National News
അയോധ്യക്കേസ്: 40 ദിവസത്തെ വാദം പൂർത്തിയായി, വിധി വൈകില്ല
Thursday, October 17, 2019 1:42 AM IST
ന്യൂ​ഡ​ൽ​ഹി: അ​യോ​ധ്യ ഭൂ​മി ത​ർ​ക്ക കേ​സ് 40 ദി​വ​സം തു​ട​ർ​ച്ച​യാ​യി ന​ട​ന്ന വാ​ദം കേ​ൾ​ക്ക​ലി​നു​ശേ​ഷം സു​പ്രീം​കോ​ട​തി വി​ധി പ​റ​യാ​നാ​യി മാ​റ്റി. അ​ധി​ക വാ​ദ​മു​ഖ​ങ്ങ​ൾ ഉ​ണ്ടെ​ങ്കി​ൽ എ​ഴു​തി ന​ൽ​കാ​നാ​യി ക​ക്ഷി​ക​ൾ​ക്കു സു​പ്രീം​കോ​ട​തി മൂ​ന്നു ദി​വ​സ​ത്തെ സ​മ​യം ന​ൽ​കി. വാ​ദം കേ​ൾ​ക്കു​ന്ന​തി​ന്‍റെ അ​വ​സാ​ന ദി​വ​സ​മാ​യ ഇ​ന്ന​ലെ സു​പ്രീം​കോ​ട​തി​യി​ൽ അ​ര​ങ്ങേ​റി​യ​ത് നാ​ട​കീ​യ രം​ഗ​ങ്ങ​ൾ. രാ​മ​ജ​ന്മ ഭൂ​മി​യു​ടേ​തെ​ന്ന് അ​വ​കാ​ശ​വാ​ദ​ത്തോ​ടെ ഹി​ന്ദു മ​ഹാ​സ​ഭ​യു​ടെ അ​ഭി​ഭാ​ഷ​ക​ൻ വി​കാ​സ് സിം​ഗ് ന​ൽ​കി​യ ഭൂ​പ​ട​വും അ​യോ​ധ്യ രാ​മ​ന്‍റെ ജ​ന്മ​സ്ഥ​ല​മെ​ന്നു തെ​ളി​യി​ക്കു​ന്ന​തി​ന് രേ​ഖ​യാ​യി ന​ൽ​കി​യ പു​സ്ത​ക​വും സു​ന്നി വ​ഖ​ഫ് ബോ​ർ​ഡി​ന്‍റെ അ​ഭി​ഭാ​ഷ​ക​ൻ രാ​ജീ​വ് ധ​വാ​ൻ വ​ലി​ച്ചു കീ​റി.

ചീ​ഫ് ജ​സ്റ്റീ​സ് ര​ഞ്ജ​ൻ ഗോ​ഗോ​യി, ജ​സ്റ്റീ​സു​മാ​രാ​യ എ​സ്.​എ ബോ​ബ്ഡേ, ഡി.​വൈ. ച​ന്ദ്ര​ചൂ​ഡ്, അ​ശോ​ക് ഭൂ​ഷ​ൻ, അ​ബ്ദു​ൾ നാ​സ​ർ എ​ന്നി​വ​ര​ട​ങ്ങി​യ ബെ​ഞ്ച് വാ​ദം കേ​ൾ​ക്കു​ന്ന അ​വ​സാ​ന ദി​വ​സ​ത്തി​ലാ​ണ് നാ​ട​കീ​യ രം​ഗ​ങ്ങ​ൾ അ​ര​ങ്ങേ​റി​യ​ത്.

വാ​ദം അ​വ​ത​രി​പ്പി​ക്കാ​ൻ കൂ​ടു​ത​ൽ സ​മ​യം വേ​ണ​മെ​ന്നാ​വ​ശ്യ​പ്പെ​ട്ട് ഹി​ന്ദു​മ​ഹാ​സ​ഭ ന​ൽ​കി​യ അ​പേ​ക്ഷ ത​ള്ളി​യ ചീ​ഫ് ജ​സ്റ്റീ​സ് ര​ഞ്ജ​ൻ ഗോ​ഗോ​യി ഇ​തി​നോ​ട​കം ആ​വ​ശ്യ​ത്തി​ല​ധി​ക​മാ​യി, ഇ​നി മ​തി​യാ​യി എ​ന്നു പ്ര​തി​ക​രി​ച്ചു. അ​തി​നി​ടെ അ​യോ​ധ്യ ത​ർ​ക്ക വി​ഷ​യ​ത്തി​ൽ ത​ർ​ക്ക പ​രി​ഹാ​ര​ത്തി​നാ​യി സു​പ്രീം​കോ​ട​തി നി​യോ​ഗി​ച്ച മ​ധ്യ​സ്ഥ​ത സ​മി​തി സു​പ്രീംകോ​ട​തി​യി​ൽ അ​നു​ര​ഞ്ജ​ന രേ​ഖ സീ​ൽ ചെ​യ്ത ക​വ​റി​ൽ സ​മ​ർ​പ്പി​ച്ചു. ഒ​രു വി​ഭാ​ഗം മ​ധ്യ​സ്ഥ​ത​യി​ലൂ​ടെ പ്ര​ശ്ന​പ​രി​ഹാ​രം ഉ​ണ്ടാ​ക്കു​ന്ന​തി​ന് ത​യാ​റ​ല്ലെ​ന്നും സു​പ്രീം​കോ​ട​തി ജ​ഡ്ജി എ​ഫ്.​എം. ഖ​ലീ​ഫു​ള്ള, ജീ​വ​ന​ക​ലാ​ചാ​ര്യ​ൻ ശ്രീ ​ശ്രീ ര​വി​ശ​ങ്ക​ർ, മു​തി​ർ​ന്ന് അ​ഭി​ഭാ​ഷ​ക​ൻ ശ്രീ​രാം പ​ഞ്ചു എ​ന്നി​വ​ര​ട​ങ്ങി​യ മൂ​ന്നം​ഗ മ​ധ്യ​സ്ഥ​ത സ​മി​തി വ്യ​ക്ത​മാ​ക്കി. എ​ന്നാ​ൽ, രേ​ഖ​യു​ടെ വി​ശ​ദാം​ശ​ങ്ങ​ളെ​ക്കു​റി​ച്ച് മ​റ്റു വി​വ​ര​ങ്ങ​ളി​ല്ല. അ​നു​ര​ഞ്ജ​ന രേ​ഖ​യി​ലെ ഉ​ള്ള​ട​ക്കം അ​യോ​ധ്യ കേ​സി​ലെ വി​ധി​യി​ൽ പ്ര​തി​ഫ​ലി​ക്കു​മോ എ​ന്ന കാ​ര്യ​ത്തി​ലും തീ​ർ​ച്ച​യി​ല്ല.

അ​തോ​ടൊ​പ്പം ത​ന്നെ കേ​സി​ൽ വാ​ദം കേ​ൾ​ക്കു​ന്ന അ​വ​സാ​ന ദി​വ​സ​മാ​യ ഇ​ന്ന​ലെ കേ​സി​ൽനി​ന്ന് പി​ൻ​മാ​റ​ണം എ​ന്നാ​വ​ശ്യ​പ്പെ​ട്ട ബി​ജെ​പി​യു​ടെ പി​ന്തു​ണ​യു​ള്ള ഉ​ത്ത​ർ​പ്ര​ദേ​ശ് വ​ഖ​ഫ് ബോ​ർ​ഡ് ചെ​യ​ർ​പേ​ഴ്സ​ൻ സ​ഫ​ർ അ​ഹ​മ്മ​ദ് ഫ​റൂ​ക്കി സു​പ്രീംകോ​ട​തി​യി​ൽ വ്യ​ക്തി​പ​ര​മാ​യി അ​പേ​ക്ഷ ന​ൽ​കി. മ​ധ്യ​സ്ഥ​ത​യ്ക്കാ​യി സു​പ്രീം​കോ​ട​തി നി​യ​മി​ച്ച മൂ​ന്നു പേ​രി​ലൊ​രാ​ളാ​യ ശ്രീ​റാം പ​ഞ്ചു മു​ഖേ​ന​യാ​ണ് അ​പേ​ക്ഷ ന​ൽ​കി​യ​ത്. എ​ന്നാ​ൽ, ചെ​യ​ർ​മാ​ന്‍റെ നീ​ക്ക​ത്തി​ൽ ബോ​ർ​ഡി​ലെ മ​റ്റ് അം​ഗ​ങ്ങ​ൾ​ക്ക് എ​തി​ർ​പ്പു​ണ്ടെ​ന്നാ​ണു വി​വ​രം. മാ​ത്ര​മ​ല്ല, കോ​ട​തി ഇ​ന്ന​ലെ ഈ ​അ​പേ​ക്ഷ പ​രി​ഗ​ണി​ച്ചു​മി​ല്ല. ഇ​ത്ത​ര​ത്തി​ലൊ​രു നീ​ക്ക​ത്തെ​ക്കു​റി​ച്ചു ത​ങ്ങ​ൾ​ക്ക് അ​റി​വി​ല്ലെ​ന്ന് സു​ന്നി വ​ഖ​ഫ് ബോ​ർ​ഡി​ന്‍റെ അ​ഭി​ഭാ​ഷ​ക​രും വ്യ​ക്ത​മാ​ക്കി.

അ​വ​സാ​ന ദി​വ​സം വാ​ദ​ത്തി​നി​ടെ മു​സ്‌ലിം വി​ഭാ​ഗം അ​യോ​ധ്യ​യി​ലെ ത​ർ​ക്ക ഭൂ​മി​യി​ൽ 1989 വ​രെ ഹി​ന്ദു​ക്ക​ൾ അ​വ​കാ​ശം ഉ​ന്ന​യി​ച്ചി​രു​ന്നി​ല്ലെ​ന്ന് ചൂ​ണ്ടി​ക്കാ​ട്ടി. 1992 ഡി​സം​ബ​റി​ൽ ത​ക​ർ​ക്ക​പ്പെ​ട്ട ബാ​ബ​റി മ​സ്ജി​ദ് പു​ന​സ്ഥാ​പി​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. എ​ന്നാ​ൽ, 1850ന് ​മു​ന്പു​വ​രെ സ്ഥ​ല​ത്ത് പ​തി​വാ​യി നി​സ്കാ​രം ന​ട​ന്ന​തി​ന് തെ​ളി​വി​ല്ലെ​ന്നാ​യി​രു​ന്നു എ​തി​ർ ക​ക്ഷി​ക​ളു​ടെ വാ​ദം.


കോ​ട​തി ഇ​ന്ന​ലെ ചേ​ർ​ന്ന​പ്പോ​ൾ ത​ന്നെ കേ​സി​ന്‍റെ വാ​ദം അ​ഞ്ചു മ​ണി​യോ​ടെ പൂ​ർ​ത്തി​യാ​കു​മെ​ന്ന് ചീ​ഫ് ജ​സ്റ്റീ​സ് വ്യ​ക്ത​മാ​ക്കി​യി​രു​ന്നു. തു​ട​ർ​ന്ന് വാ​ദം ന​ട​ക്കു​ന്ന​തി​നി​ടെ ഹി​ന്ദു​മ​ഹാ​സ​ഭ​യു​ടെ അ​ഭി​ഭാ​ഷ​ക​ൻ വി​കാ​സ് സിം​ഗ് ആ​ണ് രാ​മ​ന്‍റെ ജ​ന്മ​സ്ഥ​ല​മെ​ന്ന് തെ​ളി​യി​ക്കു​ന്ന കു​നാ​ൽ കി​ഷോ​റി​ന്‍റെ "അ​യോ​ധ്യ റീ ​വി​സി​റ്റ​ഡ്' എ​ന്ന പു​സ്ത​ക​ത്തെ കു​റി​ച്ചു പ​രാ​മ​ർ​ശി​ച്ച​ത്. ഇ​തി​നെ സു​ന്നി വ​ഖ​ഫ് ബോ​ർ​ഡി​ന് വേ​ണ്ടി ഹാ​ജ​രാ​യ അ​ഭി​ഭാ​ഷ​ക​ൻ രാ​ജീ​വ് ധ​വാ​ൻ ശ​ക്ത​മാ​യി എ​തി​ർ​ത്തു.

അ​വ​ലം​ബ​മാ​യി പു​സ്ത​കം സ​മ​ർ​പ്പി​ക്കു​ന്നി​ല്ലെ​ന്ന് പ​റ​ഞ്ഞ വി​കാ​സ് സിം​ഗ് പു​സ്ത​ക​വും ഭൂ​പ​ട​വും രാ​ജീ​വ് ധ​വാ​നു കൈ​മാ​റി. ത​ന്‍റെ എ​തി​ർ​പ്പി​ൽ ഉ​റ​ച്ചു നി​ന്ന ധ​വാ​ൻ ,ത​നി​ക്കി​ത് കീ​റി​ക്ക​ള​യാ​മോ എ​ന്ന് ചോ​ദി​ച്ചു. സു​പ്രീം​കോ​ട​തി ഈ ​പു​സ്ത​ക​ത്തെ ആ​ധാ​ര​മാ​ക്ക​രു​ത് എ​ന്നാ​യി​രു​ന്നു കീ​റി​ക്ക​ള​യാ​നു​ള്ള അ​നു​മ​തി​ക്കൊ​പ്പം ധ​വാ​ൻ ആ​വ​ശ്യ​പ്പെ​ട്ട​ത്. നി​ങ്ങ​ൾ ഇ​ഷ്ട​മു​ള്ള​ത് പോ​ലെ ചെ​യ്യൂ എ​ന്ന് വ്യ​ക്ത​മാ​ക്കി​യ ചീ​ഫ് ജ​സ്റ്റീ​സ് ര​ഞ്ജ​ൻ ഗോ​ഗോ​യി വേ​ണ​മെ​ങ്കി​ൽ വീ​ണ്ടും അ​ത് കീ​റാ​മെ​ന്നും പ​റ​ഞ്ഞു.

എ​ന്നാ​ൽ, ധ​വാ​ൻ പേ​ജു​ക​ൾ കീ​റി​യ​തോ​ടെ ഇ​രു​പ​ക്ഷ​ത്തു നി​ന്നും സ​മ്മി​ശ്ര പ്ര​തി​ക​ര​ണ​ങ്ങ​ൾ ഉ​യ​ർ​ന്ന് അ​ന്ത​രീ​ക്ഷം ശ​ബ്ദ​മു​ഖ​രി​ത​മാ​യി. ഇ​ത് ജ​ഡ്ജി​മാ​രെ ചൊ​ടി​പ്പി​ച്ചു. ഒൗ​ചി​ത്യം ക​ള​ഞ്ഞു കു​ളി​ച്ചു, ഒൗ​ചി​ത്യം ഉ​റ​പ്പു വ​രു​ത്തി​യി​ല്ല എ​ന്നു വി​മ​ർ​ശി​ച്ച ചീ​ഫ് ജ​സ്റ്റീ​സ് സ്ഥി​തി​ഗ​തി​കൾ ഇ​ങ്ങ​നെ പോ​യാ​ൽ ത​ങ്ങ​ൾ എ​ഴു​ന്നേ​റ്റ് കോ​ട​തി​യി​ൽ നി​ന്നു പു​റ​ത്തു പോ​കു​മെ​ന്നും വ്യ​ക്ത​മാ​ക്കി.
കോ​ട​തി ഉ​ച്ച​ക​ഴി​ഞ്ഞ് വാ​ദം കേ​ൾ​ക്കാ​ൻ ചേ​ർ​ന്ന​പ്പോ​ൾ താ​ൻ ക​ട​ലാ​സു​ക​ൾ കീ​റി എ​റി​ഞ്ഞു എ​ന്ന രീ​തി​യി​ൽ വാ​ർ​ത്ത​ക​ൾ വൈ​റ​ലാ​യി എ​ന്ന് രാ​ജീ​വ് ധ​വാ​ൻ ചൂ​ണ്ടി​ക്കാ​ട്ടി. അ​ത് വ​ലി​ച്ചെ​റി​യാ​നാ​ണ് താ​ൻ ആ​ഗ്ര​ഹി​ച്ച​ത്. എ​ന്നാ​ൽ, അ​ത് കീ​റാം എ​ന്നു വ്യ​ക്ത​മാ​ക്കി​യ​ത് ചീ​ഫ് ജ​സ്റ്റീ​സ് ആ​ണെ​ന്നും ധ​വാ​ൻ ചൂ​ണ്ടി​ക്കാ​ട്ടി.

ക​ട​ലാ​സു​ക​ൾ കീ​റി​യ വാ​ർ​ത്ത വൈ​റ​ൽ ആ​യെ​ന്നും ത​ങ്ങ​ൾ അ​തു ക​ണ്ടി​രു​ന്നു എ​ന്നും ജ​സ്റ്റീ​സ് എ​സ്.​എ. ന​സീ​റും പ​റ​ഞ്ഞു. തു​ട​ർ​ന്ന് രാ​ജീ​വ് ധ​വാ​ന് അ​നു​മ​തി ന​ൽ​കി​യി​രു​ന്നു​വെ​ന്ന് ചീ​ഫ് ജ​സ്റ്റീ​സ് വ്യ​ക്ത​മാ​ക്കി.

ഭരണഘടനാ ബെഞ്ചിൽ മാരത്തൺ വാദം

സു​പ്രീം​കോ​ട​തി ഭ​ര​ണ​ഘ​ട​നാ ബെ​ഞ്ചി​ന്‍റെ ച​രി​ത്ര​ത്തി​ൽ ആ​ദ്യ​മാ​യാ​ണ് ഒ​രു കേ​സി​ൽ തു​ട​ർ​ച്ച​യാ​യി നാ​ൽ​പ​ത് ദി​വ​സം വാ​ദം കേ​ൾ​ക്കു​ന്ന​ത്. നേ​ര​ത്തേ ഒ​ക്‌ടോ​ബ​ർ പ​തി​നേ​ഴു വ​രെ കേ​സി​ൽ വാ​ദം കേ​ൾ​ക്കു​മെ​ന്നാ​യി​രു​ന്നു സു​പ്രീം​കോ​ട​തി അ​റി​യി​ച്ചി​രു​ന്ന​ത്. അ​ടു​ത്ത മാ​സം പ​തി​നേ​ഴി​നാ​ണ് ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യി വി​ര​മി​ക്കു​ന്ന​ത്. അ​തി​നു മു​ന്പാ​യി കേ​സി​ൽ വി​ധി പ​റ​യും. അ​യോ​ധ്യ​യി​ലെ 2.77 ഏ​ക്ക​ർ ഭൂ​മി മൂ​ന്നു ക​ക്ഷി​ക​ൾ​ക്കു​മാ​യി വി​ഭ​ജി​ച്ച അ​ല​ഹാ​ബാ​ദ് ഹൈ​ക്കോ​ട​തി വി​ധി​ക്കെ​തി​രാ​യ ഹ​ർ​ജി​ക​ളാ​ണ് സു​പ്രീംകോ​ട​തി പ​രി​ഗ​ണി​ക്കു​ന്ന​ത്.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.







Copyright @ 2019 , Rashtra Deepika Ltd.