സേ പരീക്ഷാഫലം പ്രസിദ്ധീകരിച്ചു ; എസ്എസ്എൽസി വിജയശതമാനം 99.96
Friday, June 21, 2024 3:20 AM IST
തിരുവനന്തപുരം: 2024 വർഷത്തെ എസ്എസ്എൽസി സേ പരീക്ഷാഫലം പ്രസിദ്ധീകരിച്ചു. എസ്എസ്എൽസി സേ പരീക്ഷ എഴുതിയ 1066 വിദ്യാർഥികളുടെയും ടിഎച്ച്എസ്എൽസി സേ പരീക്ഷ എഴുതിയ നാലുപേരുടെയും പരീക്ഷാഫലം ആണ് പ്രസിദ്ധീകരിച്ചിട്ടുള്ളത്.
എസ്എസ്എൽസി സേ പരീക്ഷയുടെ വിജയ ശതമാനം 98.97 ഉം ടിഎച്ച്എസ്എൽസി സേ പരീക്ഷയുടെ വിജയശതമാനം 100 ഉം ആണ്. സേ പരീക്ഷയുടെ റിസൾട്ട് കൂടി പരിഗണിക്കുമ്പോൾ 99.96 ആണ് ഈ വർഷത്തെ വിജയശതമാനം.
ആകെ പരീക്ഷ എഴുതിയ 427153 വിദ്യാർഥികളിൽ 426725 പേർ ഉന്നതപഠനത്തിന് അർഹത നേടിയിട്ടുണ്ട്. പരീക്ഷാ റിസൾട്ട് പരീക്ഷാഭവന്റെ ഔദ്യോഗിക വെബ്സൈറ്റിൽ (https://sslcexam.kerala.gov.in) ലഭ്യമാണ്.