ത്യൻ സംസ്ഥാനങ്ങളിൽനിന്നും പ്രവാസി കേരളീയ പ്രതിനിധികൾ പങ്കെടുക്കും.
ഇരുനൂറിലധികം പ്രത്യേക ക്ഷണിതാക്കളും ഇത്തവണ സഭയിൽ പങ്കെടുക്കുന്നുണ്ട്. പാർലമെന്റ്, നിയമസഭാംഗങ്ങളും നാലാം ലോക കേരളസഭയുടെ ഭാഗമാണ്.