രാഹുൽഗാന്ധി എവിടെയെന്നു സ്പീക്കർ; ചോദിക്കാൻ പത്ത് ചോദ്യങ്ങളുണ്ട്
Tuesday, November 19, 2019 11:36 PM IST
ന്യൂ​ഡ​ൽ​ഹി: ശീ​ത​കാ​ല സ​മ്മേ​ള​ന​ത്തി​ന്‍റെ ര​ണ്ടാം ദി​വ​സ​വും ലോ​ക്സ​ഭ​യി​ൽ കാ​ണാ​തി​രു​ന്ന രാ​ഹു​ൽ ഗാ​ന്ധി​യെ കാ​ര്യ​മാ​യി തി​ര​ക്കി സ്പീ​ക്ക​ർ ഓം ​ബി​ർ​ള. രാ​ഹു​ൽ എ​വി​ടെ, അ​ദ്ദേ​ഹ​ത്തി​നൊ​രു ചോ​ദ്യം ചോ​ദി​ക്കാ​നു​ള്ള അ​വ​സ​രം കൊ​ടു​ക്കാ​നു​ണ്ടാ​യി​രു​ന്ന​ല്ലോ എ​ന്നാ​ണ് ഇ​ന്ന​ലെ സ്പീ​ക്ക​ർ പ​റ​ഞ്ഞ​ത്. ലോ​ക്സ​ഭ​യി​ൽ ചോ​ദ്യോ​ത്ത​ര വേ​ള​യി​ൽ രാ​ഹു​ലി​ന്‍റെ പേ​രി​ൽ കേ​ര​ള​ത്തി​ന് വേ​ണ്ടി​യു​ള്ള ഒ​രു ചോ​ദ്യം ലി​സ്റ്റ് ചെ​യ്തി​ട്ടു​ണ്ടാ​യി​രു​ന്നു. ഇ​തു​ൾ​പ്പെടെ വി​വി​ധ മ​ന്ത്രാ​ല​യ​ങ്ങ​ളോ​ട് കേ​ര​ള​ത്തി​നു വേ​ണ്ടി പ​ത്തു ചോ​ദ്യ​ങ്ങ​ളാ​ണ് ഈ ​ആ​ഴ്ച രാ​ഹു​ലി​ന്‍റെ പേ​രി​ൽ ലി​സ്റ്റ് ചെ​യ്തി​രി​ക്കു​ന്ന​ത്.

ലോ​ക്സ​ഭ ചോ​ദ്യ​പ്പ​ട്ടി​ക​യി​ൽ 28-ാമ​താ​യി ആ​യി​രു​ന്നു രാ​ഹു​ലി​ന്‍റെ ഇ​ന്ന​ല​ത്തെ ചോ​ദ്യം. നേ​രി​ട്ട് വ​ന്നു ചോ​ദി​ച്ചി​ല്ലെ​ങ്കി​ലും കേ​ന്ദ്ര ഗ്രാ​മീ​ണ വി​ക​സ​ന മ​ന്ത്രി ന​രേ​ന്ദ്ര സിം​ഗ് തോ​മ​ർ രാ​ഹു​ലി​ന്‍റെ ചോ​ദ്യ​ത്തി​ന് രേ​ഖാ​മൂ​ലം മ​റു​പ​ടി ന​ൽ​കി. പ്ര​ള​യം മൂ​ലം ത​ക​ർ​ന്ന പ്രാ​ദേ​ശി​ക റോ​ഡു​ക​ളു​ടെ​യും ചെ​റു പാ​ല​ങ്ങ​ളു​ടെ​യും പു​ന​ർ​നി​ർ​മാ​ണ​ത്തി​നാ​യി കേ​ര​ള സ​ർ​ക്കാ​ർ സ​ഹാ​യം അ​ഭ്യ​ർ​ഥി​ച്ചി​ട്ടു​ണ്ടോ എ​ന്നാ​യി​രു​ന്നു രാ​ഹു​ലി​ന്‍റെ ചോ​ദ്യം. പ്ര​ധാ​ന​മ​ന്ത്രി ഗ്രാ​മ സ​ഡ​ക് യോ​ജ​ന പ​ദ്ധ​തി​യു​മാ​യി ബ​ന്ധ​പ്പെ​ടു​ത്തി​യാ​യി​രു​ന്നു ചോ​ദ്യം.


ശൂ​ന്യ​വേ​ള​യി​ൽ കൊ​ടി​ക്കു​ന്നി​ൽ സു​രേ​ഷ് ത​ന്‍റെ വി​ഷ​യം അ​വ​ത​രി​പ്പി​ക്കാ​ൻ രാ​ഹു​ൽ ഗാ​ന്ധി​യു​ടെ സീ​റ്റി​ൽ നി​ന്ന് എ​ഴു​ന്നേ​റ്റു നി​ന്ന​പ്പോ​ഴാ​യി​രു​ന്നു സ്പീ​ക്ക​ർ രാ​ഹു​ലി​ന്‍റെ അ​സാ​ന്നി​ധ്യം ശ്ര​ദ്ധി​ച്ച് അ​ദ്ദേ​ഹം എ​വി​ടെ എ​ന്നു തി​ര​ക്കി വ​യ​നാ​ട് എം​പി​യു​ടെ ചോ​ദ്യ​ത്തെ​ക്കു​റി​ച്ചു പ​റ​ഞ്ഞ​ത്. കൊ​ടി​ക്കു​ന്നി​ലി​നോ​ട് തൊ​ട്ട​ടു​ത്തു​ള്ള ത​ന്‍റെ സ്വ​ന്തം ഇ​രി​പ്പി​ട​ത്തി​ലേ​ക്ക് മാ​റി​യി​രു​ന്നു സം​സാ​രി​ക്കാ​ൻ സ്പീ​ക്ക​ർ നി​ർ​ദേ​ശി​ക്കു​ക​യും ചെ​യ്തു.

2018 ഓ​ഗ​സ്റ്റി​ലെ പ്ര​ള​യ​ത്തി​ൽ ത​ക​ർ​ന്ന റോ​ഡു​ക​ളു​ടെ പു​ന​ർ​നി​ർ​മാ​ണ​ത്തി​നാ​യി കേ​ര​ള സ​ർ​ക്കാ​ർ അ​പേ​ക്ഷ ന​ൽ​കി ന​ൽ​കി​യി​ട്ടു​ണ്ടെ​ന്നാ​ണ് ഗ്രാ​മീ​ണ വി​ക​സ​ന മ​ന്ത്രി ന​രേ​ന്ദ്ര സിം​ഗ് തോ​മ​ർ രാ​ഹു​ലി​ന്‍റെ ചോ​ദ്യ​ത്തി​ന് രേ​ഖാ മൂ​ലം മ​റു​പ​ടി ന​ൽ​കി​യ​ത്. എ​ന്നാ​ൽ, മാ​ന​ദ​ണ്ഡം അ​നു​സ​രി​ച്ച് പ്രാ​ദേ​ശി​ക റോ​ഡു​ക​ൾ സം​സ്ഥാ​ന വി​ഷ​യ​മാ​ണ്. പ്ര​ധാ​ന​മ​ന്ത്രി ഗ്രാ​മ സ​ഡ​ക് യോ​ജ​ന പ​ദ്ധ​തി​യി​ൽ പെ​ടു​ത്തി നി​ർ​മി​ച്ച റോ​ഡു​ക​ളു​ടെ അ​റ്റ​കു​റ്റ​പ്പ​ണി​ക​ൾ സം​സ്ഥാ​ന സ​ർ​ക്കാ​രി​ന്‍റെ ചു​മ​ത​ല​യാ​ണെ​ന്നും മ​ന്ത്രി മ​റു​പ​ടി​യി​ൽ വ്യ​ക്ത​മാ​ക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.