എംപ്ലോയ്മെന്റ് ലിങ്ക്ഡ് ഇന്സെന്റീവ്
Wednesday, December 11, 2024 1:22 AM IST
കോട്ടയം: എംപ്ലോയ്മെന്റ് ലിങ്ക്ഡ് ഇന്സെന്റീവ് (ഇഎല്ഐ) പദ്ധതി അനുസരിച്ചുള്ള ആനുകൂല്യങ്ങള് ലഭിക്കുന്നതിന് യൂണിവേഴ്സല് അക്കൗണ്ട് നമ്പര് ആക്ടിവേഷന്, ബാങ്ക് അക്കൗണ്ടിനെ ആധാറുമായി ബന്ധിപ്പിക്കല് എന്നിവയുടെ സമയപരിധി എംപ്ലോയിസ് പ്രൊവിഡന്റ് ഫണ്ട് ഓര്ഗനൈസേഷന് നീട്ടി.
ഈമാസം 15 വരെയാണു പുതിയ സമയപരിധി. നേരത്തെ ഇത് കഴിഞ്ഞ 30 ആയിരുന്നു. തൊഴിലുടമകള്ക്കായി യുഎഎന് ആക്ടിവേഷന് തീയതിയും ബാങ്ക് അക്കൗണ്ടിന്റെ ആധാര് സീഡിംഗും 15 വരെ നീട്ടി.
എംപ്ലോയ്മെന്റ് ലിങ്ക്ഡ് ഇന്സെന്റീവ് സ്കീമിന്റെ പ്രയോജനം ലഭിക്കുന്നതിന് നടപ്പ് സാമ്പത്തിക വര്ഷം പുതുതായി ജോലിയില് ചേര്ന്ന എല്ലാ ജീവനക്കാരും ഇത് ചെയ്തുവെന്ന് ഉറപ്പാക്കണമെന്ന് ഇപിഎഫ്ഒ പറയുന്നു. സംഘടിത മേഖലയിലെ തൊഴില് വര്ധിപ്പിക്കാനാണ് ഇഎല്ഐ പദ്ധതി ലക്ഷ്യമിടുന്നത്.