നിമിഷപ്രിയയുടെ മോചനം;40,000 ഡോളര് കൈമാറാന് അനുമതി
Friday, June 21, 2024 3:20 AM IST
കൊച്ചി: യെമനില് വധശിക്ഷയ്ക്കു വിധിക്കപ്പെട്ട് ജയിലില് കഴിയുന്ന പാലക്കാട് കൊല്ലങ്കോട് സ്വദേശിനി നിമിഷപ്രിയയുടെ മോചനത്തിനായുള്ള പ്രാരംഭ ചര്ച്ചകള്ക്ക് ഇന്ത്യന് എംബസി വഴി പണം കൈമാറാന് കേന്ദ്രസര്ക്കാര് അനുമതി.
നിമിഷപ്രിയയുടെ അമ്മ പ്രേമകുമാരിയാണ് പണം കൈമാറാന് അനുമതി തേടി കേന്ദ്രത്തെ സമീപിച്ചിരുന്നത്.
മോചനത്തിനുവേണ്ടിയുള്ള പ്രാരംഭചര്ച്ച തുടങ്ങണമെങ്കില് 40,000 യുഎസ് ഡോളര് ആദ്യം കൈമാറണമെന്നും അത് എംബസി വഴി ലഭിക്കാന് അനുമതി നല്കണമെന്നുമായിരുന്നു പ്രേമകുമാരി ആവശ്യപ്പെട്ടത്.
എംബസിയുടെ അക്കൗണ്ടില് പണമെത്തിയാല്, സനയില് പ്രേമകുമാരി നിര്ദേശിക്കുന്നവര്ക്ക് കൈമാറാനുള്ള നടപടികള് പൂര്ത്തിയാക്കാനും കേന്ദ്രം അനുമതി നല്കി.