അയോധ്യയിൽ രാമക്ഷേത്രം
Sunday, November 10, 2019 2:35 AM IST
ന്യൂ​ഡ​ൽ​ഹി: അയോധ്യയിലെ തർ ക്കഭൂമിയിൽ രാമക്ഷേത്രം നിർ മിക്കാൻ സുപ്രീംകോടതി വിധി. ശ്രീ​രാ​മ​ന്‍റെ മൂ​ല​പ്ര​തി​ഷ്ഠ​യും ജ​ന്മ​സ്ഥാ​ന​വും ഉ​ട​മ​സ്ഥാ​വ​കാ​ശ​മാ​യി ഉ​ന്ന​യി​ച്ച രാം​ല​ല്ല വി​രാ​ജ്മാ​ന്‍റെ അ​വ​കാ​ശ​വാ​ദം അം​ഗീ​ക​രി​ച്ച കോ​ട​തി, 2.77 ഏ​ക്ക​റു​ള്ള ത​ർ​ക്ക​ഭൂ​മി കേ​ന്ദ്ര​സ​ർ​ക്കാ​ർ ഏ​റ്റെ​ടു​ത്തു രാ​മ​ക്ഷേ​ത്രം നി​ർ​മി​ക്കാ​ൻ ന​ൽ​ക​ണ​മെ​ന്ന് ഉ​ത്ത​ര​വി​ട്ടു.

മ​സ്ജി​ദ് നി​ർ​മി​ക്കാ​ൻ പ​ക​രം അ​യോ​ധ്യ​യി​ൽ അ​ഞ്ച് ഏ​ക്ക​ർ ഭൂ​മി ഏ​റ്റെ​ടു​ത്തു സു​ന്നി വ​ഖ​ഫ് ബോ​ർ​ഡി​നു ന​ൽ​ക​ണം. ക്ഷേ​ത്രം നി​ർ​മി​ക്കു​ന്ന​തി​നാ​യി മൂ​ന്നു മാ​സ​ത്തി​ന​കം കേ​ന്ദ്രം ഒ​രു ട്ര​സ്റ്റ് രൂ​പീ​ക​രി​ക്ക​ണ​മെ​ന്നും ഭൂ​മി​യു​ടെ അ​വ​കാ​ശ​ത്തി​നാ​യി ഹ​ർ​ജി ന​ൽ​കി​യി​രു​ന്ന നി​ർ​മോ​ഹി അ​ഖാ​ഡ​യെ ട്ര​സ്റ്റി​ൽ ഉ​ൾ​പ്പെ​ടു​ത്ത​ണ​മെ​ന്നും ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യ് അ​ധ്യ​ക്ഷ​നാ​യ അ​ഞ്ചം​ഗ ഭ​ര​ണ​ഘ​ട​നാ ബെ​ഞ്ച് നി​ർ​ദേ​ശി​ച്ചു.

അ​യോ​ധ്യ​യി​ലെ ത​ർ​ക്ക​ഭൂ​മി സു​ന്നി വ​ഖ​ഫ് ബോ​ർ​ഡ്, രാം​ല​ല്ല വി​രാ​ജ്മാ​ൻ, നി​ർ​മോ​ഹി അ​ഖാ​ഡ എ​ന്നി​വ​ർ​ക്കു വീ​തി​ച്ചു ന​ൽ​കി​യ 2010-ലെ ​അ​ലാ​ഹാ​ബാ​ദ് ഹൈ​ക്കോ​ട​തി ഉ​ത്ത​ര​വ് റ​ദ്ദാ​ക്കി​ക്കൊ​ണ്ടാ​ണു സു​പ്ര​ധാ​ന വി​ധി.

പ​തി​വു തെ​റ്റി​ച്ച് അ​വ​ധി ദി​വ​സ​മാ​യ ഇ​ന്ന​ലെ പ്ര​ത്യേ​കം സി​റ്റിം​ഗ് ന​ട​ത്തി​യാ​ണു ചീ​ഫ് ജ​സ്റ്റീ​സ് ര​ഞ്ജ​ൻ ഗൊ​ഗോ​യ്, നി​യു​ക്ത ചീ​ഫ് ജ​സ്റ്റീ​സ് എ​സ്.​എ. ബോ​ബ്ഡെ, ജ​സ്റ്റീ​സു​മാ​രാ​യ ഡി.​വൈ. ച​ന്ദ്ര​ചൂ​ഡ്, അ​ബ്ദു​ൾ ന​സീ​ർ, അ​ശോ​ക് ഭൂ​ഷ​ണ്‍ എ​ന്നി​വ​രു​ടെ ബെ​ഞ്ച് വി​ധി പ​റ​ഞ്ഞ​ത്. വി​ധി ഏ​ക​ക​ണ്ഠ​മാ​യി​രു​ന്നെ​ന്നു ചീ​ഫ് ജ​സ്റ്റീ​സ് വ്യ​ക്ത​മാ​ക്കി.

ആ​ർ​ക്കി​യോ​ള​ജി​ക്ക​ൽ സ​ർ​വേ ഓ​ഫ് ഇ​ന്ത്യ (എ​എ​സ്ഐ) ഗ​വേ​ഷ​ണ​ത്തി​ലൂ​ടെ ക​ണ്ടെ​ടു​ത്ത​വ ത​ള്ളി​ക്ക​ള​യാ​നാ​വി​ല്ലെ​ന്നു വ്യ​ക്ത​മാ​ക്കി​യാ​ണു കോ​ട​തി​യു​ടെ ഉ​ത്ത​ര​വ്.

നേ​ര​ത്തേ ഉ​ണ്ടാ​യി​രു​ന്ന നി​ർ​മി​തി​യു​ടെ മു​ക​ളി​ലാ​ണ് ബാ​ബ​റി മ​സ്ജി​ദ് പ​ണി​ത​ത്. എ​ന്നാ​ൽ, അ​തു ഹി​ന്ദു​ക്ഷേ​ത്ര​മാ​ണെ​ന്ന് എ​എ​സ്ഐ റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​ട്ടി​ല്ല. മു​ന്പു​ണ്ടാ​യി​രു​ന്ന​ത് ഹൈന്ദവ ക്ഷേത്ര​മാ​ണെ​ങ്കി​ൽ​ത്ത​ന്നെ അ​തു​കൊ​ണ്ടു മാ​ത്രം ഉ​ട​മ​സ്ഥാ​വ​കാ​ശം സ്ഥാ​പി​ക്കാ​നാ​വി​ല്ല. ത​ർ​ക്ക സ്ഥ​ല​ത്തു ത​ന്നെ​യാ​ണു ശ്രീ​രാ​മ​ൻ ജ​നി​ച്ച​തെ​ന്നു ഹി​ന്ദു​ക്ക​ൾ വി​ശ്വ​സി​ക്കു​ന്ന​തി​നു നൂ​റ്റാ​ണ്ടു​ക​ളാ​യു​ള്ള തെ​ളി​വു​ക​ളു​ണ്ട്. രാം ​ച​ബൂ​ത്ര, സീ​താ ര​സോ​യി എ​ന്നി​വ​യി​ൽ ബ്രി​ട്ടീ​ഷ് കാ​ല​ത്തി​നു മു​ന്പു ത​ന്നെ ഹി​ന്ദു​ക്ക​ൾ ആ​രാ​ധ​ന ന​ട​ത്തി​യ​തി​നു തെ​ളി​വു​ണ്ടെ​ന്നും 1045 പേ​ജു​ള്ള വി​ധി​ന്യാ​യ​ത്തി​ൽ പ​റ​യു​ന്നു.


ഉ​ത്ത​ര​വി​ലെ പ്ര​ധാ​ന ഭാ​ഗ​ങ്ങ​ൾ

* ത​ർ​ക്ക​ഭൂ​മി മൂ​ന്നാ​യി വീ​തം വ​ച്ചു​ള്ള അ​ലാ​ഹാ​ബാ​ദ് ഹൈ​ക്കോ​ട​തി ഉ​ത്ത​ര​വു നി​യ​മ​പ​ര​മാ​യി നി​ല​നി​ൽ​ക്കു​ന്ന​ത​ല്ല. വി​ശ്വാ​സ​ത്തി​ന്‍റെ അ​ടി​സ്ഥാ​ന​ത്തി​ല​ല്ല വി​ധി പ്ര​ഖ്യാ​പി​ക്കേ​ണ്ട​ത്; തെ​ളി​വു​ക​ളും ക​ണ​ക്കാ​ക്ക​ണം.

* ഉ​ട​മ​സ്ഥാ​വ​കാ​ശം ഉ​ന്ന​യി​ക്കു​ന്ന നി​ർ​മോ​ഹി അ​ഖാ​ഡ, സു​ന്നി വ​ഖ​ഫ് ബോ​ർ​ഡ് എ​ന്നി​വ​യുടെ വാ​ദ​ങ്ങ​ൾ​ക്ക് പ​രി​മി​തി​ക​ൾ ഏ​റെ. വാ​ദ​ങ്ങ​ൾ ശ​രി​വ​യ്ക്കു​ന്ന തെ​ളി​വു​ക​ൾ ഹാ​ജ​രാ​ക്കാ​നാ​യി​ല്ല. ഉ​ട​മ​സ്ഥാ​വ​കാ​ശ​ത്തി​നാ​യി ആ​ദ്യം ഹ​ർ​ജി ന​ൽ​കി​യ ഗോ​പാ​ൽ സിം​ഗ് വി​ശാ​ര​ദ് നി​ർ​മോ​ഹി അ​ഖ​ാഡ​യു​ടെ ഭാ​ഗം.

* നി​ർ​മോ​ഹി അ​ഖാഡ​യു​ടേ​തു ന​ട​ത്തി​പ്പു ചു​മ​ത​ല.

* മൂ​ല​പ്ര​തി​ഷ്ഠ​യ്ക്കും ജ​ന്മ​സ്ഥാ​ന​ത്തി​നും നൈ​യാ​മി​ക വ്യ​ക്തി​ത്വ​മു​ണ്ട്.

* 1856-നു​ ശേ​ഷം ത​ർ​ക്കഭൂ​മി​യി​ൽ വേ​ലി​യും മ​തി​ലും ഉ​ണ്ടാ​ക്കി​യ​തി​നു ശേ​ഷം മ​സ്ജി​ദി​ന്‍റെ പു​റം​ഭാ​ഗ​ത്ത് മു​സ്‌​ലിംക​ൾ പ്രാ​ർ​ഥ​ന ന​ട​ത്തി​യി​രു​ന്ന​പ്പോ​ൾത്ത ന്നെ അ​തി​നോ​ടു ചേ​ർ​ന്നു​ള്ള സ്ഥ​ല​ത്തു ഹി​ന്ദു​ക്ക​ൾ പൂ​ജ ന​ട​ത്തി​യി​രു​ന്നു എ​ന്ന​തു വ്യ​ക്ത​മാ​ണ്.

1856-നു ​മു​ന്പോ 1934-ലെ ​ക​ലാ​പ​ത്തി​നു ശേ​ഷ​മോ മ​സ്ജി​ദി​ൽ മു​സ്‌​ലിം​ക​ൾ പ്രാ​ർ​ഥ​ന ന​ട​ത്തി​യ​താ​യി വ്യ​ക്ത​മാ​യി​ട്ടി​ല്ല.

* അ​യോ​ധ്യ​യി​ലെ ഭൂ​മി ഏ​റ്റെ​ടു​ത്ത 1993-ലെ ​നി​യ​മ​ത്തി​ലെ ആ​റ്, ഏ​ഴ് വ​കു​പ്പു​ക​ൾ പ്ര​കാ​രം കേ​ന്ദ്രസ​ർ​ക്കാ​ർ ക്ഷേ​ത്രനി​ർ​മാ​ണ​ത്തി​നാ​യി ബോ​ർ​ഡ് ഓ​ഫ് ട്ര​സ്റ്റീ​സ് രൂ​പീ​ക​രി​ക്ക​ണം. മ​സ്ജി​ദി​ന്‍റെ അ​ക​ത്ത​ള​വും പു​റം​ഭാ​ഗ​വും ഏ​റ്റെ​ടു​ത്ത് ക്ഷേ​ത്രനി​ർ​മാ​ണ​ത്തി​നാ​യി ബോ​ർ​ഡ് ഓ​ഫ് ട്ര​സ്റ്റീ​സി​നു കൈ​മാ​റ​ണം.

* അ​യോ​ധ്യ​യി​ലെ ത​ർ​ക്ക​ഭൂ​മി​ക്കു പ​ക​ര​മാ​യി സു​ന്നി വ​ഖ​ഫ് ബോ​ർ​ഡി​ന് 1993-ലെ ​അ​യോ​ധ്യാ നി​യ​മ​ത്തി​ന്‍റെ ഭാ​ഗ​മാ​യി ഏ​റ്റെ​ടു​ത്ത ഭൂ​മി​യി​ലോ മ​റ്റേ​തെ​ങ്കി​ലും സ്ഥ​ല​ത്തോ അ​ഞ്ച് ഏ​ക്ക​ർ ഭൂ​മി കൈ​മാ​റ​ണം. സു​ന്നി വ​ഖ​ഫ് ബോ​ർ​ഡി​ന് ഉ​ചി​ത​മാ​യ​താ​യി​രി​ക്ക​ണം കൈ​മാ​റേ​ണ്ട ഭൂ​മി. അ​വി​ടെ മ​സ്ജി​ദ് പ​ണി​യാ​നു​ള്ള പൂ​ർ​ണ അ​വ​കാ​ശ​വും ചു​മ​ത​ല​യും സു​ന്നി വ​ഖ​ഫ് ബോ​ർ​ഡി​നു മാ​ത്ര​മാ​യി​രി​ക്കും.

* ത​ർ​ക്കഭൂ​മി​യി​ൽ അ​വ​കാ​ശ​വാ​ദം ഉ​ന്ന​യി​ച്ച് ഷി​യ വ​ഖ​ഫ് ബോ​ർ​ഡ് ന​ൽ​കി​യ ഹ​ർ​ജി കോ​ട​തി ത​ള്ളി. 1946-ലെ ​ഫൈ​സാ​ബാ​ദ് കോ​ട​തി ഉ​ത്ത​ര​വി​നെ ചോ​ദ്യം ചെ​യ്താ​യി​രു​ന്നു ഷി​യാ വ​ഖ​ഫ് ബോ​ർ​ഡി​ന്‍റെ ഹ​ർ​ജി.

ജി​ജി ലൂ​ക്കോ​സ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.