വിധിയിൽ തൃപ്തരല്ല; കൂടിയാലോചിച്ചു പുനഃപരിശോധനാ ഹർജി നൽകുമെന്നു മുസ്‌ലിം വ്യക്തിനിയമ ബോർഡ്
Sunday, November 10, 2019 2:09 AM IST
ന്യൂ​ഡ​ൽ​ഹി: അ​യോ​ധ്യ​കേ​സി​ലെ സു​പ്രീംകോ​ട​തി വി​ധി​യി​ൽ തൃ​പ്ത​ര​ല്ലെ​ന്നും കൂ​ടി​യാ​ലോ​ചി​ച്ച​ശേ​ഷം പു​നഃ​പ​രി​ശോ​ധ​നാ ഹ​ർ​ജി ന​ൽ​കു​ന്ന​തി​ലേ​ക്കു നീ​ങ്ങു​മെ​ന്നും മു​സ്‌​ലിം വ്യ​ക്തി​നി​യ​മ ബോ​ർ​ഡ്. വി​ധി​യി​ൽ അ​തൃ​പ്തി പ്ര​ക​ടി​പ്പി​ച്ച കേ​സി​ലെ സു​പ്ര​ധാ​ന ക​ക്ഷി​ക​ളി​ൽ ഒ​ന്നാ​യ സു​ന്നി വ​ഖ​ഫ് ബോ​ർ​ഡും പു​നഃ​പ​രി​ശോ​ധ​നാ ഹ​ർ​ജി ന​ൽ​കു​മെ​ന്നു വ്യ​ക്ത​മാ​ക്കി.

സു​പ്രീം​കോ​ട​തി വി​ധി​യെ മാ​നി​ക്കു​ന്നു. വി​ധി ആ​രു​ടെ​യും വി​ജ​യ​മോ പ​രാ​ജ​യ​മോ അ​ല്ല. ഒ​രേ തെ​ളി​വ് മ​സ്ജി​ദി​ന് എ​തി​രേ​യും ക്ഷേ​ത്ര​ത്തി​ന് അ​നു​കൂ​ല​മാ​യും ഉ​പ​യോ​ഗി​ച്ചു. ഇ​തൊ​രു നി​യ​മ പോ​രാ​ട്ടം മാ​ത്ര​മാ​ണ്. ഈ ​വി​ഷ​യ​ത്തെ ആ ​രീ​തി​യി​ലാ​ണ് എ​ല്ലാ​വ​രും മ​ന​സി​ലാ​ക്കേ​ണ്ട​ത്. ച​രി​ത്ര​ത്തി​ൽ ചോ​ദ്യം ചെ​യ്യ​പ്പെ​ടു​ന്ന കോ​ട​തി വി​ധി​യാ​യി​രി​ക്കും ഇ​തെ​ന്നും കേ​സി​ൽ മു​സ്‌​ലിം വി​ഭാ​ഗ​ത്തെ സു​പ്രീം​കോ​ട​തി​യി​ൽ പ്ര​തി​നി​ധീ​ക​രി​ച്ച സു​ന്നി വ​ഖ​ഫ് ബോ​ർ​ഡി​ന്‍റെ അ​ഭി​ഭാ​ഷ​ക​നും മു​സ്‌​ലിം വ്യ​ക്തി​നി​യ​മ ബോ​ർ​ഡ് സെ​ക്ര​ട്ട​റി​യു​മാ​യ സ​ഫ​ർ​യാ​ബ് ജി​ലാ​നി പ​റ​ഞ്ഞു.

അ​യോ​ധ്യ ത​ർ​ക്ക ഭൂ​മി​യെ സം​ബ​ന്ധി​ച്ച സു​പ്രീം​കോ​ട​തി വി​ധി​യി​ൽ നി​ര​വ​ധി വൈ​രു​ധ്യ​ങ്ങ​ളു​ണ്ട്. അ​തു​കൊ​ണ്ട് ത​ന്നെ പു​നഃ​പ​രി​ശോ​ധ​ന ഹ​ർ​ജി ന​ൽ​കു​ന്ന​ത് ഉ​ൾപ്പെടെ​യു​ള്ള നി​യ​മവ​ശ​ങ്ങ​ൾ പ​രി​ശോ​ധി​ക്കു​മെ​ന്നാ​ണ് സ​ഫ​ർ​യാ​ബ് ജി​ലാ​നി പ​റ​ഞ്ഞ​ത്. വി​ധി ത​ങ്ങ​ളെ സം​തൃ​പ്ത​രാ​ക്കു​ന്നി​ല്ലെ​ങ്കി​ലും സ്വീ​ക​രി​ക്കു​ന്നു. നി​ല​വി​ൽ എ​ന്തു തു​ട​ർ ന​ട​പ​ടി വേ​ണ​മെ​ന്ന​ത് സം​ബ​ന്ധി​ച്ച് ബോ​ർ​ഡി​ന്‍റെ എ​ക്സി​ക്യു​ട്ടീ​വ് ക​മ്മി​റ്റി ഇ​തു​വ​രെ ച​ർ​ച്ച ചെ​യ്തി​ട്ടി​ല്ല. മ​സ്ജി​ദ് ഒ​രി​ക്ക​ലും ബാ​ബ​റു​ടേ​താ​യി​രുന്നി​ല്ല. മ​സ്ജി​ദ് ഒ​രി​ക്ക​ൽ നി​ർ​മി​ച്ച് ക​ഴി​ഞ്ഞാ​ൽ പി​ന്നെ അ​ത് അ​ല്ലാ​ഹു​വി​ന്‍റേ​താ​ണ്. ബാ​ബ​റു​മാ​യി ബ​ന്ധ​പ്പെ​ട്ട് ത​ങ്ങ​ൾ​ക്കൊ​ന്നും ത​ന്നെ വാ​ദി​ക്കാ​നി​ല്ല. മ​റ്റു​ള്ള​വ​ർ​ക്കു ബാ​ബ​റോ​ട് എ​ന്തെ​ങ്കി​ലും വി​രോ​ധ​മു​ണ്ടെ​ങ്കി​ൽ മ​സ്ജി​ദ് രാ​മ​ന്‍റെ പേ​രി​ലാ​ക്കൂ എ​ന്നു​മാ​ണ് സു​പ്രീം​കോ​ട​തി വി​ധി വ​ന്ന ശേ​ഷം ന​ട​ത്തി​യ പ​ത്ര​സ​മ്മേ​ള​ന​ത്തി​ൽ ജി​ലാ​നി പ​റ​ഞ്ഞ​ത്.


കേ​സി​ൽ ഉ​ൾ​പ്പെ​ട്ട ഭൂ​മി മു​ഴു​വ​ൻ മ​റു വി​ഭാ​ഗ​ത്തി​ന് ന​ൽ​കി​യ​ത് നീ​തി​യ​ല്ല. വി​ധി​യു​ടെ എ​ല്ലാ ഭാ​ഗ​ത്തെ​യും കു​റ്റ​പ്പെ​ടു​ത്തു​ന്നി​ല്ല. കോ​ട​തി വി​ധി​യെ മാ​നി​ക്കു​ന്ന​തി​നോ​ടൊ​പ്പം ത​ന്നെ അ​തി​നെ​തി​രേ വി​മ​ർ​ശി​ക്കാ​നു​ള്ള അ​വ​കാ​ശ​വു​മു​ണ്ട്. ഇ​ത് ആ​രു​ടെ​യും വി​ജ​യ​മോ പ​രാ​ജ​യ​മോ അ​ല്ല. ഒ​രു ത​ര​ത്തി​ലു​ള്ള പ്ര​തി​ഷേ​ധ​വും ഉ​യ​രി​ല്ല. എ​ങ്കി​ലും സു​പ്രീം​കോ​ട​തി വി​ധി ത​ങ്ങ​ളു​ടെ പ്ര​തീ​ക്ഷ​യ്ക്കൊ​പ്പം നി​ന്നി​ല്ലെ​ന്നും ജി​ലാ​നി ചൂ​ണ്ടി​ക്കാ​ട്ടി.

എ​ല്ലാ ജ​ന​ങ്ങ​ളും സ​മാ​ധാ​നം പു​ല​ർ​ത്ത​ണ​മെ​ന്നും മു​സ്‌​ലിം വ്യ​ക്തി​നി​യ​മ ബോ​ർ​ഡ് അ​ഭ്യ​ർ​ഥി​ച്ചു. അ​യോ​ധ്യ ത​ർ​ക്ക​ഭൂ​മി സം​ബ​ന്ധി​ച്ച സു​പ്രീം​കോ​ട​തി വി​ധി​യി​ൽ ത​ങ്ങ​ൾ പൂ​ർ​ണ തൃ​പ്ത​ര​ല്ലെ​ന്ന് ജ​മാ​ത്തെ ഇ​സ്‌​ലാ​മി ഹി​ന്ദ് പ്ര​സി​ഡ​ന്‍റ് സാ​ദ​ത്ത് ഉ​ല്ല ഹു​സൈ​നി​യും പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്ത് പ​റ​ഞ്ഞു. എ​ങ്കി​ലും രാ​ജ്യ​ത്തെ എ​ല്ലാ ജ​ന​ങ്ങ​ളും വി​ധി സ്വീ​ക​രി​ക്ക​ണ​മെ​ന്നും സ​മാ​ധാ​നം പു​ല​ർ​ത്ത​ണ​മെ​ന്നും അ​ദ്ദേ​ഹ​വും അ​ഭ്യ​ർ​ഥി​ച്ചു. ഹി​ന്ദു, മു​സ്‌​ലിം വി​ഭാ​ഗ​ത്തി​ൽ പെ​ട്ട​വ​ർ സ​മാ​ധാ​ന സം​ര​ക്ഷ​ണ​ത്തി​നാ​യി പ​ര​സ്പ​രം ചേ​ർ​ന്ന് പ്ര​വ​ർ​ത്തി​ക്ക​ണ​മെ​ന്ന് മു​സ്‌​ലിം വ്യ​ക്തി​നി​യ​മ ബോ​ർ​ഡ് അം​ഗം ഫ​സ​ലൂ​ർ റ​ഹീ​മും അ​ഭ്യ​ർ​ഥി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.