ശ്രീജ ആറങ്ങോട്ടുകരയ്ക്ക് അവാർഡ്
Friday, June 21, 2024 3:20 AM IST
തൃശൂർ: ചിറയിൻകീഴ് ഡോ.ജി. ഗംഗാധരൻനായർ സ്മാരകസമിതിയുടെ ഈ വർഷത്തെ പുരസ്കാരം നാടകനടിയും സംവിധായികയുമായ ശ്രീജ ആറങ്ങോട്ടുകരയ്ക്ക്. 10,001 രൂപയും ശില്പവും ഫലകവും അടങ്ങുന്നതാണ് അവാർഡ്.
പ്രഫ.പി.എൻ. പ്രകാശ്, ആർ. ഗോപാലകൃഷ്ണൻ, കാഞ്ചന ജി. നായർ എന്നിവരടങ്ങിയ സമിതിയാണ് നാടകരംഗത്തെ സമഗ്ര സംഭാവനകൾ പരിഗണിച്ച് ജേതാവിനെ തെരഞ്ഞെടുത്തത്.
ജൂലൈ ഒന്നിനു വൈകുന്നേരം അഞ്ചിനു തൃശൂർ സാഹിത്യ അക്കാദമി ഹാളിൽ നടക്കുന്ന സാംസ്കാരികസമ്മേളനത്തിൽ കലാപ്രവർത്തകയും എഴുത്തുകാരിയുമായ പെപിത സേത്ത് പുരസ്കാരം സമർപ്പിക്കും.
കേരള സംഗീതനാടക അക്കാദമി സെക്രട്ടറി കരിവെള്ളൂർ മുരളി ഉദ്ഘാടനം ചെയ്യും. പത്രസമ്മേളനത്തിൽ കാഞ്ചന ജി. നായർ, പി.എൻ. പ്രകാശ്, ഡോ. കെ.യു. കൃഷ്ണകുമാർ എന്നിവർ പങ്കെടുത്തു.