പാക് ബാലന്‍റെ മൃതദേഹം വീണ്ടെടുത്തു കൈമാറി ഇന്ത്യൻ സൈന്യം
Saturday, July 13, 2019 12:52 AM IST
ശ്രീ​ന​ഗ​ർ: ഇ​ന്ത്യ-​പാ​ക് അ​തി​ർ​ത്തി​യി​ൽ സം​ഘ​ർ​ഷ​ത്തി​ന്‍റെ വാ​ർ​ത്ത​ക​ൾ‌​ക്കി​ടെ മ​നു​ഷ്യ​ത്വ​ത്തി​ന്‍റെ വേ​റി​ട്ടൊ​രു സം​ഭ​വം ശ്ര​ദ്ധേ​യ​മാ​യി. പാ​ക് അ​ധീ​ന കാ​ഷ്മീ​രി​ലെ ഗ്രാ​മ​ത്തി​ൽ​നി​ന്ന് ഇ​ന്ത്യ​ൻ ഭാ​ഗ​ത്തേ​ക്ക് ഒ​ഴു​കി​വ​ന്ന ഏ​ഴു​വ​യ​സു​കാ​ര​ന്‍റെ മൃ​ത​ദേ​ഹം പാ​ക് അ​ധി​കൃ​ത​ർ​ക്കു കൈ​മാ​റിയാണ് ഇ​ന്ത്യ​ൻ സൈ​ന്യം മ​നു​ഷ്യത്വ​ത്തി​ന്‍റെ പു​തി​യ അ​ധ്യാ​യം ര​ചി​ച്ച​ത്. മൈ​ൻ​ഭീ​ഷ​ണി വ​ക​വ​യ്ക്കാ​തെ​യാ​യി​രു​ന്നു ഇ​ന്ത്യ​ൻ സൈ​ന്യ​ത്തി​ന്‍റെ പ്ര​വ​ർ​ത്ത​നം.

മി​നി​മാ​ർ​ദ് അ​സ്തൂ​ർ ഗ്രാ​മ​ക്കാ​ര​നാ​യ ആ​ബി​ദ് ഷേ​ക്ക് എ​ന്ന ബാ​ല​നെ മൂ​ന്നു ദി​വ​സം മു​ന്പാ​ണ് കൃ​ഷ്ണ​ഗം​ഗ ന​ദി​യി​ൽ വീ​ണു കാ​ണാ​താ​യ​ത്. കു​ട്ടി​യു​ടെ മൃ​ത​ദേ​ഹം പാ​ക് നി​യ​ന്ത്രി​ത മേ​ഖ​ല​യി​ൽ​നി​ന്ന് ഒ​ഴു​കി ഇ​ന്ത്യ​യു​ടെ ഭാ​ഗ​ത്തെ​ത്തി. അ​ച്ചൂ​ര​യി​ലെ ഗ്രാ​മീ​ണ​ർ ഇ​ക്കാ​ര്യം അ​ധി​കൃ​ത​രെ അ​റി​യി​ച്ചു. മൃ​ത​ദേ​ഹം കാ​ണാ​താ​യ ആ​ബി​ദി​ന്‍റേ​താ​ണെ​ന്നു സ്ഥി​രീ​ക​രി​ച്ച​തോ​ടെ ബ​ന്ദി​പ്പോ​റ ഡെ​പ്യൂ​ട്ടി ക​മ്മീ​ഷ​ണ​ർ ഷ​ബാ​സ് മി​ശ്ര ഇ​ന്ത്യ​ൻ സൈ​ന്യ​ത്തെ വി​വ​ര​മ​റി​യി​ച്ചു.


കു​ട്ടി​യു​ടെ മൃ​ത​ദേ​ഹം ക​ണ്ടെ​ത്തി​യ വി​വ​രം പാ​ക്കി​സ്ഥാ​ൻ സൈ​ന്യ​ത്തെ അ​റി​യി​ച്ച​പ്പോ​ൾ കു​പ്‌​വാ​ര​യി​ലെ തീ​ത്വാ​ൾ ക്രോ​സി​ൽ​വ​ച്ച് കൈ​മാ​റ്റം ന​ട​ക്ക​ണ​മെ​ന്നാ​യി​രു​ന്നു പാ​ക്കി​സ്ഥാ​ൻ ആ​വ​ശ്യ​പ്പെ​ട്ട​ത്. എ​ന്നാ​ൽ, അ​ച്ചൂ​ര​യി​ൽ​നി​ന്നു തീ​ത്വാ​ളി​ലേ​ക്ക് 200 കി​ലോ​മീ​റ്റ​ർ ദൂ​ര​മു​ണ്ട്. അ​തി​നാ​ൽ ഗു​രേ​സ് വാ​ലി​യി​ൽ​വ​ച്ച് മൃ​ത​ദേ​ഹം കൈ​മാ​റാ​മെ​ന്ന് ഇ​ന്ത്യ​ൻ സൈ​ന്യം അ​റി​യി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.