കർഷകർക്ക് ജീവിതമാർഗം നിലനിർത്തിയും ജനങ്ങൾക്ക് ഭക്ഷ്യധാന്യങ്ങൾ എത്തിക്കാൻ കഴിയുന്ന തരത്തിലും അതിലുപരിയായി മണ്ണിനെ സംരക്ഷിച്ചുമുള്ള കാർഷിക വൃത്തികൾ വികസിപ്പിക്കുന്നതിനാണ് ചർച്ചയിൽ പ്രാധാന്യം നൽകുക.
ഉരുൾപൊട്ടൽ ദുരന്തമുണ്ടായ മുണ്ടക്കൈ, ചൂരൽമല മേഖലകളിൽ തേയിലയും കുരുമുളകുമായിരുന്നു പ്രധാന കൃഷി. ഉരുൾപൊട്ടലിൽ ഇവ ഒന്നൊഴിയാതെ നഷ്ടമായി. ഇതാണ് കാർഷിക മേഖലയിൽ മാറ്റം വരുത്തുന്നതിനെക്കുറിച്ച് ആലോചിക്കാൻ സർക്കാരിനെ പ്രേരിപ്പിച്ചത്.