യുവാവ് കാൽവഴുതി കൈത്തോട്ടിൽ വീണ് മരിച്ചു
Thursday, July 18, 2024 3:25 AM IST
അടിമാലി: മാങ്കുളം താളുങ്കണ്ടം കുടിയിൽ കൈത്തോട്ടിൽ കാൽവഴുതി വീണു യുവാവ് മരിച്ചു. താളുങ്കണ്ടം കുടിയിലെ ഊരുമൂപ്പൻ സുരേഷ് മണിയുടെ മകൻ സുനീഷ് സുരേഷാ (21) ണ് മരിച്ചത്.
ചൊവ്വാഴ്ച രാത്രിയിൽ താളുങ്കണ്ടം കുടിയിലെ ബന്ധുവീട്ടിൽനിന്ന് സുനീഷ് പുതുക്കുടിയിലെ വീട്ടിലേക്കു പോയി. വഴിമധ്യേയുള്ള കൈത്തോട് മുറിച്ചുകടക്കുന്നതിനിടെയാണ് അപകടം സംഭവിച്ചത്. ഇവിടെ കാൽ വഴുതി യുവാവ് അപകടത്തിൽപ്പെടുകയായിരുന്നു.
കനത്ത മഴയിൽ കൈത്തോട്ടിൽ ശക്തമായ വെള്ളമൊഴുക്കുണ്ടായിരുന്നു. പിന്നീട് സുനീഷിനെ അന്വേഷിച്ചെത്തിയവരാണ് കൈത്തോട്ടിൽനിന്നും യുവാവിനെ കണ്ടെത്തിയത്. മൃതദേഹം തുടർ നടപടികൾക്കായി അടിമാലി താലൂക്കാശുപത്രി മോർച്ചറിയിലേക്ക് മാറ്റി. മാതാവ്: ഓമന സുരേഷ്, സഹോദരൻ: സനീഷ്.